Málfríður - 15.05.1993, Blaðsíða 20

Aðalbjörg Björnsdóttir:
Námskeið fyrir dönskukennara
á Schæffergárden
Námskeið var haldið á Schæf-
fergárden í Gentofte í Danmörku
dagana 26. júlí til 4. ágúst 1992.
Félag dönskukennara gekkst fyrir
námskeiðinu fyrir 20 framhalds-
skólakennara og var 5 kennurum
á grunnskólastigi boðin þátttaka.
Málfríður Þórarinsdóttir úr
stjórn félags dönskukennara og
Ósa Knútsdóttir, fyrrverandi for-
maður félagsins, tóku að sér fyrir
hönd félags dönskukennara að
sjá um allan undirbúning og
stjórn námskeiðsins. Þetta mun
vera í fimmta sinn, sem nám-
skeið er haldið á Schæffergárd-
en. Stóðu þær stöllur sig með
sóma og vil ég þakka þeim kær-
lega fyrir hönd okkar sem vorum
þátttakendur á þessu námskeiði.
Þátttakendur voru 25 frá 16
skólum, 22 konur og 3 karlar.
Á Schæffergárden var aðbún-
aður hinn besti, eins og þeir vita,
sem áður hafa verið þar á nám-
skeiðum. Allir fengu eins manns
herbergi með baði. Fegurð um-
hverfisins er rómuð meðal þeirra
sem þar hafa dvalist. Göngu- og
hjólastígar í nágrenninu voru
óspart notaðir í hléum milli
„stríða“. Sumir þurftu að passa
upp á línurnar en aðrir vildu
styrkja líkamann. Maturinn á
Schæffergárden er ekki beinlínis
hliðhollur línunum, eins og þeir
vita sem hafa verið á námskeið-
um þarna. En ekki má kvarta yfir
veislumat alla daga vikunnar.
Þetta námskeið var eins og
fyrri námskeið býsna strembið,
einkum þegar tekið er tillit til
þess að hitabylgjur virðast alltaf
vera viðloðandi þegar námskeið-
in okkar eru haldin. Að minnsta
kosti þjáðist undirrituð af
þessum mikla hita, þó vön að
búa í Danmörku, en ég held bara
að veðurfarið hafi breyst síðan
ég bjó þar fyrir tæpum 30 árum.
Námskeiðið byggðist upp á
fyrirlestrum, umræðum og ýmiss
konar hópvinnu frá kl. 9 til 16
hvern dag. Auk þess var nokkur
heimalestur á kvöldin. Klukku-
tíma matarhlé var í hádeginu og
tvö stutt kaffihlé. Boðið var upp
á heimsókn í Karen Blixen safnið
í Rungstedlund á Sjálandi og var
það þegið með þökkum. Lagt var
af stað á laugardagsmorgni kl. 9
og eftir að hafa skoðað þetta
merka safn í nokkurn tíma og séð
hið yndislega umhverfi við Rung-
stedlund var okkur ekið niður á
Ráðhústorg. Þar tvístraðist hóp-
urinn, því allir vildu eyða síðustu
peningunum í búðarrápi. Fyrsta
laugardag hvers mánaðar eru
búðir nefnilega opnar lengi í
Kaupmannahöfn og þarna vorum
við stödd laugardaginn 1. ágúst.
Á námskeiðinu voru fjórir
fyrirlesarar: Torben Brostrom,
Flemming Olsen, Karen Lund og
Helle Alro.
Torben Brostrpm er bók-
menntagagnrýnandi og fyrrver-
andi prófessor við danska kenn-
araháskólann. Hann var fyrsti
fyrirlesarinn og var með yfirlit
yfir danska smásagnagerð. Smá-
sagan „fæddist" í byrjun 19.
aldar í Danmörku og er talið að
„Brudstykker af en Landsby-
degns Dagbog“ eftir St. St. Blic-
her 1824 sé ein af fyrstu dönsku
smásögunum. Þessi fyrirlesari
var bara einn dag með okkur.
Hann benti á að það sem ein-
kennir smásöguna er að atburð-
urinn er miðpunkturinn. Síðan
talaði hann einnig um „short
story“ sem væri yngri tegund
smásögunnar.
Flemming Olsen var næsti fyr-
irlesari og hann var hjá okkur í
tvo daga. Hann er lektor í ensku
við menntaskóla. Hann fjallaði
um notkun sipásagna í kennslu
erlendra tungumála. Kennslan
fór fram á dönsku, en hann not-
aði enskar smásögur. Lagði hann
áherslu á að geta skilið, upplifað
og metið smásöguna. Neman-
dinn á að geta bent á hvar há-
punktur sögunnar er, greint á
milli sögumanns og höfundar og
valið hvað hefur þýðingu fyrir
skilning á textanum. Nemandinn
á að geta gert sér grein fyrir
þeirri mynd sem textinn sýnir og
metið textann út frá því. Hann
lagði áherslu á þrennt í samban-
di við val á texta: Er textinn hæfi-
lega þungur, hvernig er efnið og
hefur það uppeldisfræðilegt
gildi? Kennslan er svo á ábyrgð
kennarans.
Karen Lund var þriðji fyrirles-
arinn. Hún er lektor við háskól-
ann í Kaupmannahöfn og var
hún með okkur í tvo daga. Hún
fjallaði um kennslufræði erlendra
tungumála, einkum með hliðsjón
af hvernig megi þjálfa talfærni
nemenda. Talaði hún um hinar
ýmsu aðferðir í kennslu erlendra
tungumála og mismun þeirra.
Kom hún inn á eftirfarandi að-
ferðir a) málfræði/þýðingar, b)
beina aðferðin, c) bygging tungu-
málsins (struktur metoden), og
d) tjáskiptaaðferðin. Hún var
mjög hlynnt hlutverkaleikjum í
talæfingunum.
Helle Alro var svo fjórði fyrir-
lesarinn og var hún einnig með
okkur í tvo daga. Hún er lektor í
Álaborg. Hún sýndi notkun
myndbanda við kennslu erlendra
tungumála, einkum með hliðsjón
af hvernig þjálfa megi talfærni
nemenda. Sýndi hún okkur hinar
ýmsu tegundir mynda, sem nota
má í kennslunni svo sem glæpa-
myndir, framhaldsmyndaflokka,
fréttir og fleira, einnig hvernig
mynd og hljóð getur stutt hvort
annað. Talaði hún um „medie
20