Dagfari - des. 2020, Blaðsíða 18
18
DAGFARI
Árið 1981 lýsti öryggisráð Sameinuðu
þjóðanna yfir stofnun alþjóðlegs friðar-
dags, sem minnast skyldi á ári hverju. Frá
2001 hefur friðardagurinn verið haldinn
þann 21. september, víða með mikilli
viðhöfn þótt annars staðar sé dagurinn
ekki eins þekktur.
Ítalir nýttu 21. september 2020 vel, því þann
dag var tilkynnt um sameiningu tveggja
stærstu friðarhreyfinga landsins í ein stór
samtök. Um var að ræða tvenn regnhlífar-
samtök, Friðarbandalagið, sem stofnað var
árið 2014 og Friðar- og afvopnunarhreyfing-
una, sem starfað hefur frá 2004. Bæði sam-
tökin hafa að geyma fjölda minni friðar-
hreyfinga og –hópa. Nýju friðar- og
afvopnunarsamtökin nefnast á frummálinu
„Rete Italiana Pace e Disarmo“.
Áður hafa leiðir þessara hreyfinga legið
saman í mörgum málum. Þau hafa staðið að
umfangsmiklum mótmælum gegn stríðinu
í Jemen, barist gegn hinum umdeildu F-35
orrustuþotum, hvatt til friðsamlegrar og
sanngjarnrar lausnar á deilum Ísraels og
Palestíumanna, andæft smíði drápsvélmenna
og tekið sameiginlega þátt í starfi ICAN-
samtakanna, svo eitthvað sé nefnt.
Stofnyfirlýsing hinna nýju samtaka skil-
greinir helstu viðfangsefnin og þær ógnir
sem steðji að friði í heiminum um þessar
mundir:
• Vígbúnaðarkapphlaupið hefur aldrei verið
jafn ákaft með fjáraustri til þróunar og
kaupa á hergögnum sem beinir fjármagni
frá samfélagslega mikilvægum verkefnum
og baráttu gegn fátækt.
• Markvisst hefur verið grafið undan
alþjóðalögum á liðnum árum og stórar
alþjóðastofnanir á borð við Sameinuðu
þjóðirnar og Evrópusambandið eru í djúpri
kreppu.
• Uppgangur öfgahreyfinga, þjóðernis-
ofstækis og kynþáttahaturs er vaxandi ógn
við frið og mannréttindi hvarvetna.
• Hnattræn efnahagskreppa, sem fer
dýpkandi vegna heimsfaraldursins er vatn á
myllu átaka – einnig innan Evrópu.
• Ósjálfbærni hins hagvaxtardrifna efna-
hagskerfis er að eyðileggja jörðina og
stuðlar að aukinni misskiptingu.
• Lokun landamæra og skeytingarleysi um
hlutskipti flóttafólks og hælisleitenda
færist í vöxt og grefur undan alþjóðlegri
samstöðu.
Ítalskir friðarsinnar
taka höndum saman
Bandarísk herflugvél truflar Miðjarðarhafssæluna.
Fáni ítalskra friðarsinna.