Börn og menning - 2019, Qupperneq 7

7Óskabarn, óskadís, óskasteinn og óskasnillingur
þá inn í banka – „peningar eru bara pappír með mynd-
um ef þeir eru ekki notaðir,“ segir hún kokhraust (bls.
52). Foreldrum hennar finnst upphæðin of há til að fara
í einhvern óþarfa en vitanlega er Fíasól ekki sammála
því mati þeirra. Verra finnst henni þegar besti vinur-
inn, Ingólfur Gaukur í næsta húsi, er sammála fullorðna
fólkinu en hún kveður hann léttilega í kútinn. Þegar
hún er í þessum vandræðum miðjum fréttir hún af
umboðsmanni barna hjá einni vinkonu sinni og hefur
samband við hann. Úr verður sáttafundur með deilu-
aðilum og afa og ömmu sem sáttasemjurum og niður-
staðan verður báðum aðilum í hag. Foreldrarnir fara að
vísu betur út úr því í bili en langtímalausnin er Fíusól
sannarlega í vil.
Þessi samskipti stelpunnar við umboðsmann barna
vinda svo óvænt upp á sig þegar fréttin berst út á með-
al skólafélaganna. Í hópi þeirra leynast börn sem eiga í
talsvert alvarlegri vandræðum en Fíasól og hafa mikinn
og góðan hag af því að komast í samband við umboðs-
manninn. Lausn embættismannsins er ævinlega sú að
ræða málin stillilega, með hlutlausan aðila á hliðar-
línunni, þá finnst lausn. En þegar Fíasól fær að vera á
hliðarlínunni í máli skólasystur sinnar getur hún ekki
setið aðgerðalaus. Hún klippir í sundur peysu skóla-
systurinnar fyrir framan foreldra hennar til að sýna þeim
hvernig þau skipta henni í tvær óhamingjusamar stelpur
með kröfum sínum og óbilgirni. Það mætti halda að
Fíasól hefði lesið um Salómon konung í biblíusögun-
um, en kannski er Fíasól bara eins klár og Salómon.
Í þessu síðasta bindi nær sjálfstæðisbarátta Fíusólar
hámarki og við skiljum við stúlku sem er treystandi fyrir
hvaða starfi eða embætti sem vera skal og jafnvel fyrir
því að breyta heiminum. Betri þegn í samfélagi er erfitt
að hugsa sér.
Tækjalausi dagurinn
Af öllum þeim aragrúa stórskemmtilegra sagna sem
sagðar eru af Fíusól í bókunum er sagan um tækjalausa
daginn uppáhaldið mitt (4, bls. 95–115). Hann hefst
við morgunverðarborðið á því að Fíasól hafnar ristuðu
brauði – sem er þó eftirlætið hennar svona yfirleitt. En
það er bara byrjunin! Undir áhrifum frá róttækum sjón-
varpsþætti ætlar hún að rannsaka hvort hún geti farið
í gegnum heilan dag án þess að nota tæki. „Og hvað
kallarðu tæki?“ spyr mamma. „Allt sem þarf orku sem
Í þessu síðasta bindi nær
sjálfstæðisbarátta Fíusólar
hámarki og við skiljum við
stúlku sem er treystandi
fyrir hvaða starfi eða
embætti sem vera skal og
jafnvel fyrir því að breyta
heiminum.