Skólavarðan - 2020, Blaðsíða 48
48 SKÓLAVARÐAN HAUST 2020
RADDIR / Samstarf
eTwinning er Evrópuáætlun um
rafrænt skólasamstarf á fyrstu þremur
skólastigunum og er hluti Erasmus+,
menntaáætlunar ESB. Í gegnum
eTwinning er hægt að komast í sam-
band við evrópska kennara, taka þátt í
einföldum samstarfsverkefnum, sækja
frí netnámskeið og sækja um styrki til
að komast á evrópskar vinnustofur, svo
nokkuð sé nefnt.
Í mars síðastliðnum bættust
við níu íslenskir skólar í eTwinning
fjölskylduna. eTwinning skólar á
Íslandi eru því orðnir 11 talsins. Þeir
eru Brekkubæjarskóli, Grunnskóli
Bolungarvíkur, Hamraskóli, Heilsuleik-
skólinn Skógarás, Leikskólinn
Furugrund, Leikskólinn Holt, Norð-
lingaskóli, Selásskóli, Setbergsskóli,
Hrafnagilsskóli og Verzlunarskóli
Íslands.
eTwinning skólar eru fyrirmyndir
og leiðtogar innan eTwinning samfé-
lagsins. Nafnbótin ber fyrst og fremst
merki um öflugt alþjóðasamstarf en
kennarar í þessum skólum eiga það
sameiginlegt að taka virkan þátt í
eTwinning. Skólar sækja um að gerast
eTwinning skólar og þurfa að uppfylla
ákveðin skilyrði til þess að komast í
gegnum umsóknarferlið. Titillinn er
veittur til tveggja ára en eftir þann tíma
geta skólar sótt um að nýju.
Grunnskóli Bolungarvíkur hefur
verið eTwinning skóli samfellt síðan
árið 2016. Þær Elín Þóra Stefánsdóttir
og Halldóra Dagný Sveinbjörnsdóttir
skólastjóri, sögðu okkur frá sinni
reynslu af því að vera eTwinning skóli,
hvernig þeirra ferli hefur verið og hvaða
áhrif það hefur haft á skólastarfið
þeirra.
Skólinn hefur lagt sitt af
mörkum í Evrópusamstarfi og
hefur tekið þátt í Erasmus+
og eTwinning í um 15 ár.
Þau ákváðu að sækja um
að gerast eTwinning skóli
því þátttakan hefur verið
góð meðal kennara og þau
fengið viðurkenningar fyrir
vel unnin verkefni. „Það sem
skipti miklu máli hjá okkur í
ferlinu að gerast eTwinning skóli
var að hafa góðan upplýsingatækni-
kennara sem heldur vel utan öll slík
mál,“ segja þær. „Auk þess byggir þetta
oft á samvinnu milli kennara. Tungu-
málið getur til dæmis verið hindrun
því sumir treysta sér ekki til að skrifa
umsókn eða skýrslu á ensku. Þá kemur
samvinnan inn og við hjálpumst öll að.“
Spurðar um áhrif þess að vera
eTwinning skóli á þeirra skólastarf
nefna þær fyrst og fremst að þau
hafi verið góð, enda sé hægt að líta á
eTwinning sem ákveðna endurmenntun
fyrir starfsfólkið. Það hefur gert það að
verkum að þátttaka kennara hefur smátt
Aðsend grein
eTwinning eykur víðsýni nemenda og
ýtir undir samvinnu kennara
og smátt aukist. „Við erum stolt af því
að vera eTwinning skóli,“ segja þær
glaðar, „við hengjum viðurkenn-
ingarskjölin til dæmis upp frami
á gangi þar sem allir geta
séð. Fólki finnst þetta vera
jákvætt. Þetta gefur einnig
kost á því að maður getur
tekið þátt í fleiri evrópskum
ráðstefnum og vinnustofum,“
bætir Elín við. „Til dæmis
ráðstefnum sem eru bara
ætlaðar eTwinning skólum.“
„Síðan er auðvitað það sem
er mikilvægast í þessu,“ bætir Elín við,
„og það er að þátttaka í eTwinning gerir
börnin víðsýnni. Eldri nemendurnir
hafa til dæmis verið að tala við nemend-
ur á Spáni í rauntíma og sjá að það eru
börn úti í heim að gera sömu hluti og
þau. Með tækninni er þetta orðið svo
þægilegt.“
Nánari upplýsingar um eTwinning
má finna á www.etwinning.is og á
evrópsku vefsíðunni www.etwinning.
net. Einnig er hægt að hægt að leita til
eTwinning sendiherra víða um land,
starfandi kennara með mikla reynslu af
eTwinning.
Sólveig
Sigurðardóttir
verkefnisstjóri
eTwinning hjá
Rannís.
Í mars síðastliðn-
um bættust við níu
íslenskir skólar
í eTwinning fjöl-
skylduna. eTwinning
skólar á Íslandi eru
því orðnir 11 talsins.