Rauði borðinn : fréttabréf alnæmissamtakanna á Íslandi - 01.12.2012, Blaðsíða 3
3
Er ekki allt
gott að frétta?
Ef við hittum vin eða kunningja á förnum vegi, sem við höfum
ekki hitt lengi, spyrjum við gjarnan frétta af högum viðkomandi.
Spurningar eins og „Hvernig hefur þú það“ eða „Er ekki allt gott að
frétta?“ eru nokkuð algengar. En viljum við fá svör við þessu? Ef
svarið er „nei“ þá verða áframhaldandi samræður vandræðalegar
svo flestir bregða á það ráð, ef svo stendur á, að hagræða aðeins og
segjast hafa það gott og þar fram eftir götunum.
„Hvaða erindi á þessi umræða inn í pistil formanns HIV-Ísland?“
kann einhver að spyrja. Jú, hvað ef viðkomandi segist nýverið
hafa greinst hiv-jákvæður? Flestir yrðu sennilega vandræðalegir
við þau tíðindi og vissu ekki alveg hvernig þeir ættu að bregðast
við. Fákunnátta ríkir enn um hiv, fákunnátta sem veldur ótta og
óöryggi, sem síðan birtist í fordómum í garð hiv-jákvæðra.
Fordómarnir geta líka leynst meðal hiv-jákvæðra sjálfra og þeirra
nánustu, en það er nokkuð sem við verðum að komast út úr. Hiv er
bara eins og hver önnur veirusýking sem gerir engan mannamun
þegar hún tekur sér bólfestu.
Í allri þeirri umræðu sem fram fer í þjóðfélaginu um einelti vill það
gleymast að stórir þjóðfélagshópar verða fyrir fordómum einungis
vegna sjúkdóma sem almenningur hefur ekki verið fræddur
nægilega um, er það ekkert annað en einelti og á það ekki að líðast.
Í pistli mínum fyrir ári síðan sagði ég frá metnaðarfullri áætlun
Alþjóðaheilbrigðismálastofnunarinnar sem nær allt til ársins
2015 og kallast „Getting to Zero“ eða eins og við segjum „Náum
núllpunkti“. Í ár er undirþema áætlunarinnar að berjast gegn
fordómum og er því nokkur umfjöllun um fordóma í blaðinu.
Fræðsla er forsenda þess að fordómum verði vikið til hliðar.
Stjórnvöld verða að leggja til meira fjármagn til fræðslu og þar
með forvarna.
Hiv-veiran fer ekki í manngreinarálit þegar hún stingur sér niður,
allir eru jafnir fyrir henni. Við skulum í baráttunni haga okkur
eins, hætta að draga fólk í dilka sem stuðlar að fordómum og
heldur standa saman, því við erum jú öll að berjast fyrir sömu
markmiðum.
Er ekki allt
gott að frétta?
Formannspistill . …… 3
Frá framkvæmdastjóra …… 4
Dregur úr forvörnum í Brasilíu …… 6
Framtíðin er björt…… 7
Það er óþarfi að vorkenna mér …… 11
Skóladeilur í Bandaríkjunum…… 12
Erlent samstarf …… 13
Í boði hjá Obama …… 14
Hiv-smitaða stelpan …… 18
Samstarfshópur Sóttvarnarráðs …… 20
Alþjóðleg ráðstefna í DC…… 22
Sagan bakvið hnallþórurnar…… 23
Mannréttindi og hiv…… 28
Félagsráðgjafi hjá HIV-Íslandi…… 30
Hulda Waddell…… 30
Efnisyfirlit
Skrifstofa samtakanna er að Hverfisgötu 69.
Opnunartími:
Mánudaga-fimmtudaga, frá kl. 13.00-16.00.
Stjórn skipa:
Svavar G. Jónsson formaður,
Guðni Baldursson gjaldkeri.
Meðstjórnendur:
Eva G. Gunnbjörnsdóttir,
Gígja Skúladóttir,
Ingi Hans Ágústsson,
Árni Friðrik Ólafarson,
Jón Tryggvi Sveinsson
Framkvæmdastjóri: Einar Þór Jónsson
Netfang: hiv-island@hiv-island.is
Heimasíða: www.hiv-island.is
Símanúmer: 552 8586
Kennitala: 541288-1129
Bankanúmer: 513-26-603485.
Styrkur er alltaf vel þeginn,
HIV-Ísland starfar í þágu hiv-jákvæðra og
aðstandenda þeirra. Í húsnæði samtakanna
er unnt að leita upplýsinga, boðið er upp
á fræðslu til félagasamtaka, fyrirtækja og
annarra, auk skipulagðrar fræðslu sem fram
fer í grunnskólum landsins.
Rauði borðinn
Tímarit HIV-Íslandi
23. árg., 34. blað
Útgáfudagur:
1. desember 2012
Ritstjóri og ábyrgðarmaður:
Heiðdís Jónsdóttir
Ritnefnd:
Einar Þór Jónsson
Eva G. Gunnbjörnsdóttir
Guðni Baldursson
Svavar G. Jónsson
Umbrot: & hönnun:
Steinþór Rafn Matthíasson
Forsíðumynd:
Steinþór Rafn Matthíasson
Prentun:
Prentsmiðjan Oddi ehf.
Dreifing: Póstdreifing ehf
Upplag: 4.000 eintök
ISSN 1670-2751
Svavar G. Jónsson
Formaður HIV-Ísland