Víðförli - 01.06.2004, Blaðsíða 11
JUNI 2004
VIÐFORLI
11
Heilræði fyrir starfsfólk og sjálfboðaliða í
barna- og unglingastarfi kirkjunnar
í starfi með börnum og unglingum skiptir máli hver að-
búnaður starfsins er, skipulag þess og starfsfólkið sem þar
starfar. Skipulag starfsins hvílir að mestu á leiðtogunum,
þ.e. að starfið sé markvisst, skipulagt og þar sé unnið eft-
ir settum reglum. Það skiptir máli að leiðtogi nái til barn-
anna og unglinganna sem hann starfar með og geti mynd-
að tengsl við þau. Mikilvægi starfsmanns í starfi með börn-
um og unglingum er ótvírætt, því er mikilvægt að starfsfólk
í barna- og unglingastarfi kirkjunnarfá stuðning, vandað sé
að vali þess og hugað sé að velferð þess í starfinu.
í heilræðum fyrir starfsfólk og sjálfboðaliða í kristilegu
barna- og unglingastarfi sem samráðsnefnd fræðslusviðs
Biskupsstofu, KFUM og KFUK, ÆSKR og æskulýðsnefndar
Kjalarnessprófastsdæmis tók saman er að finna gagnleg ráð
um hvað þarf að hafa í huga og til hvers er ætlast af þeim
sem starfa með börnum og unglingum í kristilegu starfi. Auk
þessa er verið að vinna að siðareglum fyrir starfsfólk og
sjálfboðaliða, en drög að siðareglunum er hægt að finna á
www.kirkjan.is/kirkjustarf undir unglingastarf. Fleilræðin og
siðareglurnar eru þó gagnleg fyrir allt starfsfólk kirkjunnar og
KFUM og KFUK sem kemur að starfi með börnum og ung-
lingum með einum eða öðrum hætti.
Á kirkjustarfsvef kirkjan.is undir unglingastarf má einnig
finna umsóknarblað fyrir starf í barna- og unglingastarfi, en
umsóknarblaðið er hugsað fyrir söfnuði kirkjunnar þegar
þeir ráða starfsfólk. í umsóknarblaðinu er gefinn möguleiki
á því að söfnuður nýti sér ákvæði laga um að yfirmenn tóm-
stundastarfsemi eigi rétt á að fá upplýsingar úr sakaskrá
um hvort umsækjandi hafi gerst sekur um kynferðisafbrot.
Stefán Már Gunnlaugsson
Hafðu í huga í starfi með börnum og unglingum að ...
• bera ætíð virðingu fyrir þeim sem þú starfar með og
láta þér annt um velferð og líðan þeirra.
• þú ert í föruneyti barnsins eða unglingsins á leið þess
að því að verða fullvaxta manneskja. Að þú ert sam-
ferða og það felur ekki í sér að vita alltaf betur eða
geta meira, heldur hlusta og vera nálægur.
• þú ert eldri, berð ábyrgð og ert fyrirmynd. Vertu þú
sjálf/ur og vertu samkvæmur sjálfri/um þér.
• gefa af þér, en gættu að hvar mörkin liggja. Að gefa
af sér merkir ekki að starfsmaður deili vandamálum
sínum með börnum og unglingum í starfi.
• hafa skopskyn getur haft mikið að segja í starfi, en
það má aldrei vera gróft, tvírætt eða niðrandi fyrir
aðra.
• í samskiptum við börn og unglinga hefur þú sterkari
stöðu en börnin og unglingarnir sem þú vinnur með.
Varastu að misnota þér þá stöðu.
• það er ekki góð hugmynd að sjá ein/n um samverur
með börnum eða unglingum eða fara ein/n með hóp
í ferðalag. Flafðu vit fyrir yfirmönnum þínum ef þeir
ætla að senda þig eina/n.
• krakkarnir vilja að þú sért sá fullorðni, en um leið
hlustaðu á þau og taktu þátt í því sem þau eru að
gera. Taktu virkan þátt í þeirri dagskrá sem er í boði
og sýndu henni áhuga.
• vera ekki ein/n með barni eða unglingi. Ef barn eða
unglingur vill tala við þig einslega, gættu þess þá að
aðrir starfsmenn viti af því og að einhver sé nærri.
Starfsmaður ætti ekki að aka börnum heim úr starfi
nema með vitneskju foreldra.
• eiga gott samstarf við foreldra og forráðamenn og
upplýsa þá um starfið og það sem þar fer fram.
• snerting er stundum viðeigandi en hún getur auð-
veldlega misskilist. Stundum er betra að standa fyrir
utan leiki sem fela í sér mikla snertingu.
• vera vel undirbúin/n fyrir samverur. Krakkarnir sjá
fljótt ef þú ert óundirbúin(n). Helgihaldið er mikilvæg-
ur þáttur í starfinu og oft þarf að laga það að þeim
hópi sem þú ert með. Mundu að það sem barnið
upplifir og lærir í samræðum skilar meiru en langar
orðræður.
• þekkja og virða takmörk þín, og leita þér hjálpar ef illa
gengur. Margt getur komið uppá í starfinu sem krefst
mikils af þér. Hikaðu ekki við að leita ráða hjá þeim
sem þú treystir.
• sjaldnast fáum við að velja samstarfsfólkið okkar.
Lykillinn að góðu samstarfi er að ræða þau vandamál
sem upp koma og vera tilbúin/n að líta í eigin barm.
Varastu að ræða málefni annarra starfsmanna við
þátttakendur.
• þú ert aldrei ein/n á ferð, Jesús er alltaf með í för.
Mundu eftir því að þú og Guð þurfið tíma saman.
Mundu eftir að biðja fyrir starfinu og vera í samfélagi
við annað trúað fólk.