Börn og menning - 2019, Blaðsíða 12

Börn og menning12
boð ungmennabóka á íslensku væri lítið og þær bækur
sem kæmu út á íslensku fyrir jólin væru flestir yfirleitt
búnir að lesa í febrúar. Mikið var rætt um bókaflokka
sem innihéldu kannski 10–15 bækur en einungis
fyrstu tvær kæmu út í íslenskri þýðingu og þýðingar
skili sér svo seint að unglingar væru búnir að verða sér
úti um upprunalegu bókina á ensku og lesa hana eða
orðnir fullorðnir lesendur og komnir með annan bók-
menntasmekk þegar íslenska þýðingin kæmi út.
Einn nemenda í bókaráði kom með þá hugmynd
að halda málþing til þess að vekja athygli á tilfinnan-
legum skorti á barna- og unglingabókum á íslensku.
Hugmyndin féll í góðan jarðveg og þann 28. febrúar
2018 stóð bókaráð Hagaskóla fyrir málþinginu Barnið
vex en bókin ekki og var allur undirbúningur fyrir mál-
þingið í höndum nemenda sjálfra. Á málþinginu töluðu
þrír nemendur en auk þeirra fluttu erindi frú Vigdís
Finnbogadóttir fyrrverandi forseti, Lilja Alfreðsdóttir
menntamálaráðherra ásamt fulltrúum bókaútgefenda,
rithöfunda og skólabókasafna. Málþingið var vel sótt og
vakti mikla athygli. Þar mátti greina mikla samstöðu
fyrirlesara og fundargesta um mikilvægi málefnisins og
í kjölfar þess boðaði menntamálaráðherra til aðgerða
og setti á fót sérstakan styrktarsjóð til útgáfu barna- og
unglingabóka.
Bókaráðið hlaut viðurkenningu IBBY á Íslandi, Vor-
vinda, í maí 2018 fyrir framlag sitt til barnamenningar.
Á þessu skólaári tók bókaráð þátt í alþjóðlegu barna-
og unglingabókmenntahátíðinni Mýrinni sem haldin
var í Norræna húsinu dagana 11.–14. október 2018.
Allir nemendur í 8. bekk heimsóttu hátíðina og tveir
nemendur úr bókaráði fluttu erindi og tóku þátt í pall-
borðsumræðum um barna- og ungmennabókmenntir.
Einnig má nefna að bókaráð hefur staðið fyrir þema-
dögum á bókasafni, verið með bókakaffi og gerð var
tilraun með kvikmyndakvöld þar sem sýndar voru
kvikmyndir sem gerðar hafa verið eftir bókum. Þá hafa
rithöfundar komið í heimsókn og lesið úr verkum sín-
um fyrir nemendur.
Heimalestur
Til viðbótar við það sem nefnt er hér að framan hefur
ýmislegt verið gert til þess að hvetja nemendur til lestrar
utan skólans. Heimalestur þar sem foreldrar kvitta fyrir
lesturinn er nú fastur liður í 8. og 9. bekk en einnig
Í samræðum við
nemendur í bókaráði
kom fram að stór hópur
ungmenna hefur áhuga
á bóklestri en framboð
ungmennabóka á íslensku
væri lítið og þær bækur sem
kæmu út á íslensku fyrir jólin
væru flestir yfirleitt búnir að
lesa í febrúar.
Lilja Alfreðsdóttir, mennta- og menningarmálaráðherra,
og frú Vigdís Finnbogadóttir voru á meðal ánægðra
málþingsgesta.