Skólavarðan - 2020, Blaðsíða 46
46 SKÓLAVARÐAN HAUST 2020
RADDIR / Samræmt námsmat
S tofan er ein sú virtasta á landinu og hjá henni starfa um 100 hönnuðir. Viðskiptavinir stof-unnar eru af öllum
þjóðfélagsgerðum og -stigum og biðja
um alls konar hönnun, allt frá hnífa-
pörum og skóreimum til klósettseta og
hringstiga. Beiðnum viðskiptavina er
deilt til starfsmanna eftir sérhæfingu
og áhuga hvers og eins. Aldrei hefur
komið upp sú fyrirspurn sem ekki hefur
verið hægt að leysa enda býr stofan yfir
einstaklega jákvæðu, lausnamiðuðu
og fjölhæfu starfsfólki. Aldrei hefur
viðskiptavinur gengið óánægður út af
stofunni því hönnun telst ekki klár fyrr
en báðir aðilar eru sáttir við hana.
Yfirmaður minn leggur mikla
áherslu á sjálfstæða og skapandi
hugsun og hvetur mig til að hugsa út
fyrir kassann og leita leiða sem ekki
endilega eru augljósar eða fyrirfram
ákveðnar. Á daglegum örfundi
starfsmanna á kaffistofunni tekur hann
ávallt fram að það sé kostur að hafa
kjark og þor til breytinga og umbóta. Ég
fæ allt það frelsi sem mér hugnast og
eru allir vegir færir í listsköpun minni,
hugmyndavinnu og útfærslu svo lengi
sem viðskiptavinurinn er sáttur.
Að sjálfsögðu eru til þeir
viðskiptavinir sem hafa fastmótaðar,
óhagganlegar og fyrirframákveðnar
hugmyndir eða koma með
gamlan hlut og vilja nánast
eftirmynd af honum. Það
eru verkefnin sem ég er
fljót að vinna og ég geri af
illri nauðsyn, ég kýs frekar
að skapa sjálf, ögra sjálfri
mér og viðskiptavininum.
Ég legg mig alla fram um að
tengjast viðkomandi og ræði
mikið við hann og um hann.
Í nær öllum tilfellum er við-
skiptavinurinn jákvæður gagnvart oft
glæfralegri hönnun minni enda finnur
hann tengingu milli hönnunarinnar og
eigin sjálfs.
Nýjar hugmyndir og sveigjanleiki
Við sem vinnum á stofunni erum
ekki öll eins, sem er aldeilis frábært.
Viðskiptavinir hafa misjafnar þarfir og
því er hægt að beina þeim nákvæmlega
þangað sem fyrirsjánlegt er að þeir
verði ánægðastir með útkomuna. Einn
samstarfsfélagi minn hefur sérhæft
Aðsend grein
Ímyndum okkur að ég starfi á
hönnunarstofu
sig í hönnun timburhúsgagna, annar
hannar aðallega hluti úr málmi og sá
þriðji vill helst eingöngu notast við form
náttúrunnar til sinnar sköpunar. Ég hef
lagt mig fram um alhliða hönnun,
ég legg meiri áherslu á viðskipta-
vininn en sérstakan efnivið eða
stíl. Erfiðu viðskiptavinirnir
eru oft sendir til mín, nema
hvað mér finnst þeir ekki
erfiðir. Mér finnst þeir auðga
hugmyndaflæði mitt. Ég fæ
stanslaust nýjar hugmyndir
og finnst nauðsynlegt í mínu
starfi að geta verið sveigjanleg
og ekki föst í fyrirfram ákveðnum
hugmyndum.
Stólar í hinum ýmsu stærðum og
gerðum eru um fimmtungur umbeðinna
hönnunarverkefna stofunnar, sem er
hæsta hlutfall hönnunarbeiðna fyrir
ákveðinn hlut, enda eru stólar notaðir
hvarvetna í þjóðfélaginu. Sex hönnuðir
innan stofunnar hafa sérhæft sig í
og sjá eingöngu um stólahönnun, en
mun fleiri hafa tekið að sér einstök
stólaverkefni og jafnvel unnið til
hönnunarverðlauna fyrir hönnun sína.
Ég hef hins vegar aldrei haft sérlegan
áhuga á stólahönnun og hef því helst
Hjördís
Albertsdóttir
varaformaður
Félags grunn-
skólakennara