Víðförli - 15.10.1999, Blaðsíða 7

OKTOBER 1999
VÍÐFÖRLI
Fjölbreytt haustútgáfa Skálholtsútgáfunnar
Fermingarfræðslukver fyrir þroskahefta
Sr. Guðný Hallgrímsdóttir, prestur fatlaðra, hefur útbúið
hefti með efni og kennsluleiðbeiningum fyrir fermingar-
fræðslu þroskaheftra barna. Skálholtsútgáfan gefur heftið
út. I því eru fjórir meginþættir: Fyrsti hluti fjallar um ferm-
ingarhópinn þar sem einstaklingar eru þroskaheftir og ah
mennt um þroskahömlun. I öðrum hluta er farið yfir
námskrá fyrir þroskahefta eins og hún birtist í Námskrá
fermingarstarfanna, sem fræðsludeild hefur nýlega sent frá
sér. Þriðji hluti er svo „Kverið“, nákvæmar kennsluleið-
beiningar fyrir 24 samverur þar sem farið er yfir grundvalb
aratriði kristinnar trúar á forsendum barnanna. Kverinu
fylgja 24 ljósmyndir og hver þeirra er táknræn fyrir eina
samveru. Fjórði hlutinn er verkefnabók fyrir nemandann.
Hann eða hún fær bókina fullbúna að hausti og vinnur
verkefni jafnt og þétt, bæði í samverum og heima. Bókina
eiga nemendur síðan til minningar um fermingarveturinn.
Börn og uppeldi
í lok nóvembermánaðar verður bókinni Framtíðarlandið
dreift inn á 20 þúsund heimili á Islandi þar sem eru börn á
aldrinum fjögurra til tíu ára. Bókin, sem er sameiginlegt út-
gáfuverkefni útgáfufélaga norrænu kirknanna, er einnig
gefin fjölskyldum á hinum Norðurlöndunum. Tilefni gjaf-
arinnar eru þau miklu tímamót sem framundan eru. Það
eru 1000 ár síðan Islendingar tóku kristna trú og á sama
tíma verða aldamót, árþúsundamót, þegar árið 2000 gengur
í garð.
Framtíðarlandið er gjöf frá kirkjunni, veganesti inn í
nýja öld, með sögum sem byggjast á trú, von og kærleika.
Bókin er nokkurs konar jóladagatal sem nær yfir aðventu,
jól, aldamót og fram á þrettándann árið 2000. Það eru 37
dagar frá 1. desember 1999 til 6. janúar árið 2000. Bókin
staldrar við hvern dag þessa tímabils. Hverjum degi fylgir
saga sem skrifuð er af norrænum rithöfundi og listamenn á
Norðurlöndunum hafa myndskreytt allar sögumar.
Bókin er sannkölluð fjölskyldubók! Allir í fjölskyldunni
hafa gagn og gaman af henni. Sögurnar njóta sín best ef
foreldrar lesa þær fyrir börnin. Þannig geta þær orðið
kveikja að samtali um boðskapinn sem þær flytja.
Þrjár aðrar barnabækur eru væntanlegar hjá Skálholts-
útgáfunni í haust.
Ævintýrið um himneska tréð, eftir Mary Joslin, er bama-
bók um umhverfisvernd: Sköpun, eyðileggingu og upp-
byggingu, prýdd fallegum litmyndum. Hreinn Hákonarson
þýðir bókina.
Þegar litum rigndi, eftir Bob Hartman, er skemmtilegt
ævintýri með sterkri siðferðislegri skírskotun. Þessi bók er í
sama flokki og bækurnar Óskir trjánna og Músin og eggið
sem áður hafa komið út hjá forlaginu. Þýðandi er Hreinn
Hákonarson.
Er Guð einmana? 100 spumingar bama um Guð, lífið og
tilveruna. Hér er ekki aðeins spurt, heldur gefur bókin góð
svör og leiðbeiningar til foreldra og annarra uppalenda.
Skemmtilegar teikningar prýða bókina. Hreiðar Stefánsson
og Sólveig Ragnarsdóttir þýddu.
Fyrir æskulýðsstarf eru komnar út bækurnar Leikir og létt
gaman, eftir Hreiðar Stefánsson, og Eitt sinn ungur, æsku-
lýðsefni í þýðingu Ragnars Schram.
Kristin íhugun
Kristin íhugun fyrir konur er efni bókar sem sr. Solveig
Lára Guðmundsdóttir hefur skrifað og ber vinnuheitið 19
íhuganir fyrir konur. I bókinni er að finna nítján íhuganir
fyrir konur í ýmsum aðstæðum lífsins og fjórar Biblíulegar
íhuganir. Fremst er inngangur með almennri umfjöllun um
íhugun og leiðbeiningum um hvernig hægt sé að ástunda
hana. Bókin er væntanleg í nóvember.
Sr. Sólveig Lára segir að kveikjan að bókinni hafi verið
reynsla hennar sem sólusorgari kvenna. Það sé hennar
reynsla að ekkert geti hjálpað konum jafnvel út úr sínum
erfiðleikum eins og bænin og kristin íhugun. Sr. Solveig
Lára var í námsleyfi sl. vetur og stundaði nám í kristilegri
íhugun og sálgæslu í Þýskalandi þar sem hún kynnti sér
einnig störf kyrrðarsetra. Meðal kafla í bókinni má nefna:
íhugun fyrir unga konu, fyrir konu með barni, fyrir konu
sem býr við falið ofbeldi, fyrir konu með samviskubit, fyrir
konu sem býr við áfengisvandamál og fyrir konu sem á við
offitu að glíma.
Jón Rafn Jóhannesson þýðir bók eftir Willem Stinesen
sem heitir á norsku Kristen dypmeditation, en hefur ekki
enn fengið íslenskt heiti.
Speki eyðimerkurfeðranna er þýdd af Karli Sigurbjörns'
syni biskup. Bókin inniheldur spekiorð sem komin eru frá
eyðimerkurfeðrunum og endurspegla trú sem var iðkuð í
auðmýkt og réttlæti.
Dr. Sigurbjörn Einarsson tók saman bók sem heitir Speki
Ágústínusar kirkjuföður. I þessari bók eru sýnishorn úr ritum
manns sem hefur mótað og frjóvgað kristna hugsun og trú-
arlíf flestum fremur.
Bækur af ýmsu tagi
Við tvö - karl og kona í hjónabandi eða sambúð, kallast bók
Benedikts Jóhannssonar, sálfræðings hjá Fjölskylduþjón-
ustu kirkjunnar. Þar ritar Benedikt af miklum næmleika og
á nútímalegan hátt um samskipti sambúðarfólks.
A tónlistarsviðinu kemur út orgelútgáfa nýju sálmabók-
arinnar, ný barnasálmabók, jólamessa á geisladiski fyrir Is-
lendinga erlendis og í Söngvasveigsútgáfunni jólabók fyrir
kvennakóra.
Nýútkomnar bækur eru m.a. Hver er tilgangurinn1 - Siw
við spumingum lífsins. Á torgi himinsins, eftir sr. Heimi
Steinsson. Gudridurs verden, dönsk þýðing á leikriti Stein-
unnar Jóhannesdóttur.
7