Lindin - 01.04.2011, Blaðsíða 15

Lohaorðin «...
Kæru Skógarmenn!
Fyrir nokkrum árum
fékk einn Skógarmaður
þá hugmynd að
kapellan yrði flottari
með eirþaki. Hann fór
að kanna kostnaðinn, fékk fleiri í lið með
sér og byrjaði að safna fé. Þegar sjóðurinn
var orðinn nægilega stór, skipulagði hann
verkið og hófst handa. Nú er því lokið.
í fyrra vor komu í Vatnaskóg menn
sem tengjast Friðrikskapellu. Þegar
framkvæmdastjórinn var að sýna þeim
stofuna milli Birkiskála 1 og 2, nefndi
hann að ekki væri hægt að taka herbergið
í notkun þar sem ekki væri til peningur fyrir
dúk á gólfið. Einn úr hópnum reiddi þá fram
það fé sem þurfti til. Dúkurinn var kominn
á nokkrum dögum seinna og stofan hefur
verið í notkun síðan.
Áætlaður kostnaður við að Ijúka Birkiskála
2 er 45-50 milljónir. Tveir félagar fengu þá
hugmynd að biðja 75 fyrirtæki að gefa 100-
600 þús kr. á ári í 3 ár og safna þannig 45
milljónum. Þeir fengu aðra Skógarmenn
í lið með sér og nú þegar hafa verið gefin
loforð fyrir meira en 6 milljónum, þar af eru
4 milljónir í hendi.
Tveir eldri Skógarmenn áttu stórafmæli og
gáfu að því tilefni 1,2 milljónir til byggingar
Birkiskála 2. Við höfum þegar í hendi yfir 5
milljónir til framkvæmda í Birkiskála. Fyrir
þær verður framkvæmt í vor.
Kæru Skógarmenn - þakka ykkur fyrir að
vera bakhjarlar Vatnakógar!
Ólafur Sverrisson
Formaður stjórnar Skógarmanna KFUM
Ólafur Sverrisson
m
15