Bæjarins besta - 28.07.1993, Qupperneq 4

4
BÆJARINS BESTA • Miðvikudagur 28. júlí 1993
Óháð vikublað
á Vestfjörðum,
Útgefandi:
H-prent hf.
Sólgötu 9,
400 ísafjörður
8 94-4560
i 94-4564.
Ritstjóri:
Sigurjón J.
Sigurðsson
8 4277 &
985-25362.
Ábyrgðarmenn:
Sigurjón J.
Sigurðsson og
Halldór
Sveinbjörnsson
8 5222 &?
985-31062.
Blaðamaður:
Hermann Þór
Snorrason.
Útgáfudagur:
Miðvikudagur.
Prentvinnsla:
H-prent hf.
Bæjarins besta
er aðili að
samtökum
bæjar- og
héraðsfrétta-
blaða.
Eftirprentim,
hljóðritun,
notkrm yós-
mynda og
annars efnis er
óheimil nema
heimilda sé
getið.
Bolafjall:
Ferðamönnum meinaður
aðgangur að fjallinu um tíma
UNDANFARNA daga
hefur vegurinn upp á Bola-
fjall verið lokaður almenn-
ingi og hafa þeir ferðamenn
sem lagt hafa leið sína þar
upp verið reknir frá með
harðri hendi. Bolafjall hefur
verið vinsæll viðkomustaður
ferðamanna sem koma til
Vestfjarða enda er mjög gott
útsýni af f jallinu í góðu veðri
til allra átta auk þess sem
tign fjallsins hefur glatt
margan útivistarmanninn.
Því er það nær óskiljanlegt
að mati margra heimamanna
að svæðinu skuli vera lokað
á mesta ferðamannatím-
anum.
Ólafur Kristjánsson, bæjar-
stjóri í Bolungarvík sagði í
samtali við blaðið að ástæðan
fyrir lokuninni væri tvíþætt. í
fyrsta lagi væri það vegna þess
að leysing hefði verið mjög
miklu seinna á ferðinni í ár en
undanfarin ár og vegurinn því
ekki talinn hættulaus að mati
Ratsjárstofnunar og í öðru lagi
væri verið að kanna hver bæri
ábyrgðina ef slys yrði á
fjallinu.
„Ratsjárstofnun telur að
vegur sé ekki hættulaus vegna
hruns á veginn auk þess sem
snjór er alveg fram á hengi-
brún. Við höfum verið í við-
ræðum við varnarmáladeild
síðan í maí um hver væri bóta-
skyldur ef tjón yrði á mann-
virkjum og fólki á fjallinu.
Samkvæmt áliti varnamála-
deildar, þá er þetta einkavegur
og það eru gerðar miklu meiri
kröfur til bóta þar en á þjóð-
vegum og þau mál viljum við
fá á hreint. Ég á von á að
fundur um þessi mál verði
haldin fljótlega í næsta mánuði
og þá fáist niðurstaða sem allir
geta unað við. Bæjarstjórn
Bolungarvíkur hefur ályktað
um það að við unum því
ekkert að þessi vegur sé
lokaður og ég vona að þessi
mál leysist.”
-Nú hefur þetta svæði verið
eitt það eftirsóttasta af ferða-
mönnum. Kemur þetta ekki illa
fyrir bæjarféiagið?
„Jú, það gerir það. Við
teljum að við höfum einir rétt
um þetta að segja og ég á nú
von á því að bæjárráð fari í
skoðunarferð upp á fjallið nú
í vikunni og kanni ástandið,”
Peningalyktin streymir nú út í andrúmsloft Bolvíkinga en loðnubræðsla hófst á
staðnum í síðustu viku. Höfrungur Ak befur landað samtals 1.726.3 tonnum af loðnu
til verksmiðjunnar á einni viku.
Bolungarvík:
Höfrungur AK kominn með þriðja loðnufarminn
LOÐNUSKIPIÐ Höfrungur AK landaði þriðja farmi sínum af loðnu í Bolungarvík á
einni viku síðastliðinn mánudag. Þá kom skipið með 850 tonn og hefur því landað
1.7263 tonnum á einni viku.
Töluverð áta er í Ioðnunni og er því erfitt að vinna hana en unnið er á vöktum allan
sólarhringinn hjá loðnuverksmiðjunni í Bolungarvík. Fjórir starfsmenn vinna á næturvöktum
en alls vinna 13 manns í verksmiðjunni. Afkastageta verksmiðjunnar á síðasta ári var um 350
tonn á sólarhring en er nokkru minni nú. 'í-
Þeir sem leggja leið sína upp á Bolafjall þessa dagana
koma fljótlega að þessu skilti sem meinar þeim aðgang að
fjallinu. Bæjarstjórn Bolungarvíkur vonast til að fjallið
verði opnað fyrir ferðamönnum aftur í byrjun næsta
mánaðar. -----------------------
sagði Ólafur í samtali við
blaðið.
Þá má geta þess að Bol-
ungarvíkurkaupstaður hefur
gert samkomulag viö vama-
máladeild utanríkisráðuneytis-
ins um að byggður verði út-
sýnispallur á fjallinu og liggja
teikningar af honum nú þegar
fyrir. Vonast bæjarstjóm Bol-
ungarvíkur til þess aó hafist
verði handa við byggingu
pallsins á þessu ári eða í
síðasta lagi á því næsta en
bæjarstjórn Bolungarvíkur
hefur haft nokkrar áhyggjur af
öryggismálum ferðamanna á
svæðinu og þar með bóta-
skyldu vegna sly sa sem þar geta
orðið. -s.
SÍÐBÚIÐ sameiginlegt
100 ára afmæli hjónanna
Konráðs Eggertssonar
hrefnuveiðimanns og
Önnu Guðmundsdóttur
verður haldið hátíðlegt
nk. laugardag.
Þau hjón munu taka á
móti gestum í Þemuvík í
ísafjárðardjúpi á laugar-
daginn og eru allir vinir og
vandamenn velkomnir.
Sundlaug Suðureyrar
Qpnunartímar í sumar
Stór útisundlaug,
sér bamalaug
og heitir pottar.
Verið velkomin
Mánudaga kl. 14:00-20:30
Þriðjudaga kl. 14:00-20:30
Mióvikudaga er lokað v/þrifa
Fimmtudaga kl. 14:00-20:30
Föstudaga kl. 14:00-21:00
Laugardaga kl. 10:00-16:00
Sunnudaga kl. 13:00-16:00

| Leiðarinn:
Meó samþykktályktunartillögu Kristins H. Gunnarssonar,
bæjarfulltrúa og alþingismanns, sem birtist á öðrum stað í
blaðinu, höfnuðu fimm bæjarfullcrúar í Bolungarvík tillögu
starfshóps stjómar Fjórðungssambands Vcstfirðinga um
sameiningu sveitarfélaga á norðanverðum Vestfjörðum.
Þessi afstaða „meirihluta" bæjarstjórnar Bolungarvíkur
vekur óneitanlega furðu, aó ekki sé sterkara að oröi kveðið.
Þá hlýtur það ekki síóur að vekja eftirtekt, að oddviti
bæjarstjórnarinnar, sjálfur bæjarstjórinn, er andvígur “jafn
afdráttarlausri afstöðu til synjunar” og fram kemur í tillögu
baejarfulltrúans og þingmannsins.
Ibókun sinni gegn ályktuninni bendirbæjarstjórinn réttilega
á veika stöðu byggðar á norðanveröum Vestfjörðum. Þar
af leióandi er niðurstaða bæjarstjórans sú, aó það muni
ekki af veita, að menn standi saman til lausnar þeim vanda
og verkefnum sem framundan eru.
Það er vel flestum ljóst.sem eitthvað hafa komið nálægt
félagsmálum að „sameining” er tilfinningamál. Gildir þá
einu hvort um sveitarfélag eða stéttarfélag er að ræða. Þessi
mynd blasir reýndar við á öllum sviðum þjóólífsins. Menn
telja alla hluti sjálfsagða, þar til kemur að eigin skinni.
Félagið þeirra er heilagt.
Gcgn tilfinningum af þcssutn toga gilda engin rök. Og af
þessari einföldu, en dýru ástæðu, er þjóðfélagið eins og
það er. Samsafn smákónga á ollum sviðum. Smákónga, sem
telja það miklu meira í munni að vera „stór karl í litlum bæ,
en lítill karl í stórum bæ“ eins og ágætur maður komst eitt
sinn svo spaklega að orði.
Samþykkt bæjarstjórnar Bolungarvíkur ber mcð sér mikla
skammsýni. Sveitarfélögin á Vestfjöróum þurfa á öllum
sínum sameiginlega styrk að halda. Sjávarplássin á
Vestfjörðum búa við allt aðrar aðstæður í dag en fyrir
nokkrum árum. Það ætti bæjarstjórn Bolungarvíkur að vera
betur kunnugt en mörgum öðrum. Innihaldslaust hjal á
gagnslitinni plötu um “heilbrigðan rekstrargundvöll”
sjávarútvegsins, leysir engan vanda. Þessi plata hefur verið
spiluð í áratugi og það veit enginn hvað þessi orð merkja,
enda enginn ætlast til þess í raun og veru.
BB hefur ekki legið á þeirri skoóun sinni að öflugir
byggðakjamar séu eina svar landsbyggóarinnar til að koma
hreinlega í veg fyrir algert hrun hennar. Innbyróis reiptog
smárra og lítt megnugra sveitarfélaga leiðir til þess eins, aó
allir tapa.
Það er full ástæða til að beina þeirri áskorun til
bæjarstjórnar Bolungarvíkur að hún endurskoði afstöðu
sína. Sameining sveitarfélaga vítt og breytt um landið er
óhjákvæmileg í ljósi aðstæðna. Og þessi sameining mun
eiga sér stað, hvort sem einstaka sveitarstjórnarmönnum er
það ljúft eða leitt.
Öfiug og stærri sveitarfélög eru það sem koma skal og
það er vænlegra til árangurs að þeim verði komió á af
fúsum og frjálsum vilja heimamanna en meó vaidboði.
Þess vegna á bæjarstjómin í Bolungarvík að endurskoða
afstöðu sína í stað þess að láta bæjarstjórann vera einan á
báti.
s.h.