Víðförli - 15.06.1990, Page 20
DANSKIR PRESTAR
MEGA EKKI TRÚA Á
SÁLNAFLAKK
Herluf Eriksen, biskup í Árósum
hefur bent á að sálnaflakkskennngin
er nú mjög á dagskrá í Danmörku og
á sér jafnvel fylgismenn innan
prestastéttarinnar. Hann segist ekki
munu prestsvígja þá sem aðhyllast
þessa kenningu, né taka við þeim
prestum úr öðrum biskupsdæmum.
Sú kenning feli í sér að maðurinn
endurfæðist til hærra eða lægra til-
verustigs eftir breytni sinni í þessu
lífi. Maðurinn frelsi sig þarafleið-
andi sjálfur og Kristur verði eigin-
lega óþarfur.
HONECKER BÝR Á
PRESTSSETRI
Hinn fallni leiðtogi austur-þýska
kommúnistaflokksins, Erich
Honecher og kona hans, hafa fengið
athvarf á prestssetri í Lobetal, fyrir
norðan Berlín. Biskup Gottfries
Forch, sem hefur verið harðlega
gagnrýndur vegna þessa, segir að
kirkjunni beri að styðja þá sem eru
veikburða og útskúfaðir af samfé-
laginu, — hinn fyrrum valdamikli
flokksleiðtogi sé nú í þeirra hópi.
Kona Honeckers er fyrrum mennta-
málaráðherra og hún ákvað að þeir
unglingar sem fermdust kirkjulega,
fengu ekki vist í menntaskóla eða há-
skóla. Prestshjónin sem hýsa Honec-
kerhjónin, eiga 7 börn sem kosið
hafa að fermast og því ekki átt kost
á framhaldsskólamenntun.
NORRÆN RÁÐSTEFNA UM
ANDLEGA UPPBYGGINGU
„Mystik og nárvaro” er yfirskrift
norrænnar ráðstefnu, sem kirkna-
samtök Norðurlanda efna til í
Stokkhólmi 1E13. okt. nk.
Fyrirlesarar eru frá lútersku, kaþ-
ólsku og ortodoxu kirkjunum, mikil
áhersla verður á tónlist og helgihaldi.
Fræðsludeild veitir nánari upp-
lýsingar.
uá, lát f>cr j>ókruwt Clá jrcba mi^ jPrcttintv, skuncta trvcr -tíl hjcllpar
C " " "■ ■ vV ■ V-V ■ *' II --------------------------------—'
jc Guði Töíur ocj Stjni ccj 3jetlccjuxiv Anda , S^o $«m var
l upfkoji,, cr cniv oc^ vcria mun vwn atdvr alda . Amm. 3jaU«luja.
Dr. Róberts Abrahams
og frú Guðríðar minnst
Hinn 8. mars sl. lést í Reykjavík
frú Guðríður Magnúsdóttir kennari,
ekkja hins mikilhæfa tónvísinda-
manns, dr. Róberts Abrahams
Ottóssonar, kór-og hljómsveitar-
stjóra og söngmálastjóra þjóð-
kirkjunnar.
Við fráfall hennar kviknaði sú
hugmynd meðal vina og samstarfs-
manna þeirra hjóna, að minnast
þeirra með einhverjum hætti, er ver-
ið gæti varanlegur minnisvarði um
æfistarf þeirra í þágu íslenskrar tón-
listar.
Eftir nokkurn undirbúning varð
niðurstaðan sú að safna fé í sjóð, -
Minningarsjóð dr. Róberts A. Ottós-
sonar og Guðríðar Magnúsdóttur
kennara- sem formlega var stofnað-
ur 17. maí sl., en sá dagur var í senn
afmælisdagur dr. Róberts og brúð-
kaupsdagur þeirra hjónanna.
Tilgangur sjóðsins verður fyrst og
fremst að stuðla að útgáfu á verkum
dr. Róberts, bæði vísindalegum rit-
smíðum hans, sem sumar hafa ein-
ungis birst í erlendum fræðiritum,
og útsetningum hans, m.a. á sálma-
lögum og þjóðlögum. Ennfremur, ef
unnt væri, að gefa út á geisladiski
valda þætti hljóðritana, sem til eru af
þeim mörgu stórverkum tónbók-
menntanna, sem dr. Róbert A. Ottó-
son stjórnaði flutningi á hér á landi.
Öllum, sem þekktu til þeirra hjóna,
er kunnur sá mikilvægi þáttur, sem
Guðríður átti í starfi dr. Róberts
og hversu umhugað henni var um að
það sem eftir hann liggur glataðist
ekki, heldur kæmi þjóðinni að
gagni. Þykjast þeir þess fullvissir, að
henni væri kærkomnastur sá minn-
isvarði, sem reistur yrði með ofan-
greinum hætti.
Vitað er, að þau hjón áttu vini og
velunnara um allt land, bæði meðal
tónlistarfólks, kirkjunnar manna,
fjölmargra nemenda þeirra beggja
og annarra. Til þess að ná til þeirra,
sem vildu taka þátt í því með
fjárframlögum að heiðra starf og
minningu þeirra dr. Róberts og Guð-
ríðar, er þetta skrifað.
Opnaður hefur verið fyrir minn-
ingarsjóðinn gíróreikningur, nr.
3860 hjá Sparisjóði Reykjavíkur og
nágrennis, Skólavörðustíg 11, 101
Reykjavík. Upplýsingar um sjóðinn
eru gefnar í síma 91-29107, kl. 14-17
virka daga. Þangað er jafnframt unnt
að tilkynna framlög með greiðslu-
kortum, bæði VISA og EURO-
CARD.
Biskupsstofa tekur einnig á móti
framlögum.
20 — VÍÐFÖRLI