Víðförli - 15.11.1999, Blaðsíða 4

VÍÐFÖRLI
NÓVEMBER 1999
Þjónustuþörf
prestakalla
Flutningur fólks frá landsbyggðinni og þensla höfuðborgar-
svæðisins var til umræðu við flutning tveggja þingmála,
33. máls, um mótun tillagna um skipan kirkjustarfs á höf'
uðborgarsvæðinu, og 34. máls, um könnun á þjónustuþörf í
prestaköllum. Bæði tengjast þessi mál mótun framtíðar-
stefnu um sóknir, prestaköll og prófastsdæmi.
Þingið samþykkti að vísa málunum til biskupafundar
sem láti gera sérstaka könnun í öllum prestaköllum lands-
ins á þörf sem þar er á þjónustu kirkjunnar. I þessari könn-
un verði litið til þátta eins og fólksfjölda, aðstöðu sóknar-
innar, félagslegra aðstæðna, vegalengda, fjallvega og annars
sem gæti haft áhrif á þjónustu kirkjunnar.
I ályktun þingsins er ekki tekið sérstaklega fram hver þjón-
usta kirkjunnar sé. Hins vegar er þjónusta presta skilgreind af
biskupafundi í öðru þingskjali, um stefnumörkun kirkjunnar
varðandi framtíðarskipulag sókna, prestakalla og prófasts-
dæma. Þar er þjónusta presta m.a. skilgreind sem reglubundið
helgihald, almenn prestsþjónusta í boðun, uppfræðslu og
stuðningi, skím, ferming, hjónavígsla, greftrun og margvíslegt
félagsstarf í söfnuði. Þjónustan felst einnig í vitjunum til ein-
staklinga og á stofnanir, sálusorgun og sáttaumleitunum.
Þróun kirkjulegs starfs á höfuðborgarsvæðinu
Kirkjuþing samþykkti einnig að fela biskupafundi að gang-
ast fyrir gerð tillagna um skipan og þróun kirkjulegs starfs á
höfuðborgarsvæðinu fyrir kirkjuþing árið 2000. Við tillögu-
gerðina sé tekið á skipan sókna, prófastsdæma og forystu
kirkjulegs starfs á svæðinu með hliðsjón af þróun byggðar
og mannfjölda á svæðinu.
S tarf smannahald
Setningar
Séra Guðni Þór Olafsson, settur til að þjóna Kópavogs-
prestakalli í námsleyfi séra Ægis Fr. Sigurgeirssonar frá 1.
sept. 1999 til 31. maí 2000.
Séra Sigurður Grétar Sigurðsson, sóknarprestur á
Hvammstanga, settur sóknarprestur í Melstaðarprestakalli
fyrir séra Guðna Þór frá 1. sept. til 31. des. 1999.
Séra Agúst Sigurðsson, settur prófastur í Húnavatnspró-
fastsdæmi fyrir séra Guðna Þór frá 1. sept. til 31. des. 1999.
Séra Öm Bárður Jónsson, settur til að þjóna sem prestur
í Nesprestakalli í námsleyfi séra Halldórs Reynissonar frá 1.
sept. 1999 til 31. maí 2000.
Halla Jónsdóttir, settur fræðslustjóri fræðslu- og þjón-
ustudeildar kirkjunnar frá 1. september 1999 til 31. maf
2000 í launalausu leyfi séra Arnar Bárðar Jónssonar.
Laust embætti
Ólafsvíkurprestakall er laust til umsóknar.
Heimasíða
Kjalarnessprófastsdæmis
Kjalarnessprófastsdæmi hefur tekið í notkun heimasíðu þar
sem ætlunin er að hægt verði að fylgjast með og fá upplýs-
ingar um þá starfsemi sem fer fram í prófastsdæminu. Þar er
t.d. hægt að fletta upp á öllum sóknum í prófastsdæminu
og fá upplýsingar um þá sem sitja í sóknamefndum og
starfsfólk safnaðanna. Sérstök fréttasíða er starfrækt þar
sem minnst er á það sem hæst ber hverju sinni og þar er nú
hægt að lesa fundargerð héraðsfundar Kjalamessprófasts-
dæmis sem haldinn var í Hvalsnessókn þann 25. september
sl. (hugsanlega í fyrsta sinn í sögu héraðsfunda prófasts-
dæmanna?).
Einnig er sérstök síða sem lýtur að undirbúningi undir
kristnihátíðirnar í prófastsdæminu. Þá er grunnskólaverk-
efni Kjalarnessprófastsdæmis gerð skil á heimasíðunni og
hægt að lesa erindi sem flutt voru á námskeiði Kjalarness-
prófastsdæmis og Símenntunarstofnunar KHÍ sem haldið
var í ágúst sl. fyrir grunnskólakennara. Hönnuður svæðis-
ins er Frosti Heimisson en uppfærsla er í höndum starfs-
fólks skrifstofu prófastsdæmisins. Vefslóðin er
www.kjalarpr.is.
í sátt og samlyndi
Kjalarnessprófastsdæmi hefur gefið út kverið I sátt og sam-
lyndi sem dreift verður í grunnskóla í prófastsdæminu. Því
er ætlað að vera innlegg í kennslustundir í kristinfræði,
sögu, samfélagsfræði og myndmennt. Athyglinni er beint
að þeirri sáttargjörð sem náðist á Þingvöllum árið þúsund.
I kverinu er rakinn aðdragandi og atburðarás kristnitöku
árið 1000. Birtir eru valdir Biblíutextar ásamt orðskýring-
um og verkefnum.
Dr. Gunnar Kristjánsson prófastur og sr. Kristín Þórunn
Tómasdóttir tóku kverið saman og það er myndskreytt af
Þorfinni Sigurgeirssyni.
Margot Kássmann vígð
biskup í Hannover
Önnur þýska konan til að hljóta vígslu
41 árs þýsk kona, Margot Kassmann, hefur verið valin
fyrsti kvenbiskup Evangelísk-lútersku kirkjunnar í
Hannover. Kirkjan í Hannover er stærsta kirkjudeildin í
þýska kirkjusambandinu og í henni eru 3,3 milljónir
manna.
Margot Kássmann er önnur konan sem hlýtur biskups-
vígslu í Þýskalandi. Fyrsta konan var Maria Jepsen, biskup í
Hamborg. Séra Margot Kassmann gegndi áður starfi aðal-
ritara hins þýska kirkjuþings (Kirchentag).
4