Skólavarðan - 2020, Blaðsíða 25
HAUST 2020 SKÓLAVARÐAN 25
Könnunaraðferðin / LEIKSKÓLI
V ið fundum strax í byrjun árs að krakkarnir höfðu mikinn áhuga á eldfjöllum og við ákváðum að fylgja því eftir,“ segir Helga Lotta Reyn-isdóttir leikskólakennari í Leikskóla Seltjarness, um tilurð verkefnisins
Eldurinn í jörðinni sem ekki aðeins fól í sér mikinn fróðleik
fyrir börnin á deildinni Eiði heldur rataði afraksturinn, sem
fyrr segir, fyrir almannaaugu á glæsilegri sýningu í Norræna
húsinu.
Helga hélt utan um eldfjallaverkefnið, ásamt samstarfs-
fólki á deildinni Eiði. Hún segir verkefnið til komið vegna
þess að í Leikskóla Seltjarnarness er unnið með frumefnin;
jörð eld, loft og vatn. Þegar árið 2020 gekk í garð var komið
að jörðinni. „Við byrjuðum að velta jörðinni fyrir okkur og
krakkarnir komu strax með margar góðar hugmyndir. Um-
ræðan spannst svo áfram á þann veg að þau fóru að velta fyrir
sér eldfjöllum; bæði eldfjöllunum okkar hér á landi og líka úti
í heimi,“ segir Helga um fyrstu skrefin í verkefninu.
Þekkingarleitin í fyrirrúmi
Könnunaraðferðin er í hávegum höfð í leikskólanum og segir
Helga að þegar krakkarnir á Eiði hófu að færa umræðuna um
jörðina yfir á svið eldsumbrota og jarðhræringa hafi verið
ákveðið að fylgja því eftir. „Við skynjuðum áhuga þeirra og
ekki leið langur tími þar til hópurinn var farinn að sökkva sér
í alls kyns pælingar um eldgos og eldfjöll. Könnunaraðferðin
byggir meðal annars á því að grípa hugmyndir barnanna,
hjálpa þeim að þróa þær áfram, í gegnum verkefni og með
vettvangsferðum,“ segir Helga og bætir við að verkefnið hafi
frá upphafi verið samvinnuverkefni þar sem þekkingarleit
barnanna var í fyrirrúmi.
Hvað
verður
um dýrin í
eldgosi?
Börnin á Eiði í Leikskóla Seltjarnarness
tóku þátt í Hönnunarmars sem fram fór í
sumar. Þau eru fyrstu leikskólabörnin sem
verða þess heiðurs aðnjótandi að taka þátt
í þessari hönnunarhátíð. Sýningargripir
barnanna voru sérlega glæsilegir, sautján
hangandi jarðarkringlur, fagurlega skreyttar
eldfjöllum og ýmsu öðru.
Börnin á Eiði í
Leikskóla Sel-
tjarnarness með
jarðirnar sem þau
bjuggu til sjálf.
Mynd: Anton Brink