Félagstíðindi Starfsmannafélags ríkisstofnana - 29.07.1991, Page 1
FELAGSTIÐINDI
Starfsmannafélags ríkisstofnana - 6. tbl. - 33. árg. - júlí 1991
Leiðari
Þetta blað er nær ein-
göngu helgað reglugerðum
um slys og slysabætur.
Fram hafa komið óskir um
að gefa fólki kost á að kynna
sér þessar reglur og er það
hér með gert. Reglugerðirn-
ar segja til um réttindi opin-
berra starfsmanna vegna
slysa, bæði í vinnu og utan vinnutíma.
Við viljum benda fólki á að kynna sér rétt-
indi sín vel og ganga úr skugga um að
það sé tryggt.
Þessar tryggingar ná eingöngu yfir það
ef fólk verður fyrir varanlegu heilsutjóni,
örorku, eða deyr. Þannig að ef fólk verð-
ur fyrir slysi og nær sér að fullu á þeim
tíma, sem veikindaréttur þess nær yfir,
fær það ekki bætur samkvæmt þessum
reglugerðum. Það er ástæða til að benda
sérstaklega á 4. lið 3. greinar þar sem
tekið er fram að: „Slysatrygging skv. regl-
um þessum tekur þó ekki til starfsmanna
... ef viðkomandi stofnun kaupir tryggingu
vegna þeirra og tryggingin bætir dauða
eða varanlega örorku.” Einnig má benda
á að tryggingin nær ekki til keppnisíþrótta
eða áhættusamra íþróttagreina, heldur
ekki ef slys orsakast af einhvers konar
fötlun, eins og sjóndepru, heyrnardeyfu,
flogaveiki o.þ.h. Trygging-
in bætir heldur ekki áverka
af völdum náttúruhamfara
eða geislunar nema við-
komandi hljóti skaða
vegna slíkra aðstæðna í
starfi sínu.
Þrátt fyrir þessar tak-
markanir á bótaskyldu,
sem eru að vísu allnokkr-
ar, eru þessar reglugerðir
öryggisatriði fyrir opinbera
starfsmenn. Talsvert hefur
borið á því undanfarið að fólk sé ráðið á
einhvers konar verktakakjörum og því
boðin hærri laun en það fengi skv. samn-
ingum verkalýðsfélaga. Það gleymist
hins vegar oft, þegar slíkir samningar eru
gerðir, að ekki er greitt í lífeyrissjóð og að
viðkomandi eru ekki tryggðir. Ef þeir
verða fyrir slysi standa þeir uppi alger-
lega réttlausir.
Mér er kunnugt um sjómann sem
réðsig í byggingarvinnu um stundarsakir
með slíkum kjörum og hélt að hann væri
tryggður eins og sjómenn eru vanir að sé
gert um leið og þeir eru lögskráðir á bát-
ana. Þessi maður lenti í slæmu vinnuslysi
og fékk þá að vita að hann hefði engan
veikindarétt og fengi engar bætur fyrir
skaða sinn. Það er því ástæða til að
brýna enn fyrir fólki að hyggja vel að rétt-
indum sínum og tryggingum.
S.K.
Alyktun um lyfjakostnað
ASÍ og BSRB mótmæla
reglugerð um greiðslu almanna-
trygginga á lyfjakostnaði.
Sýnilegt er að þessi hækkun á
lyfjakostnaði á hvern einstakling
skerðir kaupmátt launa umfram
forsendur kjarasamninga. Þessi
hækkun er utan þess víðtæka sam-
komulags um kjaramál sem unnið
hefur verið eftir síðastliðið eitt og
hálft ár enda er hækkunin ekki í
samræmi við þau samskipti sem
hafa verið á milli ríkisstjórnar og
launþega að undanförnu og tekin
án samráðs við launþegasamtök-
in. Hin auknu útgjöld koma þungt
niður á ákveðnum hópurn sjúk-
linga.
Ekki er öruggt að heildar-
lyfjakostnaður lækki við þessar
aðgerðir og þá enn síður hve mik-
ið.
I stað þess að auka hluta sjúk-
linga um helming í lyfjakostnaði
væri nær að stuðla frekar að minni
dreifingarkostnaði, bæði í heild-
sölu og smásölu,
ásamt hvatningu til lækna og al-
mennings um hagkvæmni í lyfja-
kaupum.
ASÍ og BSRB vilja styðja að-
gerðir sem vinna gegn ofnotkun
lyfja og stuðla að minni lyfja-
k.ostnaði en finnst að með þeim
aðgerðum sem hér hafa verið
ákveðnar sé verið að snúa við
hlutunum, þ.e. kostnaðarminnkun
ríkissjóðs er færð á almenning í
stað hagræðingar í rekstri.
ASÍ og BSRB munu fara fram
á viðræður við heilbrigðis- og
tryggingaráðuneytið um afnám og
breytingar á hinni nýju reglugerð.
Heilbrigðishópur BSRB hefur
einnig samþykkt harðorð mót-
mæli gegn hækkunum á lyfjaverði
til almennings.