Skólavarðan - 2020, Blaðsíða 8

8 SKÓLAVARÐAN HAUST 2020
KENNARASAMBANDIÐ / Fréttir
Flokka, fræða og fylgja
grænum skrefum
Sameiginleg viljayfirlýsing
Stöndum vörð um skólastarf
Umhyggja, sveigjanleiki og þrautseigja verða
leiðarljós samvinnu Kennarasambands Íslands,
mennta- og menningarmálaráðuneytis, Sambands
íslenskra sveitarfélaga og Grunns, félags fræðslu-
stjóra og stjórnenda skólaskrifstofa, í skólastarfi á
tímum COVID-19. Undirritun þess efnis fór fram
í Hörpu þann 20. ágúst síðastliðinn og voru allir
aðilar sammála um mikilvægi þess að skólastarf
fari fram með eins hefðbundnum hætti og frekast
er unnt.
„Á síðasta skólaári var gripið til markvissra
aðgerða svo skólastarf raskaðist sem allra minnst.
Samstaða skólafólks og lausnamiðuð viðhorf
einkenndu þær aðgerðir og skiluðu þær góðum
árangri, sem er hvatning inn í nýtt skólaár,“ segir í
yfirlýsingunni.
Reynslan frá liðnu vori er dýrmæt og það er
markmið allra að bregðast hratt við þróun mála,
nýjum upplýsingum og aðstæðum hverju sinni.
Hugsað verður í lausnum og tryggt að nemendur
hafi viðeigandi aðstöðu og stuðning til að stunda
nám sitt og starfsskilyrði í skólum séu eins og best
verður á kosið hverju sinni.
Í yfirlýsingunni kemur einnig fram að
mikilvægt sé að samfélagið allt leggist á sveif með
skólum landsins og standi vörð um skólastarf.
Jafnréttisnefnd
segir
 X ...að hinn 6. júní 2019
tóku gildi lög um kynrænt
sjálfræði einstaklinga.
Lögin kveða á um rétt
einstaklinga til þess að
skilgreina kyn sitt og fá
það skráð í þjóðskrá. Ef
einstaklingur skilgreinir
sig hvorki karl né konu fær
hann kynskráninguna X í
þjóðskrá.
 X ... að félagsfólk
Kennarasambands Íslands
sé þverskurður samfé-
lagsins alls svo ætla megi
að þessar breytingar hjá
þjóðskránni hafi áhrif á
félagatal KÍ.
 X ...að þjóðskrá hafi
18 mánuði frá gildistöku
laganna til að aðlaga
skráningarkerfi sitt að
breytingunni og það sama
gildi um alla aðra. Jafn-
réttisnefnd hvetur stjórn
KÍ til að breyta félagaskrá
sinni í takt við lögin.
 X ...að breyta þurfi
jafnréttisstefnu og -áætlun
KÍ sem og kynjabókhaldi í
samræmi við lögin.
Markmið KÍ í umhverfismálum
„ Fylgja Grænum skrefum.
„ Velja umhverfismerktar vörur og þjónustu í innkaupum
umfram aðrar.
„ Lágmarka neikvæð umhverfisáhrif vegna notkunar
samgöngutækja á vegum KÍ.
„ Lágmarka notkun á hráefnum og orku.
„ Færa grænt bókhald.
„ Flokka og skila endurnýtanlegum úrgangi.
„ Fræða starfsfólk um umhverfismál og auka innra um-
hverfisstarf.
„ Hvetja starfsfólk til að tileinka sér vistvænan lífsstíl.
Kennarasamband Íslands hefur sett
sér umhverfisstefnu og vill vera til
fyrirmyndar í umhverfismálum.
Þetta var tilkynnt á degi íslenskrar
náttúru þann 16. september en
Kennarasambandið mun gegna
forystuhlutverki í fræðslu um um-
hverfismál til aðildarfélaga sinna.
Byggt verður á Grænum skref-
um þar sem finna má árangursríka
leið til að vinna markvisst að
umhverfismálum í starfsemi
Kennarasambandsins.
Ertu með hugmynd?
Ritstjórn Skólavörðunnar
er alltaf á höttunum eftir
góðu umfjöllunarefni sem
tengist skóla- og mennta-
málum. Endilega sendið
okkur línu ef þið lumið á
hugmynd að áhugaverðu
efni sem við getum gert
skil í blaðinu. Netfangið er
utgafa@ki.is.