Heimilispósturinn - 16.08.1951, Page 4

Vatnsnesi, og þar ólst ég upp,
þangað til ég fór í skóla.
Hver kenndi yður undir skóla?
Séra Jón Þorláksson á Tjörn.
Hann var ágætur kennari og
latínuhestur mikill. Mér þótti
hann fyrst strangur og kröfu-
harður, t. d. þegar hann lét mig
læra alla latnesku málfræðina
utanbókar, en síðar skildi ég,
að það var mér nauðsynlegt.
Auk þess æfði hann mig í að
tala latínu, og man ég það t. d.,
að hann lét mig telja á latínu
ærnar á Tjörn, þegar þeim var
hleypt inn. Það gekk nú bág-
lega til að byrja með, en lærð-
ist þó að lokum. Ég geri ráð
fyrir að við, sem vorum nýsvein-
ar í Latínuskólanum um alda-
mótin, höfum þurft að kunna
álíka mikið í latínu og það, sem
krafizt er nú til stúdentsprófs.
Gætuð þér enn taliö œrnar á
Tjörn á sama hátt og fyrr?
Já, það gæti ég ábyggilega.
Raunar hef ég nú gleymt mörgu
af því, sem ég lærði í skóla, t. d.
grískunni, en því sem séra Jón
kenndi mér hef ég ekki getað
gleymt. Jú, ég gæti ábyggilega
ennþá talið ærnar á Tjörn og
það væri nógu gaman að eiga
eftir að sannreyna það ein-
hverntíma.
Hlíödal? Hvers vegna nefnduð
þér yður svo?
Á skólaárum mínum vorum
við margir saman Guðmundar,
og sumir Jónassynir. Mér datt
í hug að auðkenna mig með ein-
hverjum hætti og ákvað að
kenna mig við fæðingarbæ
minn, Hlíð í Hlíðdal. Þetta nafn
mitt er, að því er ég bezt veit,
fyrsta íslenzka ættarnafnið, sem
lögfestingu hlaut og er það að
því leyti sögulegt.
Eruð þér fyrsti íslendingurinn,
sem lagt hefur stund á raf-
magnsverkfræði ?
Nei, Halldór Guðmundsson,
bróðir Eyjólfs á Hvoli, faðir
Gísla verkfræðings, mun vera
fyrstur íslendinga til að stunda
nám í þeirri grein, en ég er
næstur í röðinni á eftir hon-
um.
Hvað viljið þér segja mér um
þá breytingu, sem notkun raf-
magns hefur haft á líf íslend-
inga?
Það verður ekki skýrt, svo að
gagni megi koma, nema í löngu
máli, en það er þó augljóst, að
með notkun rafmagnsins er
brotið blað í sögu okkar, því að
á henni grundvallast t. d. allar
þær framfarir, sem orðið hafa
í iðnaðarmálum landsins, eink-
um hér í bænum, þar sem
fimmti hver maður lifir nú á
iðnaði. Hún hefur einnig breytt
öllum lífskjörum okkar til betri
vegar á mjög skömmum tíma,
enda við fslendingar fljótari að
komast upp á lag með að hag-
nýta allar tæknilegar nýjungar
en nokkur önnur þjóð, sem ég
hef haft spurnir af.
Hvað veldur?
Ég held smæðin. I stóru þjóð-
félögunum drukkna menn hver
í öðrum, ef svo mætti segja, en
í fámenninu er fremur horft út
á við, fylgzt betur með því, sem
annars staðar er að gerast.
Undir þetta renna ugglaust
einnig aðrar stoðir og allar
valda þær því, að hvergi hef ég
spurnir af þjóð, sem hefur bætt
2
HEIMILISPÖSTURINK