Skólavarðan - 2020, Blaðsíða 45

HAUST 2020 SKÓLAVARÐAN 45
Tónlistardeild LHÍ / FJARNÁM
T ónlist-ardeild Lista-háskóla Íslands býður
nú upp á fjarnámskeið
fyrir starfandi tónlistarskóla-
kennara á vettvangi Opna
Listaháskólans.
Fyrsta námskeiðið,
Almenn kennslufræði
tónlistar, var kennt í fyrsta
skipti á vorönn 2020 og
nú í haust er boðið upp á
fjarnámskeið í Sálfræði.
Ný námskeið 2021
Fyrirhugað er að bjóða tvö
til þrjú ný námskeið til
viðbótar á vorönn 2021 auk
þess sem kennslufræðin
verður kennd aftur.
„Hugmyndin að baki
námsframboðinu er að
starfandi tónlistarkennarar
geti tekið einingabært nám
á sviði kennslufræða til að
styrkja réttindastöðu sína
á starfsvettvangi eða sem
áhugaverðan valkost til
starfsþróunar. Sömuleiðis
er Listaháskólinn að þróa
möguleika á raunfærnimati
og er stefnt að því að
tónlistardeild bjóði upp
á slíkt mat fyrir kennara
og stjórnendur tónlistar-
skólanna 2021,“ segir Elín
Anna Ísaksdóttir, fagstjóri
tónlistardeildar Listahá-
skóla Íslands.
Hvatinn að þróun
fjarnámsins var rann-
sóknarvinna sem lagt var
í fyrir tilstilli mennta- og
menningarmálaráðuneytis-
ins, en verkefnið var unnið
2018-2019.
Mikilvægt innlegg í
umræðu og vinnu
„Strax í upphafi lögðum
við áherslu á að ná til starfs-
fólks tónlistarskólanna
vítt og breitt um landið til
að fá sem raunhæfasta og
skýrasta mynd af viðhorfum
og þörfum. Fljótlega varð
ljóst að verkefnið væri
mikilvægt innlegg í umræðu
og vinnu við stefnumótun
á sviði kennaramenntunar,
þróunar nýrra námsleiða,
uppbyggingu fjarnáms og
þróunar raunfærnimats. Við
settum kennaramenntun
og mikilvægi hennar í
brennidepil,“ segir Elín
Anna.
„Niðurstöðurnar leiddu
ótvírætt í ljós mikla þörf á
námsframboði í fjarkennslu
og að hægt væri að stunda
námið samhliða vinnu,“
segir Elín Anna og bætir við
að þegar spurt hafi verið
um inntak námskeiða hafi
fög eins og kennslufræði og
sálfræði oftast verið nefnd,
auk hagnýtra faga eins og
útsetningar og námskeiða
í tengslum við tækni og
skapandi vinnu.
Í ljósi ótvíræðra niður-
staðna um mikilvægi aukins
námsframboðs í fjarnámi
var ákveðið að hefjast handa
sem fyrst við þróun þess og
fyrsta námskeiðinu hrundið
af stað í janúar 2020.
Elín Anna útskýrir að
námskeiðin séu annað hvort
kennd alfarið í fjarnámi
eða sem fjarnámskeið með
staðlotum. Reiknað er með
að á vorönn 2021 verði
tilbúinn námskeiðskjarni
sem hægt verði að byggja
við smátt og smátt.
Strax mikil viðbrögð
Námið er eins og er ætlað
starfandi tónlistarskóla-
kennurum með reynslu af
vettvangi.
„Eins og komið hefur
fram var fyrsta námskeiðið
kennt á síðustu vorönn.
Við renndum nokkuð
blint í sjóinn og námskeiðið
var kynnt með stuttum
fyrirvara en það urðu þó
strax mikil viðbrögð og
margar fyrirspurnir sem
bárust. Nemendur sem
sóttu námskeiðið voru
þrettán talsins, flestir með
langa og mikla reynslu af
kennsluvettvangi. Þetta
var frábær hópur og það
skapaðist strax mjög góður
andi,“ segir Elín Anna.
„Við lögðum upp
með að vinnuálag væri
viðráðanlegt með kennslu
og að verkefnin tengdust
starfsvettvangi á einhvern
hátt og er það útgangs-
punkturinn við öll nám-
skeiðin. Vonir okkar standa
til þess að námsframboð af
þessum toga haldi áfram
að þróast jafnt og þétt við
Listaháskólann,“ segir Elín
Anna að lokum.
Aðalfög
 X Almenn
kennslufræði tónlistar,
10 ECTS (kennt í
annað skipti vor 2021,
janúar-apríl)
 X Sálfræði, 10 ECTS
(kennt á haustönn 2020)
Bundið val
 X Námskeið í þróun:
Umfjöllunarefnið er
skóli margbreytileikans,
fjölmenning á Íslandi
og menntun fyrir alla, 5
ECTS (kennt vor 2021,
jan-febrúar)
 X Námskeið í þróun:
Umfjöllunarefnið er
tónlistarskólinn sem
faglegt námssamfélag, 5
ECTS (kennt vor 2021,
mars-apríl)
Valfög
 X Útsetningar í skóla-
starfi, 5 ECTS (kennt vor
2021)
Námskeið vorannar verða auglýst síðar á þessari önn.
Útskrift LHÍ í Hörpu í júní 2020.