Börn og menning - 01.09.2007, Side 19

Silfurstjarna
17
Engillinn sæmdur Silfurstjörnu
Á bókamessunni sem haldin var í Gautaborg í lok september sl. afhentu sænsku IBBY-samtökin Peter Pan-verðlaunin
sem veitt eru árlega fyrir framúrskarandi þýdda barna- eða unglingabók. Pétur Pan-verðlaunin voru stofnuð árið
2000 af sænsku IBBY-samtökunum og Bok & Bibliotek. Að þessu sinni var það Fai'za Guéne franskur rithöfundur
og kvikmyndagerðarkona af alsírskum ættum sem hlaut verðlaunin fyrir bókina Kiffe Kiffe i morgon. Sænsku IBBY-
samtökin veittu að auki tvær Silfurstjörnur fyrir þýddar barnabækur á bókamessunni. Bók Kristínar Steinsdóttur og
Höllu Sólveigar Þorgeirsdóttur Engill í Vesturbænum sem á sænsku heitir Ángeln i trapphuset hlaut aðra Silfurstjörnuna
en hina hlaut hollensk bók sem á sænsku heitir Pikkuhenki - beráttelsen om en mycket liten háxa og er eftir Toon
Tellegen og myndskreytt af Marit Törnqvist.
Engill I Vesturbænum kom út í Svíþjóð, Danmörku, Grænlandi, Færeyjum og Litháen á síðastliðnu ári. Heiðurinn af
sænsku þýðingunni á John Swedenmark blaðamaður og rithöfundur sem fæddist árið 1960 í Sundsvall. Hann lagði
stund á nám í Uppsölum, m.a. íslenskupám hjá Þorleifi Haukssyni, sendikennara. Fyrsta bókin sem John þýddi úr
íslensku var Djöflaeyjan eftir Einar Kárason en síðan hefur hann þýtt meira en 20 bækur og mörg hundruð Ijóð.
Þetta er langt frá því að vera í fyrsta skipti sem Englll I Vesturbænum er verðlaunuð því hún hefur hlotið verðlaun
Fræðsluráðs Reykjavíkur, Norrænu barnabókaverðlaunin, Vorvinda IBBY, Vestnorrænu barnabókaverðlaunin og
Dimmalimm myndskreytiverðlaunin.
Kristin Steinsdóttir og John Swedenmark taka á móti Silfurstjörnunni á bókamessunni i Gautaborg.