Skólavarðan - 2020, Blaðsíða 6
6 SKÓLAVARÐAN HAUST 2020
KENNARASAMBANDIÐ / Fréttir
Þrír nýir
kjara-
samningar
Viðræðunefnd Kennarasambands
Íslands tók til starfa á vor-
mánuðum 2019. Hún er skipuð
formönnum Félags grunnskóla-
kennara, Félags leikskólakennara,
Félags kennara og stjórnenda
í tónlistarskólum, Félags
stjórnenda leikskóla, Skóla-
stjórafélags Íslands, formanni KÍ
og hagfræðingi KÍ. Á vettvangi
viðræðunefndarinnar eru tekin
fyrir sameiginleg hagsmunamál
áðurnefndra félaga og þau rædd
við samninganefnd Sambands
íslenskra sveitarfélaga.
Rúmlega ári síðar, eða í júlí
2020, urðu þau tímamót að þrjú
félög kláruðu sína samninga við
Samband íslenskra sveitarfélaga
og tvö félög framlengdu viðræðu-
áætlanir til 1. október 2020.
Félag leikskólakennara
skrifaði undir samning sem gildir
til 31. desember 2021. Í samn-
ingnum er sérstök áhersla lögð á
faglegt starf og undirbúning þess.
Félag stjórnenda leikskóla og
Skólastjórafélag Íslands skrifuðu
undir jafnlanga samninga sem
fela m.a. í sér samræmingu á
kjaramálum félaganna og nýtt
mat á starfsreynslu.
Félag grunnskólakennara
og Félag kennara og stjórnenda
í tónlistarskólum endurnýjuðu
viðræðuáætlanir sínar og
eru viðræður í fullum gangi
þegar þetta er skrifað. Eins
eru samninganefndir Félags
framhaldsskólakennara og Félags
stjórnenda í framhaldsskólum
í viðræðum við ríkið, en þeirra
samningar renna út 31. desember
2020.
Félag grunnskóla-
kennara og Félag
kennara og stjórn-
enda í tónlistarskól-
um endurnýjuðu
viðræðuáætlanir sínar
og eru viðræður í full-
um gangi.
Gjörbreytt vinnuaðstaða í
nýjum húsakynnum
Þau tímamót urðu snemma
árs að Kennarasambandið
yfirgaf gamla Kennarahúsið við
Laufásveg og færði starfsemina
í Borgartún 30, sjöttu hæð.
Skrifstofa KÍ var opnuð á nýjum
stað að morgni 3. febrúar síðast-
liðinn. Þar með lauk nærfellt 30
ára dvöl kennarasamtakanna í
gamla Kennarahúsinu.
Það má með sanni segja að
vinnuumhverfi starfsfólks og
kjörinna fulltrúa hafi gjörbreyst
á einni nóttu. Nú er starfsemin
á einni hæð og vinnuaðstaða öll
í samræmi við nútímakröfur.
Fyrirkomulag er með þeim hætti
að starfsfólk á ekki sinn fasta
stað heldur velur sér vinnusvæði
í upphafi hvers dags.
Aðstaða fyrir félagsmenn
hefur um leið tekið stakka-
skiptum. Ekki einasta er nú
aðgengi fyrir fatlaða félagsmenn
en því var vart að heilsa í gamla
Kennarahúsinu. Aðstaða til
funda er jafnframt mun betri;
fleiri fundarherbergi en áður
og vel tækjum búin. Þá er
hæðinni skipt í tvennt þannig
að vinnusvæði starfsfólks
er afmarkað sérstaklega og
hins vegar er opið svæði með
fundaaðstöðu og opnu svæði
fyrir félagsmenn.
Til stóð að hafa opið hús
fyrir félagsmenn á vordögum
en af því gat ekki orðið vegna
COVID-19. Fjöldi félagsmanna
hefur þótt heimsótt Borgartúnið
í hinum ýmsu erindagjörðum.
Þegar um hægist í heimsfaraldri
standa vonir til að hægt verði að
bjóða félagsmönnum í heim-
sókn.
Þröstur Brynjarsson, þjónustufulltrúi á félagssviði, Ásta Eiríksdóttir, gjaldkeri sjóða, Elísabet Vignir, þjónustu-
fulltrúi sjóða, Hannes K. Þorsteinsson skrifstofustjóri, Þorsteinn Sæberg, formaður Skólastjórafélagsins,
Dagný Jónsdóttir, sérfræðingur á útgáfusviði, Steinunn Inga Óttarsdóttir, sérfræðingur hjá FF (nú skóla-
meistari FVA) , Sigrún Birna Björnsdóttir, sérfræðingur í vinnuumhverfis- og jafnréttismálum, og Ingibjörg
Karlsdóttir, sérfræðingur í vinnumati hjá Félagi framhaldsskólakennara.
Kennararáð tók til starfa í sumar
Nýskipað Kennararáð hóf störf í júní 2020.
Kennararáð er skipað ellefu fulltrúum og þar af
eru þrír frá Kennarasambandi Íslands – Anna
María Gunnarsdóttir, varaformaður KÍ, Haraldur
Freyr Gíslason, formaður FL, og Þorgerður Laufey
Diðriksdóttir, formaður FG. Varamenn af hálfu
KÍ eru Sigrún Grendal Jóhannesdóttir, formaður
FT, Guðjón Hreinn Hauksson, formaður FF, og
Þorsteinn Sæberg, formaður SÍ.
Skipað er í ráðið samkvæmt ákvæði laga
95/2019 um menntun, hæfni og ráðningu kennara
og skólastjórnenda við leikskóla, grunnskóla og
framhaldsskóla sem tóku gildi 1. janúar síðastliðinn.
Samkvæmt laganna bókstaf er hinu nýja
Kennararáði falið víðtækt hlutverk; svo sem að
veita ráðherra ráðgjöf og leiðbeiningar um þróun
hæfniramma fyrir almenna og sérhæfða hæfni
kennara og skólastjórnenda. Þá er Kennararáði
ætlað að veita ráðgjöf um starfsþróun kennara og
skólastjórnenda, fylgjast með alþjóðlegri þróun og
áherslum í menntavísindum og auk þess að veita
leiðsögn um mat á sérhæfingu kennara við ráðningu
sem og að efla vitund almennings um mikilvægi
kennarastarfsins.
Kennarasamband Íslands væntir mikils af
starfi Kennararáðsins og bindur vonir við að það
verði öflugur vettvangur til að standa vörð um
fagmennsku og gæði í skólasamfélaginu.