Vinnan - 01.03.1949, Blaðsíða 9
á kjarabótum fólksins. Kaup verkamanna og verka-
kvenna var því mjög lágt þegar farið var að gera
tilraun til að stöðva dýrtíðina. Dýrtíðarlögin komu
því mjög þungt niður á snauðasta almenningnum,
sem aldrei í öllu þessu peningaflóði hafði borið
meir úr býtum en nauðþurfta laun.
Hér hefur verið stiklað á stóru um það ófremdar-
ástand, sem ríkt hefur í þjóðmálum íslendinga á
undanförnum árum. En afleiðingin af músarholu-
sjónarmiðspólitík Hermanns Jónassonar og hans
nóta, ábyrgðarleysi Ólafs Thors og annara auðjöfra,
samfara skemmdarstarfsemi og sviksemi íslenzkra
kommúnista í verkalýðshreyfingunni er nú komin
fram á þjóðinni.
Samfara aflabresti og margþættri óáran hafa
„syndir feðranna komið fram á niðjunum". En þótt
þannig syrti í álinn um stundarsakir, er ástæðu-
laust fyrir íslenzka alþýðu að vera með nokkuð hug-
arvíl. Á síðasta ári tókst hinum ábyrgu lýðræðis-
öflum í verkalýðshreyfingunni að sameinast um það
að ýta kommúnistum til hliðar og bindast samtök-
um um stjórn A. S. í. Þessi samvinna hefur gefizt
mjög vel. í þessari samvinnu liggur möguleikinn
í framtíðinni fyrir því að hægt verði að breyta um
stefnu og létta af alþýðunni þeim drápsbyrðum,
sem sviksemi og ábyrgðarleysi valdhafanna í A. S. í.
á undanförnum árum hefur leitt yfir þjóðina.
21. þingið markaði skýrt stefnuna í dýrtíðar og
atvinnumálunum. í anda þeirrar stefnu verður að
vinna og færa hana nánara út eftir því, sem hentast
reynist. Nú verður að gera kröfur til þess að horfið
verði af þeirri braut í skattamálum að þrautpína
fátæka alþýðumenn með útsvörum og tekjusköttum
á sama tíma og stærstu verzlunarfyrirtækin í land-
inu eru svo að segja skattfrjáls og ýmsum efnamönn-
um er gert kleyft að koma undan skatti verulegum
hluta af tekjum sínum.
Niðurgreiðslur á landbúnaðarafurðum og verðlag
þeirra verður að miða við það að bændur hafi sam-
bærilega lífsafkomu við annan verkalýð í landinu
og við það að landbúnaðurinn sé rekinn með við-
unandi vinnuaðferðum.
Styrkurinn til bátaútvegsins verður að vera bund-
inn því skilyrði að bátarnir séu ekki látnir standa
straum af neinu öðru en eðlilegum kostnaði við út-
gerðina. Hætta verður um stundarsakir að nota
byggingarefni í aðrar íbúðarbyggingar, en verka-
mannabústaði og samvinnubústaði og sjá verður
byggingarfél. verkamanna fyrir starfsfé. Húsaleigu-
okrið verður að afnema og taka húsaleigumálin
föstum tökum og koma upp húsaleigusjóði til leigu-
jöfnunar. Söluskattinn verður að færa yfir á þá sem
selja vörurnar.
Tryggja verður það, að fatnaðarefni, sem flutt er
inn í landið verði afgreitt til neytendanna ósaumað,
þannig að sú milliliðastétt, sem myndast hefur á
síðari árum og græðir stórfé á því að sauma í hend-
urnar á húsmæðrum verði óþörf, en kvenþjóðinni
fengið efnið í hendurnar ósaumað, svo hægt sé að
drýgja tekjur heimilanna með heima-saumi fata
eins og jafnan hefur verið venja hjá alþýðukonum.
Skömmtunina þarf ekki að rýmka en gæta verður
þes að skömtunarvara sé til fyrir innkaupaheimild-
um og að vörum sé dreift um allt land en ekki látn-
ar ganga aðalega í verzlanir í Reykjavík og á öðr-
um stærri kaupstöðum.
Ef nauðsyn krefur, til þess að halda uppi fjárhag
ríkissjóðs, að viðhalda hinum háu tollum, þá verða
tollar af öllum eðlilegum nauðsynjavörum að afnem-
ast og þess í stað hækka tolla á ónauðsynlegum vör-
um og munaðarvörum til að bæta ríkissjóði upp það
tollatap, sem hann yrði fyrir vegna afnáms tolla á
nauðsynjavörum.
Ýmis önnur ráð má finna til þess að auka kaup-
mátt launanna, þótt þau séu ekki rakin hér.
En verði ekki nú þegctr vikið af þeirri stefnu,
sem ríkt hefur að láta dýrtíðina mæða á láglaun-
uðum verkalýð, verður verkalýðurinn að nota
heimildina frá 21. þinginu og hækka allt grunn-
kaup að minnst kosti hjá öllum lægstlaunuðu stétt-
unum til dæmis verkamönnum, verkakonum og
ófaglærðu iðnaðarfólki. Þetta samfara uppbygg-
ingarastarfi í verkalýðsfélögunum eru viðfangs-
efni dagsins, sem stjórn A. S. í. vill fylkja öllum
verkalýð um.
Úr Blágresi og brenninetlum
Lars August og nágranni hans eru að ræða um
gin- og klaufnaveikina.
Lars August: — „Ja, ég hef nú ekki trú á að gin
og klaufnaveikin sé eins hættuleg og þeir láta í
blöðunum. Eg man eftir mér á yngri árum. Þá var
ég með gin og klaufnaveiki á hverjum einasta sunnu-
dagsmorgni eftir dansinn á laugardagskvöldið."
Prédikarinn Salmén er að prédika og Ies úr Mark-
úsarguðspjalli um Símon og Andrés: „Og þeir yfir-
gáfu strax net sín og fylgdu honum.“
Matts gamli, hneykslaður: — Yfirgáfu þeir netin?
Og það hafa kannski verið ágætis net. Kannski al-
veg ný?
VINNAN
S7