Víðförli - 01.03.2004, Blaðsíða 7
MARS 2004
7
V í Ð F Ö R LI
Tónleikar og tollheimtumenn
á fjölbreyttri Kirkjuviku á Akureyri
Ekki er útilokað að farísear hafi látið sjá sig á Kirkju-
viku 2004 í Akureyrarkirkju en tollheimtumenn komu
þar að minnsta kosti örugglega við sögu. Tollþjónninn
Þorsteinn Haukur Þorsteinsson kom með hundinn
Bassa og ræddi við fermingarbörn um skaðsemi fíkni-
efna. Þetta var meðal fjölmargs sem í boði var á kirkju-
viku á Akureyri í mars.
Kirkjuvikur hafa verið haldnar í Akureyrarkirkju 24 sinn-
um frá árinu 1959. Nú í seinni tíð hafa þessir viðburðir ver-
ið annað hvert ár. Ætíð eru kirkjuvikurnar á föstunni og hef-
ur myndast sú regla að láta þær hefjast með guðsþjónustu
á fyrsta sunnudegi í marsmánuði, á æskulýðsdegi Þjóð-
kirkjunnar. Upphafsmaður kirkjuvikna var sr. Pétur Sigur-
geirsson, en í Sögu Akureyrarkirkju segist Pétur hafa feng-
ið hugmyndina að þeim í Ameríku. í sömu bók segir Jón
Kristinsson, fyrrverandi formaður sóknarnefndar, að kirkju-
vikurnar þjóni þeim tilgangi „...að auka fjölbreytni í safnað-
arlífinu og kalla söfnuðinn til virkara liðsinnis í kirkjunni.”
Kirkjuvika 2004 hófst með útvarpsguðsþjónustu þann 7.
mars, þar sem Barnakór og Stúlknakór Akureyrarkirkju
sungu og félagar úr æskulýðsfélagi kirkjunnar aðstoðuðu
við helgihaldið. Um kvöldið voru tónleikar Heru Bjarkar
Þórhallsdóttur söngkonu og kom Stúlknakórinn ennfremur
þar við sögu. Slíkir tónleikar hafa nú verið haldnir þrjár
kirkjuvikur í röð í tengslum við æskulýðsdaginn. Andrea
Gylfadóttir reið á vaðið árið 2000 og Páll Rósinkrans var
með tónleika á síðustu kirkjuviku.
Föstuvökur eru nýjung í starfi Akureyrarkirkju, en þær
koma í stað föstumessanna, sem til skamms tíma voru á
hverju miðvikudagskvöldi föstunnar. Björn Steinar Sól-
bergsson, organisti, var aðalhvatamaðurinn að föstuvök-
unum. Þar er Kór Akureyrarkirkju í aðalhlutverki en að
þessu sinni var Ómar Ragnarsson, fréttamaður, fenginn til
að greina frá nýlegri heimsókn sinni til Afríku, þar sem hann
fylgdist meðal annars með störfum íslenskra kristniboða.
Ómar vinnur að gerð sjónvarpsmyndar um þá ferð og mun
segja frá henni á komandi prestastefnu.
Dagskrá um þýska guðfræðinginn og rithöfundinn Jörg
Zink í umsjá Maríu Eiríksdóttur, kennara í Hafnarfirði var
haldin í Safnaðarheimili Akureyrarkirkju, eftir hádegistón-
leika í kirkjunni, þar sem sálmar eftir hann voru meðal atriða.
Arna Valsdóttir, kennari við Háskólann á Akureyri, heim-
sótti börnin í sunnudagaskólanum seinni sunnudag Kirkju-
vikunnar og var þar með sína góðkunnu leiklistarsmiðju.
Sama dag var hátíðarmessa í kirkjunni þar sem sr. Jón Að-
alsteinn Baldvinsson, vígslubiskup á Hólum, prédikaði.
Eftir messuna voru hinir árlegu kaffitónleikar Kórs Akureyr-
arkirkju.
Síðasti viðburður kirkjuvikunnar var svo á sunnudags-
kvöldið, æðruleysismessa. Þar þjónuðu þau sr. Elínborg
Gísladóttir, sóknarprestur í Ólafsfirði, og sr. Magnús G.
Gunnarsson, sóknarprestur á Dalvík, en þess má geta að
fyrsta æðruleysismessan á íslandi var sungin í Akureyrar-
kirkju.
Auk ofangreinds er reynt að gera sitthvað til hátíða-
brigða í öðrum föstum starfsþáttum kirkjunnar. Þannig
mætti sr. Arna Ýrr Sigurðardóttir á mömmumorgun og
ræddi þar um móðurhlutverkið og Rafn Sveinsson, ritari
sóknarnefndar, lék gamla slagara ásamt hljómsveit sinni á
samveru fyrir eldri borgara á fimmtudeginum og bauðst
fólki að taka snúning í safnaðarheimilinu. Um kvöldið var
fundur í Samhygð, samtökum um sorg og sorgarviðbrögð
á Akureyri. Sóknarprestur var gestur fundarins.
Ekki er með öllu útilokað að einhverjir farísear hafi slæð-
st til kirkju þessa sjö daga sem kirkjuvikan stóð, en toll-
heimtumenn létu sitt svo sannarlega ekki eftir liggja. Á
mánudegi mætti í kirkjuna tollþjónninn glaði Þorsteinn
okkar Haukur ásamt leitarhundinum sínum elskulega,
Bassa. Ræddu báðir við fermingarbörnin um skaðsemi
fíkniefna. Um 90% fermingarbarna mætti og hlustuðu
krakkarnir mjög vel á það sem flutt var í tali, tónum og
gelti. Er Bassi fyrsti hundurinn sem kemur fram á kirkjuviku
í Akureyrarkirkju.
Svavar Alfreð Jónsson