Fjarðarfréttir - 01.03.1985, Blaðsíða 12
12
FJARÐARFRÉTTIR
Skóladagheimilið:
Húsnædið hentar starfseminni vel
Skóladagheimilið að Kirkjuvegi
hefur nú starfað í 4 ár.
Við litum þar við einn daginn og
fengum að skoða heimilið í fylgd
Hugrúnar Jóhannsdóttur, for-
stöðukonu. Við spurðum Hugrúnu
hvernig dagurinn gengi fyrir sig á
heimilinu.
„Við opnum hér korter fyrir átta
þannig að hægt er að koma með
börnin áður en foreldrar fara til
vinnu. Hér geta þau síðan fengið
morgunmat. Börnin eru á skóla-
aldri, flest á aldrinum 6 til 10 ára.
Þau fara á mismunandi tíma og við
útbúum fyrir þau nesti í skólann.
Þau geta síðan fengið hádegismat
og einnig fá þau að drekka seinni
hluta dagsins. Börnin eru svo sótt
kl. 5. Alls eru hér núna 25 börn.
Mörg þeirra læra hér fyrir næsta
dag og fá aðstoð til þess og erum við
í sambandi við kennara barnanna
varðandi heimanámið. Stöðugildin
eru 3/i. Þessa stundina vinna hér
fóstrunemar um tíma og er það
liður í námi þeirra.
Mér finnst húsnæðið að mörgu
Ieyti henta vel til þessarar starfsemi.
Hér eru margar vistarverur og hægt
að vinna að mismunandi verk-
efnum sem henta hverjum og einum
án þess að hver trufli annan. Nauð-
synlega þarf þó að bæta hljóðein-
angrun i kjallara því að hávaði berst
um húsið, sérstaklega ef verið er að
smíða, sem alltaf er mjög vinsælt.
Húsið er á tveimur hæðum og siðan
er kjallari, þannig að rými er gott.
Lóðina þarf að lagfæra og ég vona
að leiktæki fáist þangað sem allra
fyrst“
Þaö var í mörg horn að líta hjá
Hugrúnu og starfsfólkinu. Það var
greinilegt að börnin undu sér hið
besta við nám og þroskandi leiki
enda er heimilið allt mjög vistlegt
og allt gert til þess að það líkist sem
mest venjulegu heimili.
Um leið og við þökkuðum góðar
móttökur og þar með veitingar sem
m.a. voru sérstaklega góð kæfa,
gerð á staðnum, þá festir Ijósmynd-
arinn nokkur augnablik á filmuna.