Víðförli - 15.11.1999, Blaðsíða 6

VÍÐFÖRLI
NÓVEMBER 1999
Kirknasamband Evrópu 40 ára
Kirknasamband Evrópu, Conference of European
Churches, fagnaði 40 ára afmæli í september. Tímamót-
anna var sérstaklega minnst í Nyborg, Danmörku, þar sem
þessi samtök voru stofnuð fyrir fjörutíu árum f þeim tilgangi
að koma á sambandi milli kirkna austan og vestan járn-
tjaldsins sem þá skipti álfunni. Nú eru 126 kirkjur í sam-
bandinu, þar á meðal þjóðkirkja íslands.
Karsten Fledelius, kennari við guðfræðideild Kaup-
mannahafnarháskóla, sem á sæti í miðnefnd Kirknasam-
bands Evrópu, segir að sambandið gegni enn mikilvægu
hlutverki í Evrópu, ásamt Alkirkjuráðinu og Lúterska
heimssambandinu. Þar sem samtökin eru mynduð af evr-
ópskum kirkjum eru þau starfandi á svæðum þar sem átök
eru og geta brugðist beint við mannréttindabrotum og deib
um. Fledelius segir það sérstöðu kirkjunnar að geta verið
mun afdráttarlausari í yfirlýsingum en stjómmálamenn,
auk þess sem sendinefndir kirkna hafa iðulega meiri tiltrú
deiluaðila. Hann nefndi sem dæmi samræður Kirknasam-
bands Evrópu og Alkirkjuráðsins við Milosjevits, forseta
Serbíu.
A afmælisfundinum var samþykkt ályktum sem bar yfir-
skriftina „Að sigrast á aðgreiningu í Evrópu“. Henni var
beint til allra þeirra sem bera opinbera ábyrgð, bæði í ein-
stökum löndum og stofnunum Evrópu. Þar var minnst fyrri
skiptingar Evrópu og athygli vakin á þeim svæðum sem
ennþá eru aðgreind, til dæmis eyjunni Kýpur. Þá var at-
hyglinni sérstaklega beint að Kósóvó og kallað á aðstoð við
að byggja þar upp samfélag sem grundvallast á lýðræði og
virðingu fyrir mannréttindum til handa fólki af öllum
flokkum trúarbragða og menningar.
Charta oecumenica
Samskipti kirkna í Evrópu
Kirknasamband Evrópu hefur sent aðildarkirkjum sínum
drög að ályktun um tilhögun samskipta milli kirkna í Evr-
ópu. Skjalið er kallað Charta oecumenica og á upphaf sitt á
öðru þingi Kaþólska biskuparáðsins í Evrópu og Evrópska
kirknasambandsins sem haldið var í Austurríki 1997. Þar
var samþykkt að útbúa skjal sem gæti verið leiðarvísir í
samskiptum milli kirkjudeildanna.
Charta oecumenica er skipt í þrjá hluta: „Guð kallar
okkur til einingar", „Á leið til sýnilegs samfélags kirkna í
Evrópu“ og „Samkirkjulegt samfélag til þjónustu í Evrópu".
Meðal efnisflokka eru: „Að biðja saman er hjartasláttur
samkirkjulegs starfs“ og „Að sætta þjóðir og menningar-
hópa og vernda sköpunina".
Búist er við að skjalið verði undirritað á fundi kirkju-
deildanna sem fyrirhugaður er árið 2001 og verði eftir það
samþykkt af öllum aðildarkirkjum þeirra sem staðfesting á
vilja þeirra til sátta sín á milli, til vitnis og þjónustu og til
að stuðla að friði og réttlæti hvarvetna í Evrópu.
Fimm stöður í Genf
Alkirkjuráðið auglýsir lausar fimtn
stöður ársmanna (Internship)
Alkirkjuráðið auglýsir eftir fimm ungmennum (18-30 ára)
sem hafa áhuga á að starfa sem ársmenn í höfuðstöðvum
samtakanna í Genf. Um er að ræða störf á ólíkum sviðum
og má þar nefna upplýsingamál, æskulýðsmál, friðarmál og
fleira.
Umsóknarfrestur rennur út 15. nóvember næstkomandi.
Þeir sem hafa áhuga geta kynnt sér málið á vefsíðu ráðsins:
http://www.wcc-coe.org.
Kristið landsmót í Svíþjóð
Fjórar kirkjudeildir héldu messu samtímis
Lúterskir, kaþólskir, meðlimir rétttrúnaðarkirkjunnar og
sænsku fríkirkjunnar komu saman á landsmóti kristinna
manna í Linköping í ágúst sl. Yfirskrift landsmótsins var
„Ein heild“ og vfsar til þess að við erum öll hluti af eða lim-
ir á líkama Krists og myndum saman eina heild. Skráðir
þátttakendur á mótinu voru 1.450 en þeir voru hátt á
fjórða þúsund á samkomum. Margir fyrirlestrar drógu til sín
mikinn mannfjölda, t.d. Milli Guðs og Mammons, Jubile-
um 2000, Að lofa Guð í kyrrðinni og Hæga lögmálið - um
tíma og hvíld. Sú athöfn sem hafði mest táknrænt gildi fyr-
ir samkirkjulegt starf var án efa kvöldmessa þar sem allar
fjórar kirkjudeildirnar fögnuðu heilagri kvöldmáltíð sam-
tímis og á sama stað.
Skemmdarverk í finnskum
kirkjugörðum
Kirkjugarðar í Finnlandi hafa orðið illa fyrir barðinu á
skemmdarvörgum í sumar. Víða hafa krossar og legsteinar
verið felldir, blóm rifin upp og ljósker eyðilögð. Þá hefur
sumum krossunum verið stungið öfugum niður aftur.
Djöfladýrkendur eru grunaðir um sum skemmdarverkin en
oft er um unglinga að ræða sem bera fyrir sig áfengisvímu.
Alls voru 1200 leiði skemmd í 20 kirkjugörðum. Aðeins
Norður-Finnland og Lappland hafa sloppið við skemmdar-
verkin sem hafa vakið mikla athygli í fjölmiðlum. Almenn-
ingur í Finnlandi er sleginn enda hirða Finnar almennt vel
um leiði látinna ástvina. Gæsla hefur víða verið efld við
garða, sums staðar af sjálfboðaliðum meðal sóknarbarna og
stærri söfnuðir hafa fjárfest í öryggisþjónustu og tækjum til
gæslu.
6