Víðförli - 01.06.2004, Blaðsíða 8
8
VIÐFORLI
23. ÁRG. 2. TBL.
Biskup vísiterar Eyfiröinga:
Skemmtilegri en bingó!
íbúar í Dalbæ, heimili aldraðra á Dalvík, voru ánægðir
með heimsókn biskupshjónanna sem var hluti af vísitasíu
biskups í Eyjafjarðarprófastsdæmi.
Að sögn Kolbrúnar Pálsdóttur, formanns sóknarnefndar
Dalvíkur, fylgdust íbúar Dalbæjar vel með ferðum biskups-
hjónanna um prófastsdæmið. Þau voru sérstaklega ánægð
með að biskup skyldi ekki vera einn í för, því að frú Kristín
Guðjónsdóttir, eiginkona hans var með.
Heimsóknin var á mánudegi en þá er venjulega haldið
Bingó sem enginn vill missa af. í þetta sinn var þó brugðið
út af vananum og voru allir sáttir við það enda þótti þeim
biskupshjónin hlý og skemmtileg, að sögn Kolbrúnar, og
biskupinn góð býtti fyrir bingóið.
Á Dalbæ búa meðal annars meðlimir hins fræga veður-
klúbbs á Dalvík sem höfðu spáð kólnandi veðri upp úr
páskum. Þegar biskupshjónin voru þarna á ferð var alhvít
jörð.
Bænir íbúa Dalbæjar fylgdu biskupshjónum og öðrum f
fjölskyldu hans á vísitasíunni.
Adda Steina Bjömsdóttir
Staða og framtíð
Þann 26. apríl 2004, var haldið málþing í Háteigskirkju
um fermingarstarfið undir yfirskriftinni „Staða og framtíð
fermingarstarfsins." Málþingið var haldið á vegum fræðslu-
sviðs Biskupsstofu.
Er fermingarfræðslan að skila árangri? Minnast ferming-
arbörnin fermingarfræðslunnar sem jákvæðrar reynslu eða
neikvæðrar? Hvaða árangri er verið að ná og hvaða árangri
á að ná? Er fermingin sóknartækifæri sem kirkjan gæti nýtt
betur? Er hægt að tengja betur saman barna- og æsku-
lýðsstarf og fermingarfræðsluna? Rúmlega 60 manns tóku
þátt í málþinginu.
I upphafi málþingsins voru fjögur erindi. Fyrsta erindið
fjallaði um nýjar leiðir og nýjungar í fermingarfræðslunni,
annað ernidið fjallaði um fermingarfræðsluna sem jákvæða
upplifun við leik og nám, þriðja erindið fjallaði um ferming-
una sem sóknartækifæri kirkjunnar og síðasta erindið fjall-
aði um stöðu og raunveruleika fermingarfræðslunnar. Eftir
framsöguerindin voru umræður í hópum og að þeim lokn-
um kynntu hópstjórar niðurstöður sínar. Þá voru umræður
og lauk málþinginu með helgistund.
fermingarstarfsins
Á þessari heimasíðu eru að finna erindi sem flutt voru og
helstu punkta umræðnanna í hópunum og samantekt á
umræðum málþingsins:
www.kirkjan.is/kirkjustarf/?fermingarstarf/malthing
Framsöguerindi
Nýjar leiðir og nýjungar í fermingarfræðslu
Sjöfn Þór, þjónustufulltrúi Kjalarnessprófastsdæmi.
Fermingarfræðslan - jákvæð upplifun við leik og nám
Sigurður Grétar Sigurðsson, sóknarprestur
á Hvammstanga.
Er fermingin sóknartækifæri kirkjunnar?
Halldór Reynisson, verkefnastjóri fræðslusviðs.
Staða og raunveruleiki fermingarfræðslunnar
Sigrún Óskarsdóttir, prestur í Árbæjarkirkju.
Stefán Már Gunnlaugsson
Endurskoðun hand-
bókar kirkjunnar
Biskup hefur falið helgisiðanefnd að gera áætiun um
endurskoðun Handbókar kirkjunnar. Margt nýtt hefur kom-
ið fram í starfi kirkjunnar síðan síðasta handbók kom út.
Prestar og aðrir þeir sem hafa í fórum sínum efni sem
á heima í handbók (til dæmis bænir, eins og bænir við
sérstakar aðstæður, bænir við dánarbeð og bænarefni
fyrir almenna kirkjubæn, eða sérstakar helgistundir við
sérstök tækifæri) eru hvattir til að senda tillögur og á-
bendingar um efni og efnisskipan nýrrar handbókar til
Biskupsstofu, Laugavegi 31, 101 Reykjavík, merkt
Handbókarnefnd, eða á netfangið handbok@biskup.is
Kristján Valur Ingólfsson,