Víðförli - 01.03.2004, Blaðsíða 8
8
VÍÐFÖRLI
23. ÁRG. 1. TBL.
Mynd frá Kína af Jósef, Maríu og Jesú.
Alþjóðleg bænavika:
Friður og eining
Alþjóðleg, samkirkjuleg bænavika var haldin dagana
18.-24. janúar 2004. Bænavikan er haldin árlega um þetta
leyti og er þá beðið fyrir einingu kristinna manna um heim
allan. Það er Alkirkjuráðið (World Council of Churches) í
samvinnu við kaþólsku kirkjuna sem stendur að baki vik-
unnar um allan heim og bænarefni vikunnar kemur jafnan
frá einhverjum aðildarkirkna.
Yfirskrift bænavikunnar í ár var „Minn frið gef ég yður”
(Jóh. 14:27) og kom hugmynd að bænum og ritningartext-
um að þessu sinni frá miðausturlöndum, frá borginni Al-
eppo í norður Sýrlandi þar sem fólk úr sýrlensku rétttrún-
aðarkirkjunni, kaþólsku kirkjunni og mótmælendakirkjum
undirbjó efnið. Frá landssvæði sem lengi hefur glímt við af-
leiðinga átaka og stríðs barst bæn um frið og einingu út um
heiminn.
Á íslandi hófst bænavikan með útvarpsmessu í Dóm-
kirkjunni sunnudaginn 18. janúar. Alls voru haldnar átta
samkomur og bænastundir á vegum undirbúningshóps
bænavikunnar, sjö á höfuðborgarsvæðinu og ein samkoma
á Akureyri.
Samkomurnar voru öllum opnar.
Bænavikan hefur verið haldin árlega hér á landi frá árinu
1968. Undirbúningur bænavikunnar hérlendis er í höndum
samstarfsnefndar kristinna trúfélaga. Aðild að nefndinni
eiga: Aðventistar, Fríkirkjan Vegurinn, Hvítasunnukirkjan,
Hjálpræðisherinn, íslenska Kristskirkjan, Kaþólska kirkjan,
Öháði söfnuðurinn og Þjóðkirkjan. Formaður nefndarinnar
er séra María Ágústsdóttir, héraðsprestur.
Auk auglýstrar dagskrár bænavikunnar voru prestar og
forstöðumenn safnaða hvattir til að minnast hennar á
bænastundum safnaða og biðja fyrir friði og einingu krist-
inna manna.
Steinunn Arnþrúður Björnsdóttir
Helgihald í
Kolaportinu
Helgihald er einu sinni í mánuði í Kolaportinu í kaffi-
stofunni Kaffi Port. Þorvaldur Halldórsson byrjar að spila
gömul dægurlög sem skapa gott andrúmsloft og opnun
fyrir helgihaldið. í guðsþjónustunni eru bæði sungnir
hefðbundnir sálmar og léttir söngvar. Vel er tekið undir
sönginn enda þekktir sálmar valdir. Prédikunin er stutt
en aftur á móti fá fyrirbænir lengri tíma. Öllum gefst tæki-
færi til að koma með bænarefni. Þau sem þjóna í guðs-
þjónustunni fara á milli borða og bjóða hverjum einstak-
lingi að koma með bænarefni. Fólk biður um fyrirbænir
fyrir sjúkum vinum og vandamönnum, fyrir eigin heilsu
og sjúkdómum. Þá eru áfengis- og fíkniefnavanda að-
standenda og ofbeldi einnig bænarefni. Fyrir okkur sem
þjóna er það einstök reynsla að tengjast einstaklingum
svo náið. Blessun með olíu í lokin skapa einnig tengsl.
Þá förum við til allra og setjum krossmark í lófa þeirra um
leið og við segjum: Drottinn blessi þig og varðveiti.
Fólk situr við borð og drekkur kaffi og það er leyfilegt
að reykja. Þrátt fyrir opið rými er mikil kyrrð á þessum
guðsþjónustum og við njótum saman nærveru hvors
annars og Guðs.
Ragnheiður SverrisdóWr
Þjáning Krists forsýnd
Kvikmyndin The Passion of the Christ var forsýnd í
Smárabíói í mars og var prestum boðið að sækja forsýn-
ingu. Er þetta í samræmi við kynningar myndarinnar er-
lendis þar sem hún hefur hlotið mikla auglýsingu í gegnum
yfirlýsingar trúarleiðtoga um myndina. Hér eins og þar var
hún umdeild og ekki allir á einu máli um ágæti hennar.
Haldið var málþing í tengslum við forsýninguna sem vakti
talsverða athygli. Hægt er að skoða ávörp vegna frumsýn-
ingar og fyrirlestra á málþinginu á http://dec.hi.is.
Djáknanemar
Um þessar mundir eru 10 djáknanemar í starfsþjálfun
á vegum teymis sem annast þessa þjálfun. Nýtt kerfi var
tekið upp í haust sem kallast Samfylgd. Kirkjuþing sam-
þykkti að djáknanemar skyldu taka upp þetta form en
guðfræðinemar hafa notað það í nokkur ár. Djáknanefnd-
in var búin að móta eigin kerfi sem var notað og þróað
allt frá 1993. Helsta breytingin felst í meiri eftirfylgd með
einstaklingum en aftur á móti var lagt af tveggja mánaða
starfþjálfun í söfnuði sem er miður. í staðin fær sá sem
byrjar í nýju starfi og tekur vígslu samfylgd og hand-
leiðslu fyrstu vikurnar í starfi. Kirkjan er stöðugt að þróa
þessa þjálfun og lærir meira í dag en í gær.
Ragnheiður SverrisdóWr