Rauði borðinn : fréttabréf alnæmissamtakanna á Íslandi - 01.11.2013, Blaðsíða 19

19
RA
U
Ð
I B
O
R
Ð
IN
N
Barátta hiv-samtakanna hefur skilað ótrúlegum árangri
í að vinna bug á þeim fordómum og viðhorfum sem
fólk hafði til sjúkdómsins og þeirra sem hafa smitast.
Engu að síður er viss leyndarhjúpur yfir hiv-jákvæðum
og margir enn haldnir fordómum og ranghugmyndum
um sjúkdóminn. Saga samtakanna hefur til þessa ekki
verið rakin og í raun tiltölulega lítil opinber umfjöllun
verið um samtökin, starf þeirra og tilgang. Saga fólksins
sem lifir með sjúkdómnum, saga þeirra sem létust og
aðstandenda þeirra hefur heldur ekki verið sögð nema
að mjög takmörkuðu leyti.
Á 25 ára afmælisári hiv-samtakanna á Íslandi stendur
til að gera heimildamynd um samtökin og sögu hiv á
Íslandi. Alma Ómarsdóttir, fréttamaður, og Ingi R. Inga-
son, kvikmyndagerðarmaður, standa að framleiðslunni.
SöGuLEG HEiMiLdAMyNd
Þegar hiv-samtökin á Íslandi voru stofnuð fyrir 25 árum var þekking manna á veirunni
og sjúkdómnum takmörkuð, engin lækning var til og það jafngilti nánast dauðadómi að
greinast hiv-jákvæður. Fordómar og hræðsla í samfélaginu var mikil, og sjúkdómurinn
flokkaður sem sjúkdómur samkynhneigðra og sprautufíkla.
Alma er leikstjóri og handritshöfundur myndarinnar en
Ingi er framleiðandi.
Myndin mun byggjast að miklu leyti á viðtölum við
meðlimi samtakanna og aðstandendur þeirra í nútíð og
fortíð. Auk þess verður rætt við heilbrigðisstarfsmenn
sem komið hafa að starfi samtakanna í gegnum tíðina.
Sagan er mörkuð af sorgum og sigrum, von og ótta, en
kannski fyrst og fremst af sterku fólki sem lét ótta og
fordóma ekki stöðva sig.
Þeir sem hafa áhuga á að leggja verkefninu lið á einhvern
hátt, til dæmis koma í viðtal og segja frá sinni upplifun, eða
eiga myndefni sem gæti nýst við gerð myndarinnar, eru
beðnir um að hafa samband við Ölmu eða Einar Þór,
framkvæmdastjóra samtakanna.
Alma Ómarsdóttir og ingi R. ingason