Skólavarðan - 2020, Blaðsíða 52
52 SKÓLAVARÐAN HAUST 2020
KENNARINN / Mælistikan
Skólavarðan mælir með
Fáryrði, grikkur og
mikilvægi þess að dansa
Það má gera sér ýmislegt til dundurs þegar vinnudegi í skólanum lýkur. Við höfum tekið
saman ofurlítinn lista af áhugaverðu efni sem getur hugsanlega nýst í starfi en er líka alveg
tilvalið til að stytta sér stundir og gleðjast yfir.
Ken Robinson
TED og YouTube
Börn eiga að fá að dansa á hverjum degi. Það
er jafnmikilvægt og að þau læri stærðfræði.
Ken Robinson er skólafólki afar kunnugur
en þessi virti og vinsæli fræðimaður lést fyrir
skömmu, sjötugur að aldri. Hægt er að mæla
með fyrirlestrum Robinson á TED, einkum
„Do schools kill creativity?“ en sá fyrirlestur
er sá allra vinsælasti í sögu TED. Horft hefur
verið á hann 66 milljón sinnum og auk þess
hafa 20 milljónir horft á sama fyrirlestur á
YouTube.
Social Dilemma
Heimildarmynd á Netflix
Hreint út
sagt sláandi
heimilda-
mynd um
hvernig
samfélags-
miðlarnir
tengja okkur
ekki bara
saman held-
ur stjórna
lífi okkar og
hafa áhrif á
stjórnmál
og fleira í
heiminum.
Í myndinni
koma fram margir háttsettir starfsmenn
samfélagsmiðlafyrirtækjanna og er frásögn
þeirra oft og tíðum hrollvekjandi. Mynd sem
vert er að gefa gaum.
Skoðum heiminn
Leikur og landafræði
Ferðalög eru víst ekki málið þetta árið, eins
og allir vita. Hins vegar getur útþrá gert vart
við sig og löngun til að skoða heiminn. Þá
getur verið snjallt að fara í landafræði-gisk-
leik á vefnum Geoguessr.com. Þátttakandinn
lendir einhvers staðar úti í heimi og þarf
að fikra sig áfram, jafnvel „ferðast“ marga
kílómetra, reyna að átta sig á landslagi og
lesa á skilti til að sjá hvar hann er staddur.
Það getur líka verið gaman að spila leikinn í
hóp þar sem allir vinna saman.
Flimtan og fáryrði
Hlaðvarp um íslenskar bókmenntir
fyrri alda
Þeir Gunnlaugur Bjarnason íslensku-
fræðingur og Ármann Jakobsson, prófessor
í íslenskum fræðum, halda úti hlaðvarp-
inu þar sem gerð er tilraun til að miðla
íslenskum miðaldabókmenntum og nýlegum
rannsóknum á þeim til áheyrenda í léttum
dúr þannig að þeim finnist þeir ekki staddir
í skólastofu heldur í léttu spjalli í kaffiboði.
Markmiðið er að kveikja áhuga á fornum
bókmenntum. Heiti hlaðvarpsins er sótt
til Þórhildar skáldkonu sem var rekin úr
brúðkaupi fyrir flimtan og fáryrði og þeir
félagar reyna að taka hana sér til fyrirmynd-
ar. Þættirnir eru aðgengilegir á Spotify og
Buzzsprout.
Glæpur við fæðingu
Ævisaga, Angústúra
Bókin Glæpur við
fæðingu er eftir
Trevor Noah sem
margir þekkja sem
uppistandara og
þáttastjórnanda The
Daily Show. Noah segir
frá uppvexti sínum í
Suður-Afríku á tímum
aðskilnaðarstefnunnar.
Titill bókarinnar
vísar til þess að Noah
er sonur hvíts Svisslendings og svartrar
Xhosa-konu og tilvist hans er sönnun
þess að foreldrar hans frömdu glæp. Noah
skrifar sögu sína með gamansömum stíl þótt
lesandinn skynji alvöruna sem býr undir.
Mögnuð ævisaga og afskaplega vel þýdd af
Helgu Soffíu Einarsdóttur.
Grikkur
Benedikt bókaútgáfa 2020
Grikkur er önn-
ur bók Domen-
ico Starnone,
eins fremsta
skáldsagnahöf-
undar Ítala. Á
vef útgáfunnar
kemur fram að
bókin fjallar um
myndlistarmann
á áttræðisaldri
sem deilir
íbúð í fáeina
sólarhringa
með fjögurra
ára dóttursyni
sínum á meðan einkadóttir hans og tengda-
sonur fara í ráðstefnuferð. Samspil hans við
dóttursoninn, dótturina og tengdasoninn
er fullt af grátbroslegum uppákomum.
Fortíðardraugar fara á kreik og tilvistar-
kreppa aldraðs listamanns snýst upp í eins
konar einvígi við dóttursoninn, sem reynist
honum ofjarl á flestum sviðum og gerir
honum óvæntan grikk. Grikkur er fljótlesin
skáldsaga og virkilega góð skemmtun sem
skilur mikið eftir sig.
Parísarsögur
Sjónvarpsþættir á RÚV
Skemmtileg frönsk þáttaröð með nokkuð
dökkum húmor þar sem fylgst er með lífi
fimm kvenna sem segja hver sína söguna
í ástarborginni París. Leiðir þeirra liggja
saman á mismunandi tímum og oft með
skoplegum hætti. Þættirnir eru að klárast en
eru aðgengilegir á Sarpinum.