Vinnan - 01.01.1998, Blaðsíða 2
L e i ð a r i •
■SHBBBHHnBBBHHHBBHi
Um áramót
Nýtt ár er gengið í garð og viðburðaríkt ár að baki á
vinnumarkaðinum. Segja má að tvennt standi upp úr á
árinu sem leið: Kjarasamningar og átök um lífeyris-
sjóðakerfið. Hvort tveggja leystist farsællega.
Kjarasamningar voru undirritaðir í mars fyrir stærst-
an hluta landverkafólks innan ASÍ, en sem kunnugt er
eru kjaramál sjómanna enn í uppnámi. Samningarnir
sem gerðir voru eru margþættir en miðuðu helst að
því að færa taxta nær greiddu kaupi og hækka sér-
staklega lægstu taxta. Taxtar hækkuðu um allt að
23% en yfirborganir og bónusar lækkuðu á móti. Þá
var samið um fyrirtækjaþátt samninga þannig að ein-
stök fyrirtæki og starfsmenn þeirra geta með aðkomu
stéttarfélaga samið um frekari hækkanir.
Niðurstöður kjararannsóknarnefndar sýna að
samningarnir hafa fært launafólki verulega kaupmátt-
araukningu. Forsenda þess er að verðbólga hefur ver-
ið í lágmarki, meðal annars hafa verkalýðshreyfingin
og neytendasamtökin haft uppi virkt eftirlit með verð-
hækkunum.
Tekist var á um grundvöll lífeyriskerfisins frá því
frumvarp um skyldutryggingu lífeyrisréttinda og starf-
semi lífeyrissjóða leit dagsins Ijós sl. vor. Nefnd sem
skipuð var til að yfirfara frumvarpið, og m.a. Alþýðu-
sambandið, Vinnuveitendasambandið og Vinnumála-
sambandið áttu fulltrúa í, lagði mikla vinnu í að skapa
nýtt frumvarp sem sátt gæti náðst um. Skömmu fyrir
jól var síðan samþykkt ný löggjöf, byggð á lítið breyttu
frumvarpi nefndarinnar, sem tryggir þá sátt sem stefnt
var að.
Lífeyrissjóðirnir gegna mikilvægu hlutverki við að
tryggja afkomu og fjárhagslegt sjálfstæði þeirra sem
missa starfsgetu vegna örorku eða aldurs. Þeir eiga
þannig þátt í að tryggja hagsmuni skattgreiðenda í
framtíðinni þar sem þorri aldraðra hefur öruggar tekjur
óháðar sveiflum í efnahag eða afkomu ríkissjóðs. Hin
víðtæka sátt sem náðist um lífeyrissjóðina, meðal
annars vegna samvinnu ASÍ, VSÍ og VMS að málinu,
ætti að tryggja þetta fjölþætta og mikilvæga hlutverk
lífeyrissjóðakerfisins til frambúðar.
Verkefnin sem bíða á nýju ári eru fjölmörg. Kjara-
málunum lýkur aldrei og stöðugt þarf að hafa hugann
við næstu skref. Það er þó Ijóst að kjarasamningar
sem gilda fram yfir aldamót og sátt um lífeyrissjóða-
kerfið ættu að gefa tóm til að sinna innra starfi hreyf-
ingarinnar. Þar eru skipulagsmálin eitt af stærstu verk-
efnunum. Skipulag verkalýðshreyfingarinnar er í
stöðugri mótun og víða eru félög að huga að samein-
ingu eða samvinnu til að geta betur sinnt þörfum fé-
lagsmanna sinna.
Eitt mikilvægasta verkefnið í starfi verkalýðshreyf-
ingarinnar snýr þó að menntamálum. Ljóst er að þekk-
ing og menntun, einkum verk- og tæknimenntun,
munu skipta sífellt meira máli fyrir samfélagið og við-
gang þess. Tækniþróun og breytt skipulag vinnunnar
gera stöðugt ríkari kröfur til fyrirtækja og starfsmanna
þeirra um þekkingu og hæfni til að bregðast við breyt-
ingum og tileinka sér nýjungar. Þess vegna verður
launafólk að eiga möguleika á að bæta stöðugt við sig
menntun og þjálfun.
Undirstaða þess að auka megi framleiðni í íslensk-
um fyrirtækjum er aukin menntun starfsfólksins, -sem
og aukin áhersla á menntamál í þjóðfélaginu sem
heild, eins og fram kom í skýrslu Hagfræðistofnunar
Háskólans um framleiðni í íslensku atvinnulífi, sem
unnin var fyrir Verzlunarmannafélag Reykjavíkur á sl.
ári. Það hlýtur því að vera sameiginlegt markmið
launafólks og atvinnurekenda að stuðlað verði að
auknum möguleikum fólks á vinnumarkaði til mennt-
unar.
Þetta mikilvægi menntamálanna er einmitt það
sem ASÍ hefur bent á, meðal annars í stefnuyfirlýsingu
á síðasta þingi þar sem segir: „Þau samfélög sem
leggja áherslu á uppbyggingu og þróun þekkingar
munu helst geta boðið þegnum sínum áhugaverð
störf, góð kjör og félagslega velferð."
Utgefandi: Alþýðusamband
íslands. Ritnefnd: Ari Skúlason,
Halldór Grönvold, Snorri S.
Konráðsson. Ritstjóri: Brynhildur
Þórarinsdóttir. Ljósm.: RóbertG.
Ágústsson o. fl. Útlit: Sævar
Guðbjörnsson. Prófarkalestur:
Þorfinnur Skúlason. Afgreiðsla:
Grensásvegi 16a, 108 Reykjavík.
Sími: 581 30 44, fax: 568 00 93.
Auglýsingar: Áslaug G. Nielsen
og Guðmundur Jóhannesson,
símar: 533 1850, fax: 533 1855.
Umbrot: Blaðasmiðjan. Filmu-
vinnsla og prentun:
Prentsmiðjan Oddi
Dagsbrun og Framsokn sameinast
Gömlu Reykjavíkurfélögin Dagsbrún
og Framsókn voru formlega sameinuð
á fjölmennum fundi í Súlnasal Hótel
Sögu þann 6. desember sl. Tillaga um
sameiningu var samþykkt einróma á
fundinum, sem og lög nýja félagsins
sem enn hefur ekki hlotið nafn.
Stjórnir gömlu félaganna munu halda
saman um stjórnartaumana þar til
kosin verður ný stjórn í lok apríl nk.
Framsókn og Dagsbrún buðu félagsmönn-
um sínum upp á glæsilega hátíðardag-
skrá í tilefni sameiningarinnar. Léttsveit
Kvennakórs Reykjavíkur hóf skemmtunina,
Bergþóra Ingólfsdóttir frá MFA sá um að
koma sögu félaganna tveggja til skila með
aðstoð leikara og Diddú söng fólk saman í
lokin.
Formenn Dagsbrúnar og Framsóknar
ávörpuðu fundinn og litu björtum augum til
framtíðar nýs sameinaðs stéttarfélags. -Við
erum sterkari saman en í tveimur félögum,
sagði Ragna Bergmann, formaður Fram-
sóknar. Halldór Bjömsson, formaður Dags-
brúnar, minntist á að 80-90% þeirra sem
greiddu atkvæði um sameininguna hefðu
stutt hana. -Það er ekki hægt að efast um
vlija félaganna, sagði hann. -Nýtt og öflugt
stéttarfélag er reiðubúið að takast á við verk-
efni nýrrar aldar.
Verkamannafélagið Dagsbrún og Verkakvennafélagið Framsókn eru orðin að einu stóru og öfl-
ugu stéttarfélagi. Formenn félaganna, Halldór Björnsson, formaður Dagsbrúnar, og Ragna
Bergmann.formaður Framsóknar, handsala sameininguna að loknum vei heppnuðum samein-
ingarfundi.
Hjónin Gunnar Sveinsson og Asa Sœmundsdóttir mœttu
prúðbúin til aðfagna þessum merku tímamótum. Gunnar
var árum saman í Dagsbrún áður en hannfór á eftirlaun.
Hann vann lengi í Áburðan’erksmiðjunni en síðan í um 20 ár
hjá Landsvirkjun, -sem útilegumaður, segir hann. Gunnar
segir að sér lítist mjög vel á að sameinafélögin, það hefði
jafnvel mátt eiga sér staðfyrr, -en betra seint en aldrei. -
Þetta hefur verið góðurfundur og til fyrirmyndar.
Mœðgurnar Elísabet Jónsdóttir (t.v.) og Ingibjörg Guð-
mundsdóttir. Milli þeirra situr Elísabet María, 9 ára dóttir
Ingibjargar. Elísabet eldri skúrar í Garðsapóteki en Ingi-
björg í Réttarholtsskóla. Elísabet yngri segist stundum að-
stoða mömmu sína við skúringarnar. Það má því segja að
Framsókn eigi þrjár kynslóðir þarna við borðið. Mœðgurnar
segja að þeim lítist vel á nýttfélag og vona að það skili
miklu. Starfið í Framsókn hafi verið gott og samstarfið verði
vonandi gott. Hvað sameiningarfundinn varðar segja þœr að
þeim finnist dagskráin flott og saga félaganna sérstaklega
skemmtileg.
Björk Jónsdóttir rœstir í
Domus Medica og hefur
verið í Framsóknfrá 1959.
Hún efast ekki um að sam-
einingin eigi eftir að skila
miklu en viðurkennir þó að
smá eftirsjá sé eftir gamla
félaginu eftir öll þessi ár.
Hún vann enda á skrifstofu
Framsóknar í tíu ár og var
lengi í stjórnfélagsins.
Björk segist ánœgð með
sameiningaifundinn og að
undirbúningsnefnd hans
eigi heiður skilinn.
Með Björk á myndinni er
Aðalheiður Björk sem er
fjögurra ára.
Dagsbrúnarhjónin Ármann Rögnvaldsson og Elísabet Unnur Jónsdóttir mœttu
með börnin þrjú áfundinn. Jón Ævar er sofandi ífangi pabba síns en Ásdís
Ósk og Steinunn Birna sitja ífangi mömmu sinnar.
Arrnann vinnur hjá Eimskip Sundafrosti en Elísabet er heima með börnin eftir
að hafa staifað hjá Sorphreinsun Reykjavíkur. -Það gengur ekkert allt of vel að
framfleita fjölskyldwmi á einföldum Dagsbrúnarlaunum en það gengur, segja
þau. -Það versta er að um leið og launin hœkka aðeins hcekkar allt verð líka. Þau
nefna þvífyrst ogfremst launin og ráðstöfunartekjurnar þegar þau eru spurð
um helstu verkefni nýjafélagsins. Annars líst þeim ágœtlega á sameininguna
og eru viss um að staifið verði öflugra í einufélagi.
Af vettvangi
Hlíf hvetun til sameiningar
Afundi í Verkamannafélag-
inu Hlíf í Hafnarfirði þann
20. nóvember sl. var samþykkt
að kanna hug félagsmanna til
sameiningar Hlífar og Verka-
kvennafélagsins Framtíðarinn-
ar. Jafnframt var skorað á
ráðamenn í Hafnarfirði, Garða-
bæ og Bessastaðahreppi að
sameinast í eitt bæjarfélag.
Sameining á Suðurnesjum
Verkalýðs- og sjómannafé-
lag Gerðahrepps hefur ver-
ið sameinað Verkalýðs- og sjó-
mannafélagi Keflavíkur og ná-
grennis. Sameiningin var sam-
þykkt á aðalfundi Keflavíkurfé-
lagsins í haust en í allsherjarat-
kvæðagreiðslu meðal félags-
manna í Garði skömmu fyrir jól.
TR veitti engin
aðbúnaðarverðlaun
Enginn vinnustaður var að
þessu sinni talinn verður
þess að hljóta aðbúnaðarverð-
laun Trésmiðafélags Reykja-
víkur.
Trésmiðafélagið hefur frá ár-
inu 1985 veitt viðurkenningu
fyrir góðan aðbúnað á vinnu-
stað félagsmanna. Viðurkenn-
ingin hefur verið veitt þeim
vinnustað sem aðbúnaðar-
nefnd félagsins telur skara fram
úr og vera til fyrirmyndar í
þessum málum. Viðurkenning-
in hefur fallið í góðan jarðveg
og verið atvinnurekendum
hvatning til bætts aðbúnaðar
og starfsmönnum til góðrar um-
gengni.
í fréttatilkynningu frá TR
segir að þrátt fyrir að aðbúnað-
ur sé í dag almennt betri en fyr-
ir áratug, hafi niðurstaða að-
búnaðarnefndar félagsins orðið
sú að enginn staður sem hún
skoðaði hafi þótt skara svo
fram úr að hann verðskuldaði
viðurkenninguna.
Ný deild í
Verkamannasambandinu
Deild starfsfólks í þjónustustörf-
um hefur verið stofnuð innan
Verkamannasambands ís-
lands. Verkamannasambandið
skiptist því í fjórar deildir fram-
vegis; deild starfsfólks við
byggingar og mannvirkjagerð,
deild fiskvinnslufólks, deild
starfsfólks hjá ríki og sveitarfé-
lögum og hina nýju þjónustu-
deild. Formaður hinnar nýju
deildar er Ragna Larsen, Sel-
fossi.
2
Vinnan