Víðförli - 15.04.1990, Blaðsíða 17

Betra að vera virkur í dag en geislavirkur á morgun.
g reiður
ekki nógu trúaðir.
„Hvar er nú þjónslundin?“ spyr
fólk.
Það má vel vera. Það má vel vera
að við séum of seinir til bæna og of
latir við að uppbyggjast af hinu góða
orði Guðs. Slæmt ef satt er.
Ég hef það á hinn bóginn ekki á
tilfinningunni að það sé skortur á
þjónslund, trúarhita og eldlegum
áhuga, sem valdi þessari reiði ungu
prestanna. Þar tala ég bæði fyrir mig
og marga aðra. Ég hef þvert á móti
orðið var við það að ungt fólk vígist
til starfa fullt af þessum eldlega
áhuga, í einlægri trú, góðum ásetn-
ingi og með sannri þjónslund. Það
sem reiðinni veldur er það að það er
slegið á framréttar hendur þessa
unga fólks. Kirkjan má ekki nýta
hinar viljugu hendur. „Jú, ungi
maður eða unga kona, þú eyddir
mörgum árum í að undirbúa þig fyr-
ir þessa þjónustu, þú ert fullur af
áhuga og einlægum ásetningi, þú
tókst vígsluheit þitt hátíðlega, köll-
un þín er til þessara starfa, en ef þú
ætlar að geta séð fyrir þér og þínum
kemstu fljótlega að raun um að þú
verður að kenna dönsku í skólanum,
selja sólarlandaferðir og tryggingar,
vinna í bankanum eða sparisjóðn-
um, vanrækja heimilið, makann og
börnin, vanrækja preststörfin —
vanrækja sjálfan þig, fræðin þín og
I þína trúarlegu uppbyggingu. Þú
verður með öðrum orðum að eyða
tíma þínum og kröftum í allt annað
en þú ætlaðir þér í upphafi, allt ann-
að en þú átt og þér ber skyída til að
gera.“
Þetta veldur hinni heilögu reiði
ungra presta. Þeir hafa það margir á
tilfinningunni að þeir hafi verið plat-
aðir til starfa, á röngum forsendum.
Heill kirkjunnar
Kirkjan hefur verið feimin við að
taka á þessum málum af fullri ein-
urð. Sumum finnst það kannski ekki
fint og ekki prestum sæmandi að
væla út af launum. Kannski er kirkj-
an líka of fín fyrir það umhverfi sem
hún starfar í?
Samt hefur maður orðið var við
að ákveðin vakning er í gangi innan
kirkjunnar hvað varðar þessi „óf-
ínu“ ytri mál. Menn hafa komist að
raun um að stjórnunarmál og það
hvernig kirkjan er uppbyggð er líka
guðfræði. Það verður að beita guð-
fræðilegum rökum og mælieining-
um á hinn „praktíska“ geira.
Kjör prestanna eru þar ekkert
undanskilin. Þar er ekki einungis um
að ræða hagi einstakra presta og
fjölskyldna þeirra, heldur heill
kirkjunnar. Prestar vígjast til þjón-
ustu á guðfræðilegum forsendum.
Embætti prestanna er reist á guð-
fræðilegum stoðum. Aðbúnaður
presta, kjör þeirra og aðstaða er því
ekki mál, sem kirkjan getur látið sig
engu varða. Hún hlýtur alla vega að
þurfa að skoða hug sinn þegar
prestsstarfið er smám saman að
breytast í aukavinnu.
Mál er að fleiri gaukar gali.
í fréttum
Fóstrur í
Kjalarnesprófastsdæmi á
námskeið í Skálholti
í apríllok koma rúmlega tvö-
hundruð fóstrur og starfsmenn
barnaheimila í Kjalarnesprófasts-
dæmi til námskeiða í Skálholti í boði
prófastsdæmisins.
Á námskeiðinu fjallar sr. Sigurður
Pálsson um skírnarfræðsluna, hverj-
um beri að annast hana og hvernig
og sr. Bragi Skúlason fræðir um
börn og sorg. Umræður verða um
myndina af Guði og hvernig henni
verði miðlað til barnanna. Einnig
munu þær Hellen Helgadóttir og
Málfríður Jóhannsdóttir kynna
sálma og kristilega söngva til nota á
dagvistum og starfslið Præðslu-
deildar kynnir heppilegt fræðslu-
efni.
Præðsludeild annast skipulag og
framkvæmd námskeiðanna fyrir
prófastsdæmið.
Lausar stöður hjá Lúterska
heimssambandinu og
Alkirkjuráðinu
Eftirfarandi störf hjá Lúterska
heimssambandinu hafa verið auglýst
laus til umsóknar:
1. Forstöðumaður Guðfræðideildar
2. Forstöðumaður þróunar- og
hjálparstarfs
3. Deildarstjóri æskulýðsmála
4. Deildarstjóri starfsmannahalds
og námsstyrkja.
Hjá Alkirkjuráðinu eru eftirfar-
andi störf laus til umsóknar:
L Deildarstjóri í fjármála- og
stjórnsýsludeild
2. Fjármálastjóri
3. Forstöðumaður Guðfræði-
skólans í Bossey
4. Deildarstjóri í
Þróunarstarfadeild.
5. Fulltrúi í æskulýðsdeild
6. Forstöðumaður í kvennadeild
Aðsetur er í Genf í Sviss.
Fræðsludeild veitir nánari upplýs-
ingar.
V?ÍÐFÖRLI — 17