Skólavarðan - 2020, Blaðsíða 7
HAUST 2020 SKÓLAVARÐAN 7
Fréttir / KENNARASAMBANDIÐ
Helstu atriði í kjarasamningum félaganna þriggja
Skólastjórafélag Íslands
Kjarasamningur SÍ gildir frá
1. janúar 2020 til 31. desem-
ber 2021. Launabreytingar
eru samkvæmt lífskjara-
samningi og hafa áhrif á
launatöflur 1. janúar 2020, 1.
apríl 2020 og 1. janúar 2021.
Þá er í samningnum kveðið á
um 30 daga orlof fyrir alla.
Þann 1. ágúst sl.
urðu breytingar á mati
á starfsreynslu auk þess
sem deildarstjórar og
starfsmenn skólaskrifstofa
voru færðir inn í launatöflu
skólastjóra og aðstoðar-
skólastjóra. Einnig voru
gerðar breytingar á röðun
og kennsluskyldu deildar-
stjóra þann 1. ágúst 2020.
Markmið þessara breytinga
er ekki síst það að ýta undir
að yngra fólk komi inn í
stéttina.
Mikilvægt skref var stig-
ið þegar ákveðin sátt náðist
um skilgreiningu á fast-
launasamningi skólastjóra
og aðstoðarskólastjóra.
Félag stjórnenda leikskóla
Gildistími kjarasamnings FSL er til
31. desember 2021 og eru launa-
hækkanir samkvæmt lífskjarasamn-
ingi. Samningurinn er afturvirkur,
eingreiðsla í nóvember 2019 fyrir
tímabilið ágúst til og með desember
2019 og uppgjör var í september fyrir
janúar til og með ágúst 2020. Öllum
félagsmönnum FSL er nú varpað yfir
í sameiginlega launatöflu FSL og SÍ.
Stytting vinnuvikunnar verður útfærð
hjá stofnunum og sveitarfélögum. Í
samningnum er kveðið á um 30 daga
orlof fyrir alla óháð aldri.
Kennslureynsla allt að 10 árum
er metin með sama hætti og ef um
stjórnunarreynslu væri að ræða.
Sama á við um reynslu starfsmanna
skólaskrifstofu. Tekið er skref í átt að
jafnræði við kennarafélögin og bætt
við einum launaflokki til viðbótar
vegna 15 ára reynslu og við bætist
einnig einn launaflokkur fyrir 20
ára reynslu sem var ekki áður. Mat
á menntun breytist í persónuálag og
fyrir hverjar 30 ECTS einingar um-
fram grunnnám til B.Ed. prófs fær
félagsmaður FSL 2% persónuálag.
Bókun 3 var gerð um launa-
þróunartryggingu og stefnt að því að
semja um hana fyrir tímabilið 2019
til 2022. Bókun 4 var gerð um fast-
launasamning og eru samningsaðilar
sammála um að fastlaunasamningur
nái ekki til óhefðbundinna starfa.
Þann 1. ágúst sl. urðu breytingar
á mati á starfsreynslu auk þess
sem deildarstjórar og starfs-
menn skólaskrifstofa voru færð-
ir inn í launatöflu skólastjóra og
aðstoðarskólastjóra.
Kennslureynsla allt að 10 árum er metin
með sama hætti og ef um stjórnunar-
reynslu væri að ræða.
Félag leikskólakennara
Kjarasamningur FL gildir til 31.
desember 2021 og eru launa-
hækkanir samkvæmt lífskjara-
samningi. Tímabilið frá 1. júlí
2019 til dagsins í dag var gert upp
afturvirkt. Helstu breytingar eru
þær að öll starfsreynsla í leikskóla
verður metin hjá leikskólakennur-
um/kennurum og þeim sem hafa
leikskólafræði á bak við sitt nám,
líka starfsreynsla sem ófaglærður
starfsmaður í leikskóla. Þá verður
launasetning starfsmanna með
annað háskólapróf en leik-
skólafræði samræmd við önnur
félög sem semja fyrir sömu störf.
Margra ára baráttumál
félagsins er loks í höfn þar sem
undirbúningstími leikskóla-
kennara verður að lágmarki 7
tímar á viku og undirbúningstími
deildarstjóra að lágmarki 10 tímar
á viku miðað við fullt starf. Skýrari
og betri rammi er settur um
fyrirkomulag undirbúningstíma.
Eingöngu verður hægt að færa
hann til innan vinnuvikunnar. Sé
því ekki við komið er undirbún-
ingur sem mögulega fellur niður
innan vikunnar greiddur sem
yfirvinna enda eykst vikulegt/
daglegt vinnuframlag. Í kjara-
samningnum er hvatt til þess að
horft sé til sveigjanleika um hvort
undirbúningur starfsmanna geti
farið fram utan vinnustaðar.
Varðandi styttingu vinnu-
vikunnar verða ýmsir möguleikar
skoðaðir og eiga útfærsl ur að
liggja fyrir þann 1. október 2020
og munu félagsmenn fá að greiða
atkvæði um útfærslurnar sem
taka gildi 1. janúar 2021. Þá er í
samningnum kveðið á um 30 daga
orlof fyrir alla.
Margra ára
baráttu mál
loks í höfn:
Undirbúnings-
tími leikskóla-
kennara verður
að lágmarki 7
tímar á viku.