Víðförli - 01.03.2004, Blaðsíða 5
MARS 2004
V í Ð F Ö R L I
5
Stofnfélagar í krístniboðshópi Grafarvogskirkju.
Kristniboðsfélag Grafarvogskirkju stofnað
Kristniboðsfélag Grafarvogskirkju var stofnað í kirkjunni
miðvikudagskvöldið 28. janúar síðastliðinn. Verkefni félags-
ins er að vinna að framgangi kristniboðsins innan safnaðar-
ins.
Ómar Ragnarsson fréttamaður var gestur stofnfundar og
sagði hann frá ferð sinni til Eþíópíu. Hann hreif alla með sér
með lifandi og skemmtilegri frásögn eins og honum er lag-
ið. Þess má geta að Ómar er að vinna að mynd um íslenska
kristniboðið.
Ávörp fluttu sr. Vigfús þór Árnason, sóknarprestur, og
Skúli Svavarsson, kristniboði. Kosin var stjórn félagsins.
Formaður hennar er Valgerður Gísladóttir en aðrir stjórnar-
menn eru Árni Hróbjartsson, sr. Kjartan Jónsson, Hilmar
Einarsson og sr. Bjarni Þór Bjarnason.
í lok stofnfundar var helgistund í umsjá sr. Kjartans Jóns-
sonar.
Steinunn Arnþrúður Björnsdóttir
Trúboð á vefnum
Það verður stöðugt algengara að fólk fari inn á vefinn
og leiti að svörum í trúarlegum vangaveltum sínum. í
raun tvöfaldaðist sá fjöldi á tímabilinu frá mars 2000 til
nóvember 2002 samanber könnun sem gerð var í BNA.
Þetta kemur fram í frétt sem birtist í Kristeligt Dagblad
18. febrúar síðastliðinn.
Þar er einnig haft eftir Morten Höjsgaard sem vinnur
að doktorsverkefni við Kaupmannahafnaháskóla um trú
á vefnum að öflug trúboðsstarfsemi eigi sér stað á ver-
aldarvefnum. Flestir trúarhópar leggja mikla vinnu í að
markaðssetja sig á vefnum og halda sérfræðingar því
fram að fleiri en miljón vefsíðna sé til sem hafi trúarlegt
innihald.
Vefurinn er orðinn nýtt trúboðssvæði þar sem hart er
barist um sálirnar.
Svona til gamans má geta að haft er eftir vefstjóra vef-
seturs Vatikansins allt að tvær og hálf miljón heimsókna
séu á heimasíðu þess á dag.
Danska heimatrúboðið hefur sent nýlega tvo kristni-
boða út á vefinn og hafa þeir trúboðsstöð á síðu heima-
trúboðsins, Jesúvefnum, jesusnet.dk. Nettrúboðinn As-
björn Asmussen á Jesúvefnum staðhæfir og tekur undir
með þeim rannsóknum sem hafa sýnt fram á að trúarleg-
ar heimasíður eru ekki bara vinsælar heldur geta líka snert
við trú fólks. Hann segist hafa fyrir því góð rök og eigin
reynslu að fólk komist til trúar fyrir tilstilli veraldarvefsins.
Morten Höjsgaard efast um að vefurinn þrátt fyrir vin-
sældir sínar orsaki að fjöldi fólks taki trúarlegu aftur-
hvarfi. Hann tekur undir að vefurinn hafi mikil áhrif á af-
stöðu fólks en segir um leið að leiðin sé löng á milli þess
að láta hafa áhrif á sig eða taka trúarlegu afturhvarfi.
Irma Sjöfn Óskarsdóttir