Rauði borðinn : fréttabréf alnæmissamtakanna á Íslandi - 01.11.2013, Blaðsíða 28

28
RA
U
Ð
I B
O
R
Ð
IN
N
Hópastarfið þar sem hiv-jákvæðir hittast eina
kvöldstund eitt skipti í mánuði hefur verið til
staðar frá því í janúar 1999. Þátttakendur eru
fjölbreytilegur hópur; frá 18 ára til sjötugs,
gagnkynhneigðir, samkynhneigðir, fyrrum
sprautufíklar og útlendingar sem eiga það
sameiginlegt að tala ensku. Það að enginn
hópfundur hafi fallið niður í tæp 15 ár segir til
um ákveðna þörf. Verður nú í stuttu máli getið
um nokkrar breytingar sem verða í lífi fólks við
það að greinast hiv-jákvætt, hvernig staðan
er í dag og við hverju megi búast. Áhrif hiv á
líf fólks er einmitt meginumræðuefni hóp-
astarfsins.
Áfall Þegar fólk greinist hiv-jákvætt verður það enn
fyrir miklu áfalli; margvíslegar tilfinningar gera vart við
sig á ólíkum sviðum. Það má segja að sálrænt vinnslu-
ferli fari af stað, sem hver og einn gengur í gegnum á
eigin hraða yfir ákveðið tímabil. Fólk hefur mikla þörf á
upplýsingum um eðli sjúkdómsins og er því mikill léttir
að komast að því hvað framfarirnar í læknavísindunum
hafa verið miklar á undanförnum árum. Nú getur t.d.
fólk lifað til gamals aldurs, inntaka lyfjanna er einföld,
aukaverkanir sjaldgæfar og smithættan mjög lítil. Þrátt
fyrir þetta upplifir fólk gjarnan sorg að geta ekki verið
heilbrigt lengur og vera háð lyfjagjöf og reglulegri eft-
irfylgd það sem eftir er ævinnar. Einnig ríkir stundum
innri óvissa um raunverulegan framgang sjúkdómsins
því þetta eru jú fólkið sem er fyrst til að taka inn þessi
lyf og eldast með sjúkdómnum.
skömm Tilfinningar eins og sektarkennd og skömm
gera enn vart við sig og er algengt að fólk ásaki sjálft sig
fyrir að hafa ekki farið nógu varlega í kynlífi. Finnst því
hafa mistekist og valdið sjálfum sér og sínum nánustu
miklum vonbrigðum. Þess vegna á það oft erfitt með að
segja strax frá sjúkdómnum. Það kvíður viðbrögðum
sinna nánustu en fá oftast mikilsverðan stuðning þegar
það segir frá. Fólk óttast jafnframt að upplýsingarnar
geti borist út og að slíkt geti sem dæmi haft neikvæð
áhrif á börnin þeirra og starfsframa. Meginreglan er
að segja ekki frá á vinnustaðnum, en þeir sem gera það
upplifa langoftast skilning og stuðning.
Einstaklingsviðtöl
Sigurlaug Hauksdóttir hefur um langt árabil verið
félagsráðgjafi hiv-jákvæðra. Hún er með viðtöl í
húsnæði Hiv Íslands að Hverfisgötu 69 á
miðvikudögum kl. 14 – 16. Einnig veitir hún
viðtöl á Landspítalanum í Fossvogi á þriðju- og
föstudögum.
Hægt er að panta viðtalstíma hjá Sigurlaugu í síma
543 1000/9109 eða hjá Hiv Íslandi í síma 552
8586. Jafnframt er hægt að hafa samband við hana
með netpósti sem er sigurlh@landspitali.is
Hópavinna með hiv-jákvæðum
Yfir vetrartímann geta hiv-jákvæðir hist í hóp-
astarfi í húsnæði Hiv Íslands. Markmið þess eru
félags- og tilfinningalegs eðlis, að geta hitt aðra í
sömu stöðu, ræða hjartans mál og læra af reynslu
hvers annars. Áhersla er lögð á einlægni og
trúnað.
Umsjón með starfinu hefur Sigurlaug Hauksdóttir
félagsráðgjafi. Nánari upplýsinga má fá hjá
henni í síma 543 1000/9109, hjá Hiv Íslandi í
síma 552 8586 og með netpósti sem er
sigurlh@landspitali.is
Félagsráðgjafi
hjá Hiv Íslandi
Hópastarfið í
áranna rás