Félagstíðindi Starfsmannafélags ríkisstofnana - 15.07.1991, Blaðsíða 1
FELAGSTIÐINDI
Starfsmarmafélags ríkisstofnana - X. tbl.
-------f-
34, árg. - júlí 1991
-------------------
Leiðari
Frá því seinasta blaö kom út er
orðið nokkuð langt um liðið vegna
annríkis á skrifstofu félagsins þar
sem mikill tími fór í að kynna kröfu-
gerð félagsins á vinnustöðum og
jafnframt var BSRB-þing í endaðan
maí.
Greinilegt er að svokallaðir þjóð-
arsáttarsamningar munu ekki halda
út allt samningstímabilið og ýmsar hækkanir hafa
orðið nú á seinustu vikum. Nefna má breytingar á
reglugerð heilbrigðisráðuneytisins um lyfjagreiðslur
en þar er gert ráð fyrir að hætta að greiða niður ýmis
lyf sem almenningur þarf að nota. Sjálfsagt er að
halda uppi öflugu upplýsingastreymi til almennings
varðandi lyf og lyfjanotkun en eftir sem áður hlýtur á-
byrgðin að vera í höndum sérfræðinganna sem
skammta lyfin.
Eitt af fyrstu verkum þessarar ríkisstjórnar var að
hækka vexti á húsnæðislánum afturvirkt þannig að
nú verður enn erfiðara fyrir fólk en áður að standa
við greiðslubyrði sína vegna þeirra. Jafnframt hleypti
ríkisstjórnin vaxtahækkanaskriðu af stað en eitt af
meginatriðunum í forsendum þjóðarsáttarsamnings-
ins var að vextir skyldu lækka. Margs konar opinber
þjónusta hefur einnig hækkað, þannig hækkuðu
dagvistargjöld nýverið um 10%, rafmagn frá Raf-
mangsveitu Reykjavíkur hækkaði um 5% um mán-
aðamótin og þannig mætti lengi telja.
Nú er áætlað að verðbólga miðað við heilt ár sé
um 18%. Því liggur það Ijóst fyrir
að launafólk hlýtur að ætla að
sækja þessar skerðingar í haust
með því að auka kaupmátt. Nú
ríður á að launafólk standi saman
þegar samningar renna út.
Eitt af því sem er orðið árviss
atburður á hverju sumri er lokanir
á sjúkrahúsum þrátt fyrir að út-
reikningar hafi sýnt að af slíku sé
enginn sparnaður heldur ómæld
óþægindi fyrir sjúklinga og að-
standendur þeirra. Lokanirnar sýna einnig réttinda-
leysi fólks gagnvart ríkisvaldinu. Verkalýðshreyfingin
hlýtur að mótmæla slíkum aðgerðum sem koma
harðast niður á sjúkum og öldruðum og eru ógnun
við velferðarkerfið.
Eitt af þeim málum sem hæst ber í sumar eru
samningar ríkisstjórnarinnar við EB um svokallað
Evrópskt efnahagssvæði. Fulltrúar íslendinga guma
mjög af framgöngu sinni í þessum samningum en
samt er Ijóst að þeir hafa í för með sér stórkostlega
skerðingu á sjálfstæði þjóðarinnar ef þeir ganga
fram eins og nú horfir. Dómsvald flytst t.d. að miklum
hluta úr landinu, erlendum auðfélögum opnast enn
greiðari leiðirtil áhrifa í efnahagslífi landsmanna og
erlendum fiskiskipum er opnuð leið inn í íslenska
landhelgi nú 15 árum eftir að síðasta þorskastríði
lauk svo nokkuð sé nefnt. Almenningur í landinu
verður að vera vakandi og vel á verði til þess að við
getum skilað landinu og þjóðarauðnum til barna okk-
ar í framtíðinni.
Kröfugerð Samþykktir
SFR BSRB
Skýrsla Um laga-
stjórnar breyingar