Börn og menning - 2019, Síða 11

11Lestrarhvetjandi verkefni í Hagaskóla
nemendur. Stundum mæla nemendur með einhverjum
bókum sem þeir hafa lesið og er það þá öðrum hvatning
til að lesa þær. Það má fullyrða að þessar stundir hafa
orðið mörgum nemendum hvatning til lestrar góðra
bóka.
Bókaráð
Til þess að auka áhuga nemenda á bóklestri er mikil-
vægt að hafa gott skólabókasafn sem höfðar til allra.
Í umræðu um bókasafnið kom fljótlega fram sú hug-
mynd að ef safnið ætti að höfða til nemenda þyrftu þeir
að vera með í ráðum. Þeir þyrftu að taka þátt í að velja
bækur á safnið og koma með hugmyndir um hvernig
hægt væri að gera bókasafnið aðlaðandi þannig að nem-
endur sæktu þangað í ríkari mæli en áður. Í framhaldi af
þessari hugmynd var ákveðið
að stofna bókaráð skólans.
Það var gert haustið 2017.
Í ráðinu voru 15 nemendur
auk kennara og bókasafns-
fræðings. Fljótlega kom í ljós
að nemendur höfðu sterkar
skoðanir á hvað þyrfti að
gera til þess að hvetja sam-
nemendur sína til aukins
lestrar og þeir fullorðnu sáu
að þeir þurftu að þora að
treysta nemendum til að
ráða ferðinni. Skömmu eftir
að ráðið var stofnað var farið
Fljótlega kom í ljós að
nemendur höfðu sterkar
skoðanir á hvað þyrfti að
gera til þess að hvetja
samnemendur sína til
aukins lestrar og þeir full-
orðnu sáu að þeir þurftu að
þora að treysta nemendum
til að ráða ferðinni.
í innkaupaleiðangur til þess að kaupa þær bækur sem
nemendur töldu vanta á safnið. Þeir nefndu fyrst og
fremst ungmennabækur sem höfðuðu til eldri unglinga
og bókaflokka þar sem fyrstu bækurnar höfðu verið
þýddar á íslensku en nemendur vantaði framhaldið sem
þá var keypt á ensku. Nemendur höfðu líka skoðanir
á því hvernig bókum var stillt upp á safninu og tóku
heilan dag í að endurraða í hillur þannig að bækur sem
höfðuðu til jafnaldra þeirra væru sýnilegri. Þar sem
nemendum með annað móðurmál en íslensku hefur
fjölgað í skólanum kom fram að mikilvægt væri að á
bókasafninu væru til bækur á móðurmáli allra nemenda
skólans. Strax var ákveðið að leita til Borgarbókasafns-
ins til þess að fá lánaðar bækur á ýmsum tungumálum
og það er svo langtímaverk efni skólabókasafnsins að
safna bókum á fjölbreyttum
tungumálum. Ýmissa leiða
er leitað til þess að afla bóka
á móðurmáli nemenda. Oft
eru þær keyptar á netinu,
stundum eru foreldrar nem-
enda beðnir um aðstoð við
bókakaup og í einhverjum
tilvikum nota kennarar tæki-
færið og kaupa bækur þegar
þeir fara til útlanda.
Í samræðum við nemend-
ur í bókaráði kom fram að
stór hópur ungmenna hefur
áhuga á bóklestri en fram-
Frú Vigdís Finnbogadóttir flutti
erindi á málþinginu „Barnið vex
en bókin ekki.“