Víðförli - 15.11.1986, Blaðsíða 5
Fulltrúar hinna fjölmörgu
Guðmundur Örn Ragnarsson ræðir við baráttufólk
fyrir byggingu Hallgrímskirkju.
Guðrún Finnbjarnardóttir,
kirkjuvörður í Hallgrímskirkju.
Hvernig var að gæta kirkjunnar
síðasta árið fyrir vígsluna?
Það var ansi hreint mikið að gera
seinustu mánuðina fyrir vígslu og
að mörgu að hyggja. Þeim fjölgaði
alltaf iðnaðarmönnunum, sem
unnu að þessu og allir lögðu sig
fram um að gera sitt besta til að ná
settu marki, og mér fannst skapast
þarna alveg sérstakt andrúmsloft,
sem ég á líklega ekki eftir að upplifa
aftur.
Seinustu vikuna var ég í kirkjunni
15-16 klst. á dag, og þó að þetta
hafi kannski verið mjög erfitt og
lýjandi, þá fannst mér þetta að
sama skapi ákaflega skemmtilegt og
því skemmtilegra sem nær dró
vígslu.
Hvaða áhrif hefur þessi mikla
kirkja á þig, sem bygging, sem tón-
leikahús og síðast en ekki síst, sem
Guðs-hús.
Áhrifin í vígslunni sjálfri voru
alveg stórkostleg. Ég var að vísu bú-
in að fylgjast með uppbyggingunni
og sjá hvernig þetta breyttist úr
timburskógi í voldugt Guðshús.
Það var svo gaman að sjá hvernig
hvelfingarnar komu í ljós — og eftir
því sem þær urðu fleiri fylltist ég
meiri lotningu, sem náði hámarki í
vígslunni sjálfri, og það finnst mér
vera áhrifin af kirkjunni, lotning og
hátign fyrir þeim Guði sem hún er
helguð. Ég hefi ekki upplifað ennþá
að hlusta á tónleika í kirkjunni, en
það er alveg stórkostlegt að syngja
þarna, og ég get vel ímyndað mér að
það sé einnig stórkostlegt að hlusta
á tónleika þar.
Nú ert þú einnig félagi. Mótettu-
kór Hallgrímskirkju. Hvernig fer
það saman með kirkjuvörslunni?
Það er kannske fyrst og fremst
hægt að segja að það sé mikil vinna
og álag, sérstaklega í athöfnum þar
sem Módettukórinn er að syngja.
Nú, ég hef kannske ekki getað verið
með á öllum æfingum, þurft að
hlaupa frá fyrirvaralaust, en það
hefur alltaf bjargast. Á jólum og
páskum hefur þetta verið einna erf-
iðast og ég kannske ekki alveg með
á nótunum. Þá syng ég bara með í
þeim verkum, sem eru séræfð, t.d. í
kantötum á páskunum o.þ.h., en
sleppi því að syngja sálmana nema
þá náttúrlega út við dyr, vegna þess
að mörgu er að hyggja. Og svo get
ég stundum verið svolítið stressuð
ef ég er að syngja með kórnum og
það er einhver umgangur fram við
dyr. Og þó að maður eigi alltaf að
horfa á stjórnandann þegar verið er
að syngja, þá gerist það oft hjá mér
að allavega annað augað skreppur
til og horfir í átt að dyrunum til að
sjá hvort allt sé ekki í lagi.
Albert Finnbogason, bygginga-
meistari Hallgrímskirkju?
Hve lengi hefur þú starfað sem
byggingameistari Hallgrímskirkju ?
Á miðju sumri 1978 tók Akurey
h.f., sem ég ásamt félaga mínum
Böðvari Ásgeirssyni höfum veitt
forstöðu, við byggingu Hallgríms-
kirkju. Reyndar hafði það komið til
tals að við tækjum við framkvæmd-
um nokkru fyrr, en ekki varð af
því.
Ef þú lítur til baka. Er ekki eitt-
hvað öðru eftirminnilegra frá árun-
um sem liðin eru við smíði kirkj-
unnar?
Bygging Hallgrímskirkju er flók-
in smíði, svo margt kemur í hugann
þegar spurt er. Ég held að hvelf-
ingar kirkjuskips og kórs séu eftir-
minnilegastar, og eftirvæntingin að
sjá þær í endanlegri mynd þegar við
vorum að ljúka við niðurrif vinnu-
palla innanhúss.
Ertu sáttur við útlit og staðsetn-
ingu kirkjunnar?
Já, ég er mjög sáttur við útlit
kirkjunnar og hef alltaf verið.
Óánægjuraddir heyrast varla nú-
orðið varðandi útlit Hallgríms-
kirkju. Skólavörðuhæð er mjög
skemmtilegt byggingarstæði fyrir
kirkjuna. Hallgrímskirkja er orðin
borgartákn.
Hvernig var að upplifa vígslu
þessa mikla Guðs-húss?
Þetta var einn af þeim dögum
sem maður gleymir aldrei.
Margt sótti á hugann, mikil
spenna hafði verið undanfarnar
vikur og mánuði, allt frá þeim tíma
er ákvörðun var tekin um að 26.
október skyldi verða vígsludagur
Hallgrímskirkju. Þetta hefði ekki
tekist nema með sameiginlegu átaki
allra þeirra manna sem að þessu
verkefni störfuðu. Þakkir til þeirra
allra var meðal þess sem á hugann
sótti, einnig að sjá og heyra þessa
fögru athöfn fara fram í fullbúinni
Hallgrímskirkju.
Allt eins og maður hafði helst
óskað sér.
Að lokum Albert, er ekki talsvert
eftir að vinna enn við Hallgríms-
kirkju, áður en hún telst fullbúin?
Mikið verk er eftir, má þar nefna,
allur turn frá orgel og söngpalli og
uppúr er ófrágenginn.
Tröppur við aðaldyr og allur lóð-
arfrágangur er eftir.
Allar útihurðir eru bráðabirgða.
Loftræstikerfi er eftir.
Litað gler og innri gluggar.
Þetta eru aðeins helstu atriðin
sem ég nefni hér.
VÍÐFÖRLI — 5