Skólavarðan - 2020, Blaðsíða 35

Vinnuumhverfi / KENNARINN
Samskiptavandi getur einnig skap-
ast vegna einstaklingsbundinna þátta.
Ágreiningur verður þá persónulegur
og getur tengst sjálfsmynd, sanngirni,
trausti eða framkomu og/eða hegðun
ákveðinna einstaklinga. Faglegur
ágreiningur er algengur á vinnustöðum
og er oft af hinu góða ef unnið er mark-
visst úr honum en getur einnig sprottið
upp þar sem verkefni og/eða hlutverk
eru illa skilgreind. Einnig skiptir máli
að almenn umræða um fagmennsku og
stefnu skóla sé meðal kennara svo koma
megi í veg fyrir faglegan ágreining milli
einstaklinga.
Algengur samskiptavandi
Mikilvægt er að hlusta vel, ræða saman
augliti til auglitis og forðast að treysta
um of á stafræn samskipti. Einnig þurf-
um við að hugsa áður en við bregðumst
við og leyfa fólki að ljúka máli sínu.
Ég-boð eru af hinu góða, enda forða
þau okkur frá þú-fullyrðingum. Við
þurfum að temja okkur að vera skýr og
skelegg í máli svo allir skilji það sem við
viljum segja og vinda okkur frekar í að
ræða málið heldur en að fara í kringum
það. Menningarmunur skiptir einnig
máli þegar samskiptamál koma upp og
stjórnendur verða að gefa honum gaum
og átta sig á samhenginu.
Mikilvægt er að virða ólík
sjónarmið og huga að því að óyrt
samskipti geta líka misskilist. Óyrt
samskipti geta verið svipbrigði eða
látbragð sem okkur er tamt en þeir
sem ekki þekkja okkur skilja ekki
eða mistúlka.
Úrræði
Rannsóknir hafa sýnt að
kennarar vilja meiri þjálfun
og stuðning til að takast
á við ný verkefni og gera
kröfu um meiri starfsþró-
un, faglega handleiðslu
og að starfið sé skilgreint
á skýran hátt. Óskýrar eða
engar starfslýsingar valda óþarfa
árekstrum eða misskilningi. Skert
upplýsingaflæði, óskýrar boðleiðir og
tímaskortur eru allt þættir sem valda
óþarfa streitu, misskilningi og jafnvel
árekstrum þegar kemur að breytingum
í skólastarfi. Gagnsæi á vinnustað er ein
leið til að minnka hættuna á árekstrum.
Um leið og samskipti milli stjórnenda
og starfsmanna eru opin og hreinskiptin
og stjórnendur veita reglulega endurgjöf
og viðurkenna mistök skapast traust og
fleiri tækifæri til þróunar.
Enn fremur segja fræðin það
lykilatriði að stjórnendur hlusti á
starfsmenn og taki hugmyndum þeirra
með opnum huga. Krafa um aukna
þverfaglega samvinnu er af hinu góða
en komið getur til árekstra ef sameig-
inleg markmið eru óskýr og þjálfun
starfsfólks ófullnægjandi.
Samskiptasáttmáli
Samskiptareglur eru alltaf
af hinu góða. Starfsfólk
upplifir sálrænt öryggi þegar
ákveðið er í sameiningu
hvaða hegðun er æskileg.
Samskiptasáttmáli er líkur
siðareglum að því leyti að
fólk er hvatt til að fara eftir
honum og um leið eru til leik-
reglur sem hægt er að nýta til
að ræða hegðun sem einhverjum
hugnast ekki. Samskiptasáttmáli er
þannig skýr leiðarvísir sem er þróaður í
samvinnu alls starfsfólks og samþykktur
af því. Í raun er samskiptasáttmáli góð
leið til að móta samskipti á jákvæðan
hátt hvort sem er á vinnustöðum þar
sem ekki kennir almennt samskipta-
erfiðleika og á vinnustöðum þar sem
árekstrar eru algengir og álag vegna
samskiptavanda mikið.
Kennarasambandið mælir með að
skólar útbúi sinn sáttmála bæði meðal
starfsfólks og nemenda. Enn fremur
mætti hver bekkur eða hópur setja sér
samskiptareglur sem byggja á sáttmála
skólans.
Sigrún Birna
Björnsdóttir
sérfræðingur
í jafnréttis- og
vinnuum-
hverfismálum
hjá KÍ.
Eldri léttlestrarbækur
NÝJAR léttlestrarbækur væntanlegar í október
M.v. bekkjarsett, 15 bækur eða fleiri, eru léttlestrarbækurnar á tilboðsverði 790 kr. stk.
Gildir til 15. nóvember 2020. Pantanir sendist á tölvupóstfangið pantanir@odinsauga.com.
Bókin dregur upp gamansama en
jafnframt dökka mynd af áhrifum
of mikillar skjánotkunar. Bókin er
tæki til að ræða skjátíma barna
og mikilvægi þess að fara út að
leika sér og tala ekki bara við
vinina í gegnum síma. Hentar vel
til að æfa lestur.
Áhugasvið barna eru ólík og
mikilvægt að í boði séu bækur
sem ýta undir löngun þeirra
til að lesa. Þessi bók hentar
börnum sem heillast af dýrum.
Stuttur texti á hverri blaðsíðu
auðveldar börnum lestur
bókarinnar.
Ókeypis verkefnahefti fylgja með
bekkjarsettum.