Víðförli - 15.12.1990, Qupperneq 19

sungnir söngvar í rólegri kantinum,
kveikt á kertum, hlustað á orð úr
Biblíunni og bænir beðnar.
Það er vinsælt fundarefni að fá
annað æskulýðsfélag í heimsókn eða
fara í heimsókn til annarra. Það get-
ur verið góð tilbreyting og þá bjóða
gestgjafar líka oft upp á heimabak-
aðar kökur sem unglingarnir sjálfir
baka (sumir biðja víst mömmu um
það...). En þessar heimsóknir tengja
unglingana saman og þau læra hvert
af öðru. Þegar æskulýðsfélag Fella-
og Hólakirkju fór í heimsókn til
æskulýðsfélagsins í Bústaðakirkju
fyrir nokkrum árum Iærðu þau
hvernig bænastund var hjá þeim og
síðan er alltaf gert eins.
Aðferðin er þannig að allir sem
vilja þiðja upphátt bænavers eða
bæn frá eigin brjósti, þeir sem ekki
vilja biðja upphátt segja bara Amen.
Bænin gengur svo hringinn og eng-
inn þarf að hnippa í neinn ef hann
vill ekki taka þátt í bæn upphátt.
Mörg bænavers standa framarlega í
söngbókinni I Líf og Leik og áður en
stundin byrjar er flett upp þar.
III
KFUM og KFUK hafa lengi starf-
að ötullega meðal unglinga og nú
ætla þau félög og ÆSKR að hefja
samstarf um söngstarf sem kallað er
„Ten-Sing“. Það er æskulýðsstarf
sem byggist á tónlistaráhuga ungs
fólks. En hver hefur ekki kynnst há-
vaða frá hljómtækjum unglinga?
Hér er um tilraunastarf að ræða í
tveim söfnuðum Breiðholts- og Ás-
kirkju. Von er á heimsókn frá Noregi
í fjórar vikur í febrúar og mun þetta
starf þá nánar kynnt.
IV
Einn þáttur æskulýðsstarfsins
þykir unglingunum meira spennandi
en aðrir og það eru ferðalög og mót.
Félögin leigja sér þá skála sem er
mátulegur fyrir hópinn en hóparnir
eru allt frá 12 unglingum og upp í 70.
Vinsælir staðir eru t.d. Skálholts-
búðir, Ölver undir Hafnarfjalli og
Alviðra í Grímsnesi. En þegar öll
æskulýðsfélögin vilja halda sameig-
inlegt mót þá vandast málið með
nógu stóran stað. ÞAÐ ERU NÚ
UM 300 UNGLINGAR SEM
KOMA VIKULEGA í KIRKJUNA
Á FUNDI í ÆSKULÝÐSFÉLAGI
og allir geta ekki verið á sama stað á
móti sem ráðgert er að halda í febrú-
ar. Þess vegna verða haldin tvö mót
samtímis á vegum ÆSKR helgina
8.—10. febrúar í Skálholti og Kirkju-
Iækjarkoti í Fljótshlíð. Á mótum er
biblíufræðsla, helgihald og að sjálf-
sögðu skemmtun af ýmsu tagi.
V
Það er ekki nóg með það að
Æskulýðssambandið haldi mót fyrir
unglingana einu sinni á ári heldur er
einnig sumarmót i júní og svo eru
landsmót allra æskulýðsfélaga á
landinu haldin árlega.
Síðasta landsmót var haldið í
Munaðarnesi i Borgarfirði í septem-
ber með yfirskriftina „í læri hjá
Lúkasi" og var bæði boðið upp á
lambalæri og lærdóm um Lúkasar-
guðspjall.
En eins og við vitum þá er kirkjan
alþjóðleg og þess vegna er um að
gera að kynnast öðrum þjóðum í
gegnum kirkjuna. Ellefu manna
hópur fór á vegum ÆSKR til Svi-
þjóðar í sumar á æskulýðsmót þar.
Islendingunum var vel tékið og
nutu þeir þess svo sannarlega að fá
að kynnast öðrum kristnum
unglingum.
VI
Leiðtogar æskulýðsfélaganna
þurfa að hlúa vel að þessu starfi og
ÆSKR er þess vegna með leiðtoga-
námskeið 11.—13. janúar í Skálholti
í haust hafa verið tvær leiðtogasam-
verur sem annars vegar hafa fjallað
um leiki og notkun þeirra og hins
vegar um nýaldarhyggjuna og
bænina.
VII
EN HVAÐ KOSTAR SVONA
STARF? Fara allir peningar kirkj-
unnar í æskulýðsstarf? Það er spurt
um margt og eins gott að reyna að
svara. Æskulýðsstarf kostar pen-
inga, það er alveg ljóst en það kostar
samt alveg ótrúlega lítið vegna þess
að margir vinna sjálfboðastarf á veg-
um kirkjunnar. Þó er launakostnað-
ur vegna starfsmanna í unglinga-
starfi vaxandi útgjaldaliður í mörg-
um söfnuðum. Hverjum söfnuði er i
raun í sjálfsvald sett hvað hann eyðir
í unglingastarfið en margir niður-
greiða ferðalög og kaupa ýmislegt
efni til starfsins. Mig langar að
benda á að gítar er góð fjárfesting í
æskulýðsstarfi. ÆSKR er með gítar-
kennslu og margir leiðtogar ferðast
langar leiðir með eiginn gítar til að
spila á fundum. Eitt ágætt kvenfélag
gaf æskulýðsfélagi gítar. Það er gjöf
sem mikið er búið að nota.
Margir söfnuðir eru búnir að
byggja stórar byggingar sem þarf að
fylla af lífi, leyfið æskulýðsstarfinu
að taka þátt í því.
Á döfinni hjá ÆSKR:
11.—13. janúar: Leiðtoganámskeið í
Skálholti. Innritun í seinasta lagi þri.
8. jan. kl. 13—15.
1.—3. febrúar: Mót KFUM/KFUK
og ÆSKR í Skálholti vegna „Ten-
Sing“ starfs í Breiðholtssókn.
8.—10. febrúar:Mót í Skálholti og
Kirkjulækjarkoti fyrir unglinga
13—17 ára.
15.—17. febrúar: Mót KFUM/
KFUK og ÆSKR í Skálholti vegna
„Ten-Sing“ starfs í Ássókn.
3. mars: Æskulýðsdagur þjóðkirkj-
unnar.
Skrifstofa ÆSKR er í Laugarnes-
kirkju v/Kirkjuteig. Opin 13—15,
mán.—fim., sími 679488.
Ragnheiður Sverrisdóttir
19