Víðförli - 15.11.1986, Blaðsíða 2
£7
Útgáfan Skálholt
Sr. Bernharður Guðmundsson,
s. 91-621500 Biskupsstofa
Hróbjartur Árnason, Jóhannes
Tómasson, sr. Solveig Lára Guð-
mundsdóttir, sr. Örn Bárður
Jónsson.
Edda Möller, s. 91-651478,
Vitastig 6, Hafnarfirði
Setning og umbrot: Filmur og Prent
Prentun: Prentstofa G. Ben.
Útgefandi:
Ritstjóri:
Ritstjórn:
Umsjón:
I fréttum
Skipulagsbreytingar hjá
Hjálparstofnun
Á aðalfundi Hjálparstofnunar
kirkjunnar í ársbyrjun 1987, verða
lagðar fram breytingartillögur á
skipulagi og starfsháttum stofnun-
arinnar, en tvær nefndir eru starf-
andi að því verkefni. Var önnur
kjörin af stjórn HK, og lýtur for-
ystu sr. Þorbjarnar Hlyns Árnason-
ar en hin af Kirkjuráði og þar er sr.
Jónas Gíslason formaður.
Starfsfólk hjálparstofnunarinnar
hefur allt sagt upp störfum með
þriggja mánaða uppsagnarfresti.
Guðmundur Einarsson fram-
kvæmdastjóri hefur óskað eftir að
fá að hverfa frá störfum eins fljótt
og auðið er og hefur Sigurjóni
Heiðarssyni verið falið að annast
daglegan rekstur.
Prestbakki laus til umsóknar
Sr. Yngvi Þórir Árnason sem
þjónað hefur Prestsbakkapresta-
kalli í Húnavatnsprófastsdæmi
síðan 1948 hefur fengið lausn frá
embætti sökum aldurs. Hefur
prestakallið verið auglýst til um-
sóknar.
Nýir prófastar
Sr. Tómas Guðmundsson í
Hveragerði er nýkjörinn prófastur
Árnesinga og sr. Örn Friðriksson á
Skútustöðum var kjörinn prófastur
Þingeyinga. Sr. Sigurður Guð-
mundsson á Grenjaðarstað lét af
prófastsembætti er hann var skip-
aður sóknarprestur að Hólum í
Hjaltadal, en sr. Sveinbjörn Svein-
björnsson prófastur Árnesinga
hefur látið af embætti vegna aldurs.
Frá borði biskups
Herra Pétur Sigurgeirsson.
Mesta saga,
sem sögð hefur verið
Rithöfundurinn Fulton Oursler skrifaði bókina: „Mesta saga, sem sögð
hefur verið.” Bókin kom út 1949. Árið 1935 fór Oursler tvær reynsluríkar
ferðir til landsins helga og kynnti sér rækilega helga sögustaði. Þá var það,
sem hann upplifði endurfæðingu sína. Hann hvarf frá efnishyggju og
vantrú og snérist til einlægrar trúar á Krist.
í formálsorðum bókarinnar ræðir Oursler um fæðingu Jesú og jarðlíf:
„Stærsta atburðinn í sögu mannkyns. Því að einu sinni fyrir langa löngu
gerðist það raunverulega eins og framburður hinna sannfærðu trúuðu ber
vott um, en á meðal þeirra telur rithöfundurinn sig vera.”
Við höldum kristin jól með því að vera samtaka í því sem hirðarnir
gjörðu: ,,Förum beint til Betlehem að sjá það, sem gjörst hefur og Drott-
inn hefur kunngjört oss.” (Lúkas 2:13) í dag rötum við þangað með
guðspjallamanninum og lækninum Lúkasi. í frásögn hans af fæðingu Jesú
er hvert orð leiðarmerki, sem okkur er öruggt að fylgja til þess að sjá í anda
Frelsarann fæddan í fjárhúsi í Betlehem.
Sá Guð, sem í tíma og rúmi bjó til hið mikla gangverk sólna og stjarna,
kom sjálfur á þessa litlu jörð sem mannleg vera í sínum elskaða syni. Hann
var fæddur í jötu og dáinn á krossi.
Á miðju ári 1979 fengum við hjónin tækifæri til að fara á vegum ferða-
skrifstofunnar Víðsýnar og undir leiðsögn séra Franks M. Halldórssonar
til landsins helga. — Það var reynslurík för, sem gerði það ljóslifandi sem
guðspjöllin greina frá um ævi Jesú. Þegar komið var á hvern þeirra staða,
var Bib'.ízn opnuð og lesið um það, sem gerst hafði.
í fjárhúshellinum undir Fæðingarkirkjunni var frásaga Lúkasar lesin og
jólasálmurinn: Heims um ból — sunginn. Þótt hásumar væri fyrir utan,
var þarna inni helgifriður jólanna á svo eftirminnilegan hátt, að eigi
gleymist. í gólfi hellisins er stór silfurstjarna, upplýst af mörgum lömpum,
sem hanga i loftinu beint yfir stjörnunni. þar stendur skrifað á latínu: ,,Hic
de virgine Marie Jesus Christus natus est.” Hér er Jesús Kristur fæddur af
Maríu mey.
Það var ótrúlegt en satt að vera þarna staddur, að hafa ratað á einn
helgasta stað á jörðu eftir orðanna hljóðan. Það sem mestu varðar er líf og
andi Orðsins, að þar er Kristur að koma til okkar í dag. „Heimi í hátíð er
ný.” — Alltaf koma blessuð jólin þannig. Við hlýddum nýlega á Messias
eftir Hendel í Hallgrímskirkju í Reykjavík. Þá sagði einn af
einsöngvurunum: Messias er alltaf nýr.
Það er hið stærsta við söguna mestu, sem við erum nú að upplifa. Hún er
alltaf ný, — eins og loginn á kertinu er nýr, sem þú kveikir á þessum jólum.
Megi hann ávallt minna þig á, að Jesús Kristur er ljósið, kominn til þess að
lýsa þér, vera Frelsari þinn. Megi ljós hans og friður fylla hjarta þitt og
gefa þér GLEÐILEG JÓL.
2 — VÍÐFÖRLI