Lindin - 01.04.2011, Blaðsíða 6

Nýbyggingin
Eins og flestum Skógarmönnum er kunnugt
standa nú yfir framkvæmdir við byggingu nýs
svefn- og þjónustuskála í Vatnaskógi. Húsið
sem verður 541 m2 timburhús mun tengjast
Birkiskála og mun leysa þá gistiaðstöðu sem
er í Gamla skála af hólmi. Allir dvalargestir
Vatnaskógar munu því njóta sambærilegrar
gistiaðstöðu í einu húsi. Auk þess verður
myndarleg stofa í húsinu og tvær setustofur.
Árið 2008 var grunnur hússins reistur og
gólfplatan steypt. í byrjun mars 2009 hófu
smiðir vinnu við að reisa húsið. Gekk verkið vel
og voru risgjöld haldin þann 9. maí. í byrjun júní
var húsinu lokað og unnið við að einangra það
um sumarið. í júlí var vinnulýsing sett upp og
gólfiðflotað. Húsiðvarsíðannotaðsemkaffihús
á Sæludögum um verslunarmannahelgina við
miklar vinsældir. Um haustið var hita komið
á húsið, frárennslislagnir lagðar og snemma
árs 2010 var lokið við fullnaðarfrágang
utandyra. Framundan er frágangur á lóð og
innréttingum. Framgangur þessara verka
mun ráðast af fjármögnun. Skógarmenn eru
bjartsýnir á góðan stuðning og Ijóst er að hver
króna hjálpar.
Skógarmenn - Áfram að markinu.