Skólavarðan - 2020, Blaðsíða 22
22 SKÓLAVARÐAN HAUST 2020
UMFJÖLLUN / Kórónuveirufaraldur
verkefnum, svo sem sótthreinsun,
þurfti að sinna, starfsmenn unnu að
undirbúningi heima við og þar fram
eftir götunum. Hún sagði jafnframt
mikilvægt fyrir alla starfsmenn að njóta
stuðnings næsta yfirmanns þegar svona
ástand gengur yfir.
Virkni nemenda
Virkni nemenda í kófinu var heiti
erindis sem Unnar Þór Bachmann,
framhaldsskólakennari við Fjölbrauta-
skólann við Ármúla (FÁ), flutti en þar
greindi hann frá frumniðurstöðum
rannsóknar sem hann gerði á vorönn í
FÁ. Unnar Þór hlaut styrk úr Rann-
sóknasjóði KÍ til að gera rannsóknina.
Unnar sagði hugmyndina að
rannsókninni hafa verið að skoða
viðburðaskrár allra nemenda í dagskóla
í Moodle tímabilinu frá 16. mars til 15.
maí. Skoðaðir voru þrír áfangar auk
fjarnáms.
Meðal þess sem Unnar skoðaði
var virkni nemenda; hvenær fóru
þeir í Moodle, hvað voru þeir að gera
og hvað voru þeir lengi. Þess var,
að sögn Unnars, gætt vel að fara að
persónuverndarlögum við meðhöndlun
upplýsinganna.
Greina mátti breytingu á umferð
nemenda en þeir voru meira inni á
kvöldin en fyrir COVID-19, en þó var
ekki mikið um næturtraffík. Þá kom
fram fylgni virkni og árangurs; þ.e. þeir
nemendur sem voru virkastir í Moodle
fengu betri einkunnir. Þá sagði Unnar
að fram hefði komið áhættuþáttur sem
lýsir sér í því að ef nemandi kemur ekki
inn í tvær vikur eða meira, þá er líklegt
að hann sé alveg farinn. „Ég hefði viljað
taka meira markvisst á þessu og myndi
ekki bíða lengur en viku með að hafa
samband við nemanda sem er óvirkur.“
Það verður spennandi að sjá
frekari niðurstöður úr þessari rannsókn
Unnars og verða þær vafalaust kynntar
áður en langt um líður.
Stöndum vörð um menntakerfið
Ragnar Þór Pétursson, formaður KÍ,
hélt stutt ávarp á málþinginu. Hann hóf
ræðu sína á að tala um óvissuna og þá
staðreynd að faraldurinn hefur aftur
náð sér á strik. „Það er hrollvekjandi til
þess að hugsa að heimsbyggðin þurfi að
lifa með veirunni um ókomin ár.“
Þá greindi Ragnar frá yfirlýsingu
sem hann hafði skrifað undir fyrr
um daginn fyrir hönd KÍ. Í henni er
skorað á yfirvöld að standa vörð um
menntakerfið. Auk KÍ stóðu mennta-
málaráðherra, Samband íslenskra
sveitarfélaga og Félag fræðslustjóra
að yfirlýsingunni. „Við hétum því að
gera allt sem í okkar valdi stendur til
að tryggja að ákvarðanataka í mennta-
málum byggist ávallt á bestu fáanlegum
upplýsingum. Þannig vinnum við
kennarar, við vinnum saman, við
vinnum af hreinskilni og við þurfum oft
að bregðast hratt við,“ sagði Ragnar Þór
meðal annars í ræðu sinni.
Við hvetjum félagsfólk KÍ til að
horfa á málþingið. Fyrirlestrarnir eru
aðgengilegir á vef KÍ.
4. maí
Skrifstofa KÍ opnuð á nýjan leik. Samkomubann
í þjóðfélaginu miðast við 50 manns og tveggja
metra reglan er í gildi. Hefðbundið skólastarf hefst
í leik- og grunnskólum. Framhaldsskólar opnaðir
með takmörkunum; fjöldatakmarkanir hækkaðar
úr 20 í 50. Áfram gildir tveggja metra regla.
20. ágúst
KÍ efnir til málþings um skólahald og COVID-19. Fyrsta beina
netútsending úr húsakynnum KÍ. KÍ ásamt menntamálaráðuneyti,
Sambandi íslenskra sveitarfélaga og Grunni, félagi fræðslustjóra og
stjórnenda skólaskrifstofa, senda frá sér viljayfirlýsingu þar sem
meðal annars kemur fram að mikilvægt sé að skólasamfélagið allt
leggist á sveif með skólum landsins og standi vörð um skólastarf.
30. júní
Menntamála-
ráðuneytið
auglýsir eftir
sögum í bók um
skólahald og
COVID-19.
13. ágúst
Eins metra regla tekur
gildi í framhaldsskól-
um. Engin nálægðar-
mörk eru þegar kemur
að börnum fæddum
2005 eða síðar.
25. ágúst
Lagt til að notaðar séu
grímur þar sem eins
metra reglu verður
ekki við komið – svo
sem í verknámi í
framhaldsskólum.
21. september
Grímuskylda í
framhaldsskólum á
höfuðborgarsvæðinu.
Málþingið var
haldið í húsakynn-
um Kennarasam-
bandsins. Einungis
framsögumenn
voru í salnum.