Vinnan - 01.02.1998, Blaðsíða 3

Á f jölmörgum vinnustöðum reynir á nýjar
vinnutíma- og hvíldartímareglur sem samið
var um á síðasta ári. Þetta á ekki síst við
um starfsemi Flugleiða á Kef lavíkurflug-
velli. Fulltrúar starfsmanna og stjórnendur
fyrirtækisins hafa að undanförnu verið að
fara yfir framkvæmd samninganna og þau
álitamái sem upp hafa komið. Nokkrir full-
trúar starfsmanna, flestir trúnaðarmenn,
komu saman á skrifstofu ASÍ fyrir
skemmstu til að afla sér upplýsinga og
fræðslu um samningana og undirbúa sam-
eiginlegan kynningarfund starfsmanna og
stjórnenda Flugleiða um málið
Starfsmenn flugvallarins vinna nú saman eins og
í einu stéttarfélagi, því síðastliðið haust gerðu
Verkalýðs- og sjómannafélag Keflavíkur og ná-
grennis, Verkalýðs- og sjómannafélag Sandgerð-
is, Verkalýðs- og sjómannafélag Gerðahrepps og
Verkalýðsfélag Grindavíkur með sér samstarfs-
samning um sameiginlegt félagssvæði á Kefla-
víkurflugvelli. Þar eru nú þrjú félög með nána
samvinnu eftir að Vlf. í Garði var sameinað Vlf.
Keflavíkur og nágrennis. Um er að ræða allt
flugvallarsvæðið, jafnt Flugstöð Leifs Eiríksson-
ar sem og varnarsvæðið.
-Það hafa engir hnökrar verið á samvinnunni,
segir Baldur G. Matthíasson, formaður VI. og
sjómannafélagsins í Sandgerði, -og jafnvel meiri
samvinna framundan. -Fólk hugsar á sama hátt,
hvar í félagi sem það er, bætir Bjami Pétursson
við. -Fólk vill vinna sem ein heild. Áður voru
hópamir hver í sínu félagi og þeir spiluðu á það
atvinnurekendumir.
Vigdís Sigurjónsdóttir er trúnaðarmaður í
Flugeldhúsinu þar sem starfa um 50 manns, en
starfsmannafjöldinn fer langt yfir 100 á sumrin.
-Þá er þetta líklega stærsta eldhús landsins, segir
hún. Vigdís segir fólk leita til sín ef þörf sé á og
yfirleitt gangi þá ágætlega að leysa úr málunum.
Hún segist hafa farið á eitt trúnaðarmannanám-
skeið fyrir fáeinum árum og hafa haft mjög gott
af því. Vigdís hefur árum saman tekið þátt í
samningum við fyrirtækið og líst því ágætlega á
að setjast niður vegna vinnutímans.
-Þetta snýr aðallega að frítökuréttinum, ítrekar
Baldur, -og það er mikið í húfi. Við sjáum sókn-
arfæri í þessu.
Árangurinn veltur þó á samstarfsviljanum er
viðurkennt. -Hvað hann varðar, er þó allt á góðri
leið, segir Sigurbjörg Eiríksdóttir sem er trúnað-
armaður í veitingadeildinni. -Andinn er ágætur á
vinnustaðnum núna enda er léttara yfir fólki ef
vinnuveitandinn sýnir mannlega kurteisi, nálgast
fólkið og skoðanir þess. -Það hefur oft tekið
furðulangan tíma fyrir yfirmenn fyrirtækisins að
komast úr Reykjavík í Flugstöðina, bætir einhver
við.
Reglur um
vinnutíma og
lágmarkshvíld
Á fyrri hluta árs 1997 tóku gildi
hér á landi samningar um vinnu-
tíma og hvíldartíma á milli heild-
arsamtaka launafólks og atvinnu-
rekenda. Samningamir em byggð-
ir á tilskipun Evrópusambandsins
nr. 93/104 frá 23. nóvember 1993,
en hún er hluti af samningnum um
Evrópska efnahagssvæðið. Mark-
mið tilskipunarinnar er að setja
lágmarkskröfur til að stuðla að
umbótum, einkum varðandi
vinnuumhverfi, til að tryggja ör-
yggi og heilsuvemd launafólks.
Þá var í kjarasamningunum sl.
vor gengið frá frekari útfærsla
ákvæðanna um lágmarkshvíld,
vikulegan frídag og hvfldarhlé.
Lögfesting 11 stunda iivíldar
Lágmarkshvíld starfsfólks var
lengd úr 10 klukkustundum í 11
með breytingum á lögum um að-
búnað, hollustuhætti og öryggi á
vinnustöðum, nr. 46/1980 (vinnu-
vemdarlögunum) sem tóku gildi
1. október sl. Þar með er 11 tíma
hvfldin orðin að lögum fyrir allt
launafólk, ef frá er talin vinna sjó-
manna á haft úti og flugliða. Með
þessari breytingu nær 11 klst. lág-
markshvfldin til mun stærri hóps
en vinnutímasamningurinn sem
gerður var af ASÍ og viðsemjend-
um þess, til staðfestingar vinnu-
tímatilskipun ESB.
Upplýsingarit á leiðinni
Allt frá því að samningurinn var
gerður, hefur mikið verið spurt um
ýmis álitamál vegna framkvæmd-
ar hans, einkum hvað varðar á-
kvæðin um lágmarkshvfld og há-
marksvinnutíma. Þorri fyrirtækja
og starfsmanna þeirra virðist því
taka samninginn af fullri alvöru
og hefur verið að laga sig að þeim
breytingum sem af honum leiða.
Nú er unnið að sérstöku upp-
lýsingariti um samninginn og
túlkun hans sem koma mun út á
næstunni.
Lágmarkshvld og
Meginreglan er 11 stunda samfelld hvíld á sólar-
hring. Almennt er óheimilt aö vinna umfram 13
stundir á sólarhring og aldrei má skipuleggja vinnu
lengur. Veröi því viðkomið skal hvildin veitt á bilinu
frákl. 23:00 til 06:00.
Kjarasamningar banna beinlínis aö unnið sé um-
fram 13 stundir á sólarhring nema í undantekningar-
tilfellum viö sérstakar aöstæður. í slíkum tilvikum má
vinnulotan þó aldrei veröa lengri en 16 stundir.
Sé nauðsynlegt aö lengja vinnulotu í allt aö 16
stundir er meginreglan sú að veita skal starfsmanni
11 klst. samfellda hvíld strax í beinu framhaldi af
vinnulotu. Starfsmaður heldur rétti sínum til fastra
daglauna þótt hvíldin sé veitt í reglulegum vinnu-
tíma. Með hugtakinu daglaun er átt við föst dag-
vinnulaun auk vaktaálags.
Starfsmaður á ekki að mæta til vinnu að nýju fyrr
en 11 stunda hvíld er náð nema hann sé sérstak-
lega beðinn um að koma fyrr.
Dæmi: Venjubundinn vinnutími hefst kl. 8:00.
Starfsmaður vinnur til kl. 23:00 á mánudegi. Að því
loknu á hann að fá 11 stunda samfellda hvíld. Hann
mætir aftur til vinnu kl. 10:00 á þriðjudegi og heldur
óskertum daglaunum.
Frestun hvíldar, Irítökuréttur
Séu starfsmenn sérstaklega beðnir um að mæta til
vinnu áður en fullum hvlldartíma er náð skapast frí-
tökuréttur, 1 og 1/2 klst. í dagvinnu fyrir hverja klst.
sem hvíldin skerðist. Ekki er heimilt að stytta hvíldina
hámarksvinnutími
meira en niður í 8 stundir eða um 3 stundir þannig
að uppsafnaður frítökuréttur verður að hámarki 4 og
1/2 klst. (3x 1og 1/2).
Vinni starfsmaður það lengi á undan frídegi eða
helgi að ekki náist 11 stunda hvíld miðað við venju-
bundið upphaf dagvinnu, öðlast hann frítökurétt með
sama hætti og aðra daga. það er að segja óskert 11
stunda hvíld skal einnig veitt á undan frídögum.
Heimilt er að greiða út álagið vegna frestaðrar
hvíldar, 1/2 klst. fyrir hverja frestaða hvíldarstund.
Skal það greitt með dagvinnukaupi. Ekki er heimilt
að greiða frestuðu hvíldina út, aðeins álagið.
Uppsafnaður frítökuréttur skal koma fram á laun-
seðli og veittur í heilum eða hálfum dögum utan
annatíma í samráði við starfsmenn.
Vikulegur frídagur
Meginreglan er einn frídagur í viku sem á að tengj-
ast beint daglegum hvfldartíma. Starfsmaður á því
að fá að minnsta kosti 35 stunda samfellda hvíld á
viku.
Að svo miklu leyti sem því verður við komið skal
hvíldin vera á sunnudegi.
Hægt er að fresta vikulegum frídegi í undantekn-
ingartilfellum við sérstakar aðstæður eða ef um það
hefur verið gerður kjarasamningur. Skal þá veitt
samsvarandi frí innan 14 daga, þ.e. tveir frídagar í
vikunni á eftir.
DAGSBRÚN OG FRAMSÓKN
STÉTTARFÉLAG
verkamannalélagio Dagsbrún og verkakvennaféiaglD Framsökn
verða
Dagsörún © Framsókn
-stéttarfélag
Frá og með 1. janúar 1998 hættu félögin Verkamannafélagið Dagsbrún
og Verkakvennafélagið Framsókn starfsemi sinni.
Nýtt sameiginlegt stéttarfélag sem ber heitið Dagsbrún og Framsókn - stéttarfélag
tók til starfa frá sama tíma.
Heimilisfang nýja stéttarfélagsins er:
Dagsbrún og Framsókn - stéttarfélag
Skipholti 50d
105 Reyjavík
Aðalsímanúmer: 56111 00
Faxnúmer: 561 68 68
Frá sama tíma lokaði skrifstofa Verkakvennafélagsins Framsóknar að Skipholti 50a.
Hið nýja stéttarfélag tók við öllum skyldum og réttindum Dagsbrúnar og Framsóknar.
Við viljum nota þetta tækifæri til að þakka öllum samskiptaaðilum gott samstarf
við Verkamannafélagið Dagsbrún og Verkakvennafélagið Framsókn og setja fram
þá ósk um leið að samskiptin við nýja stéttarfélagið verði farsælt.
Dagsbrún og Framsókn - stéttarfélag
Vinnan
3