Víðförli - 15.11.1986, Blaðsíða 7

Nýkjörið Kirkjuráð á fyrsta fundi sínum. Frá vinstri: sr. Jón Einarsson,
Gunnlaugur Finnsson, Kristján Þorgeirsson, sr. Jónas Gíslason, sr.
Magnús Guðjónsson biskupsritari, sem er ritari Kirkjuráðs og herra Pétur
Sigurgeirsson formaður.
fréttum
í fréttum
Öldrunarstarf Borgfirðinga
Um árabil hefur Borgarfjarðar-
prófastsdæmi boðið öldruðu fólki
til orlofsviku að Hvanneyri við
miklar undirtektir. Á s.l. sumri var
enn aukið við starfið og efnt til
þriggja daga ferðar um Vestfirði á
vegum öldrunarnefndar prófasts-
dæmisins. Héraðssjóður styrkir
þessa starfsemi verulega.
Fella- og Hólasókn
fjölmennust.
í skýrslu dómprófasts á héraðs-
fundi Reykjavíkurprófastsdæmis
kemur fram að Fella og Hólasókn
er fjölmennust þjóðkirkjusafnaða
en til hennar telst 9917 manns,
næstur er Digranessöfnuður, 9573
manns, síðan Seljasöfnuður, 8202,
og þá Nessöfnuður 8105 sóknar-
menn en þar þjóna tveir prestar.
Fámennustu söfnuðurnir eru
hinsvegar Seltjarnarnessöfnuður
3406 manns, Ássöfnuður 3538
rnanns og Kársnessöfnuður 3719.
Mest aukning hefur orðið í
Árbæjarsöfnuði sem hefur vaxið úr
3399 manns árið 1978 en nú teljast
til hans 6252 manns.
Snæfellingar og Dalamenn
fjalla um kristinfræðikennslu
Aðalefni héraðsfundar Snæfells-
nes- og Dalaprófastsdæmis fjallaði
um kennslu kristinna fræða og var
sr. Ingólfur Guðmundsson náms-
stjóri aðalræðumaður. Umræður
urðu fjörugar og virtust eftirfarandi
punktar móta niðurstöður.
* Myndefni er háð tísku.
* Þörf á meiri Biblíutexta í
kennslubókum.
* Við höfum í of miklum mæli litið
á kristindóminn sem fróðleik og
þekkingu í stað þess að leggja
áherslu á að kristindómurinn er lífs-
stíll.
* Á margan hátt heppilegt að prest-
urinn sé ekki kristinfræðikennari
skólans því þá finna kennararnir til
ábyrgðar sinnar og minni hætta er á
að kristinfræðikennslan einangrist.
í skýrslu héraðsfundar segir, að
almennar guðsþjónustur voru 197 á
starfsárinu, barnaguðsþjónustur
104, og aðrar guðsþjónustur 45 eða
samtals 346 guðsþjónustur í pró-
fastsdæminu árið 1985. Skírnir
voru 101, fermd börn 96, jarðar-
farir 46, altarisgestir 639 og hjóna-
vígslur 30, 100 húsvitjanir og 188
sjúkravitjanir voru færðar í
skýrslur.
Fjölgun ferminga og altaris-
gesta í Reykjavík
í skýrslu dómprófasts, sr. Ólafs
Skúlasonar á héraðsfundi í haust,
kom fram m.a. að guðsþjónustur í
prófastsdæminu árið 1985 höfðu
verið 1789 og barnasamkomur 511
og aðrar messur og samkomur, sem
prestar höfðu talað á, voru 205. Þar
við bætast messurnar á Elliheim-
ilinu Grund, sem voru 64. Er þarna
um að ræða nokkra fækkun frá
síðasta ári, en þá voru slíkar
athafnir í söfnuðunum 2.690, en nú
2.505. Altarisgestum fjölgaði aftur
á móti nokkuð og voru nú 13.922.
Skírð voru 1.472 börn miðað við
1.593 árið á undan, en fermingar-
börnin voru 1.492 miðað við 1.383
árið áður. Prestar giftu 427 pör árið
1985, en 456 árið á undan, en hjá
borgardómara var gefið saman 171
par miðað við 206 árið á undan.
Alls fæddust 2.475 börn í Reykja-
vík árið 1985, en voru 2.674 árið á
undan, þar af voru 1499 börn, sem
áttu móður búsetta í Reykjavík og í
Þjóðkirkjunni. Flest börn fædd í
söfnuði voru 187 en fæst 35, en árið
á undan voru hliðstæðar tölur 241
og 45. Greftranir og kveðjuathafnir
voru 832, sem þjóðkirkjuprestar í
prófastsdæminu önnuðust, en alls
voru slíkar athafnir 950, þegar
taldar eru allar athafnir innan borg-
armarkanna. Er það áberandi,
hversu útförum fer fjölgandi frá
sóknarkirkjunum og mun vafalaust
halda svo áfram, þegar hinar þrjár
kirkjur, sem eru í smíðum í Breið-
holtshverfunum verða tilbúnar og
vígðar.
Viðey tilheyrir Dómkirkju-
söfnuði
Á héraðsfundi Reykjavíkurpró-
fastsdæmis voru nokkrar umræður
um til hvaða safnaða Viðey skuli
falla. Vildu sumir láta þá hefð
ríkja, sem ræður sóknarmörkum,
en það er landfræðileg skipting, en
meiri hlutinn virti sérstöðu Viðeyjar
í tengslum við biskupsembættið og
samþykkti, að Viðey tilheyrði Dóm-
kirkjuprestakalli söfnuði biskups.
VÍÐFÖRLI — 7