Víðförli - 15.11.1999, Blaðsíða 1

VIÐFORII
FRÉTTABRÉF BISKUPSSTOFU 18. ÁRG. S.TBL. NÓVEMBER 1999
Útgefandi: Skálholtsútgáfan, útgáfufélag
þjóðkirkjunnar, Laugavegi 31, 101 Reykjavík
Ritstjóri og ábm.: Steinunn A. Björnsdóttir,
sími 800-6550, netfang frettir@kirkjan.is
Umbrot, prófarkalestur: Skerpla ehf.
Prentun: Steindórsprent Gutenberg ehf.
Meðal efnis:
Staða prestssetrasjóðs ............ 2
Sameining prestakalla ............. 2
Rekstrarkostnaður prestsembætta .. 2
Framtíðarskipan sókna.............. 3
Gamlar, ónotaðar kirkjur
verði bænhús................... 3
Heimasíða Kjalarness
prófastsdæmis.................. 4
Hjálparstarf kirkjunnar............ 5
Réttlætingarhugtakið .............. 5
Kirknasamband Evrópu............... 6
Lausar stöður í Genf............... 6
Miðstöð nýbúa.................... 7
Kristnihátíð, dagskrá.............. 7
Námskeið í boði...................7-8
Útgáfumál.......................... 8
Kirkjuþing 1999
Þrjátíu og sex mál voru lögð fyrir kirkjuþing 1999 sem haldið var í
safnaðarheimili Háteigskirkju dagana 11.-20. október. Gerð er grein
fyrir nokkrum þeirra í Víðförla en að auki má benda á kirkjuvefinn
(www.kirkjan.is) þar sem hægt er að finna framsöguerindi og umræð-
ur af kirkjuþingi.
Meðal mála sem vöktu athygli á þinginu voru þingmál 5, 14 og 23,
sem öll fjölluðu um skipulag safnaða, prestakalla og prófastsdæma á einn
eða annan hátt. Fólksflutningar, aðallega úr sveit í borg, kalla á breytta
þjónustu, fjölgun embætta á einum stað og fækkun á öðrum. Þessi mál
hafa víðtækar afleiðingar og eru enn til umfjöllunar því að þingið sendi
þau biskupafundi til frekari vinnslu. Þvf má búast við að hver héraðs-
fundur fái til umsagnar þau málefni er honum tengjast á næsta ári og
starfsmenn kirkjunnar vinni að þessum breytingum í samvinnu og sam-
einingu. Þá var einnig ákveðið að kanna þjónustuþörf safnaða, m.a. með
tilliti til stærðar, legu, samgangna og fleiri atriða.
Gamlar kirkjur voru einnig til umræðu með tillögu sr. Péturs Þórar-
inssonar prófasts um að nýta gamlar kirkjur sem sumarkirkjur eða bæn-
hús og fá átthagafélög, húsafriðunarnefnd og fleiri aðila til að leggja
prestaköllum lið að viðhalda þeim. Margar gamlar kirkjur sem ekki
þjóna söfnuðum lengur falla undir lög húsfriðunarnefndar og er afar
kostnaðarsamt að halda þeim við. Tillaga sr. Péturs opnar nýja mögu-
leika fyrir söfnuði og þá sem unna átthögum sínum og snertir því marga
Islendinga.
Kjömir þingfulltrúar sem sitja þingið með atkvæðarétt em tuttugu og
einn. Það vakti athygli fjölmiðla að Dalla Þórðardóttir prófastur er eina
konan í þeim hópi. I síðasta tölublaði Víðförla var gerð grein fyrir jafn-
réttisáætlun kirkjunnar. Þar skrifar dr. Arnfríður Guðmundsdóttir, for-
maður jafnréttisnefndar kirkjunnar, meðal annars: „Að forminu til hefur
íslenska þjóðkirkjan lotið lögum nr. 28/1991, um jafna stöðu og jafnan
rétt kvenna og karla, venjulega nefnd jafnréttislög. Ymislegt bendir þó
til þess að þetta hafi ekki verið í reynd. Hvað varðar þær alþjóðlegu
stofnanir sem þjóðkirkjan er aðili að, þá hafa bæði Lúterska heimssam-
bandið og Alkirkjuráðið fyrir mörgum ámm „hvatt aðildarkirkjur sínar
að vinna að jafnrétti og því að styrkja hlut kvenna í starfi og stjómun
kirkjunnar11. Þau málefni sem jafnréttisáætlun leggur megináherslu á eru
þessi: Að rétta hlut kvenna innan kirkjunnar, að jafna aðild kynjanna að
nefndum og ráðum og yfirstjórn kirkjunnar, að stuðla að jöfnun launa og
aðstöðu kvenna og karla innan kirkjunnar, að vinna að fræðslu um jafn-
rétti og að vinna að endurskoðun málfars t kirkjulegri boðun og starfi."
Þar sem kosið er til kirkjuþings í prófastsdæmum víða um land er
erfitt að hafa eftirlit með því að jafnmargar konur veljist og karlar. Jafn-
réttisáætlun kirkjunnar er eigi að síður stefnumörkun í þá átt og árangur-
inn kemur í ljós þegar kosið verður á ný eftir tvö ár.