Skólavarðan - 2020, Blaðsíða 38
38 SKÓLAVARÐAN HAUST 2020
KENNARINN / Viðtal
Bjuggu til kennslugögn
Alma segir að engin kennslugögn hafi
verið til þegar byrjað var að kenna
snyrtifræði við FB og lítið sem ekkert
sem þær Bergljót höfðu í raun og veru
í höndunum. „Við fórum mikið eftir
enskri bók og höfðum í huga kröfur al-
þjóðasamtaka snyrtifræðinga, Cidesco.
Snyrtifræði fellur undir iðnfræðslulögin
og þar af leiðandi var lögð áhersla á
fleira heldur en alþjóðasamtökin gerðu
kröfur um.“
Alma og Bergljót bjuggu til
kennslugögn og var þá oft um helgar-
og næturvinnu að ræða. „Það var mikil
vinna sem lá þar á bak við. Það var
voða gaman þegar ég var að grúska í
nýjungunum og koma með nýtt inn í
kennslugögnin. Mér leiddist aldrei að
betrumbæta og koma með meira, og
alltaf það nýjasta, inn í gögnin og það
var gaman að nemendur voru alltaf
opnir fyrir til dæmis nýjum litum eða
nýjum aðferðum. Þetta er þannig fag.
Kennslugögnin þróuðust úr því
að við vorum alltaf að þýða úr ensku
yfir á íslensku til að gera nemendum
auðveldara fyrir. Ætli það séu ekki
15-20 ár síðan ég bjó til kennsluhefti
fyrir áfangana sem ég kenndi. Þessi
kennsluhefti eru enn notuð en þau eru
uppfærð reglulega. Árið 2012 sömdu
tveir kennarar á snyrtifræðibrautinni
kennslubók sem er mikill munur fyrir
nemendur.“
Það hefur líka verið þróun í
tækninni. „Þetta var fyrst allt á glærum
og endalaust verið að klippa myndir og
púsla saman og reyna að gera þetta svo-
lítið myndrænt því þetta er verknám og
gott að hafa kennslugögnin myndræn.
Þetta varð allt miklu auðveldara eftir að
byrjað var að nota tölvur.“ Þess má geta
að Alma hefur áhuga á að kennsluheftin
sem hún útbjó verði gerð rafræn.
Mannlegi þátturinn
Alma minntist á mannlegu samskiptin
og hún segir að mannlegi þátturinn hafi
verið sterkur í starfi sínu hjá FB. „Það
þarf að vera mjög gefandi manneskja
til að geta unnið sem snyrtifræðingur.
Það sem mér fannst skemmtilegast í
starfinu var að reyna að þroska þessa
hæfileika hjá nemendunum og kenna
þeim ef þeir áttu erfitt með eðlileg
samskipti - þjónustusamskipti - og
hjálpa þeim varðandi það. Það var svo
mismunandi hvaða hæfileika nemendur
höfðu hvað þetta varðar og það var
gaman að þróa séreinkenni þeirra,en
það þarf visst fágaða framkomu. Ég
held að áherslurnar hafi aðallega falist
í að hjálpa nemendunum í að þroska
hæfileika sína.“
Alma segir að sér hafi aldrei leiðst
í vinnunni. „Ég hafði alltaf gaman af að
fara í vinnuna.“ Hún segir að hún sakni
nemendanna mest. „Í fjölbrautakerfinu
eru nemendur mikið að fara á milli en
á snyrtibrautinni er þetta svolítið eins
og bekkjakerfi. Maður var með sömu
nemendurna í sama hópnum í nokkrar
annir. Það er eftirminnilegast að hafa
tekið á móti nýjum hópi og kynnast
nemendum síðan smátt og smátt mjög
vel. Það var líka gaman að vera með
samkennurum og ég hitti þær reglulega
sem kenndu á snyrtifræðibrautinni og
svo fer ég upp í skóla og hitti fólkið.“
Rafmagnshjól í húsbílnum
Alma segir að hún hafi hætt störfum í
FB þar sem maðurinn hennar hafi verið
Markmiðin í
snyrtifræði
Námið er umfangsmikið og
á heimasíðu FB (fb.is) er
meðal annars að finna þess-
ar lýsingar á markmiðum en
nemendur eiga að:
X geta greint ástand
húðar líkamans, andlits,
handa og fóta á grundvelli
fræðilegrar þekkingar á
uppbyggingu og starfsemi
mannslíkamans með
sérstakri áherslu á vöðva-,
blóðrásar- og taugastarf-
semi, húð og líffæri hennar,
t.d. neglur og hár og
sjúkdóma þeim tengdum
X búa yfir grundvallar-
þekkingu í eðlis- og
efnafræði, og efnafræði
snyrtivara sérstaklega og
þekkja þá rafstrauma sem
eru notaðir við snyrtingu
X kunna mismunandi
meðferðir með tækjum fyrir
líkama og andlit, geta greint
á milli þeirra og valið eftir
þörfum viðskiptavinar
X geta greint einstak-
lingsþarfir viðskiptavinar
varðandi húðmeðferð og
gefið leiðbeiningar um val
og notkun snyrtivara fyrir
líkama, andlit, hendur og
fætur
X geta nuddað höfuð,
líkama, hendur og fætur
eftir sænska nuddkerfinu
ásamt ilmolíu- og/eða
punktanuddi
X kunna snyrtingu
líkama, handa, fóta og
andlits, þar með talið litun
augnhára og augabrúna,
með tilliti til þarfa einstak-
lings
X þekkja áhrif og notkun
hitagjafa sem eru notaðir
við meðhöndlun líkamans,
s.s. gufu, saunu, innrauðs
ljóss, paraffínvax og
hitamaska
X þekkja mismunandi
ásetningu gervinagla og
naglaskrauts
X geta farðað einstakling
með hliðsjón af aldri,
þörfum og tilefni
X kunna að fjarlægja hár
með vaxi og þekkja aðrar
aðferðir við að fjarlægja hár,
svo sem rafræna háreyðingu
og háreyðandi krem
„Ég hafði alltaf
gaman af að
fara í vinnuna.“ Á
myndinni er Alma í
góðum félagsskap
samstarfskvenna.