Fréttabréf Samtaka lungnasjúklinga - mar. 2009, Blaðsíða 1

SAMTÖK
LUNGNASJÚKLINGA
Fréttabréf 1.tbl. 12.árg. mars 2009
Nú er sá tími þegar við lungna-
sjúklingar finnum hvað mest fyrir
svifryksmengun. Hjá Umhverfis- og
samgöngusviði er hægt að fá mjög
góðar upplýsingar. Fyrir þá sem eru
nettengdir er t.d. hægt að fara inn
á umhverfissvid.is og þar er linkur,
eða krækja, neðarlega hægra
megin í formi umferðaljóss - grænt,
gult og rautt. Litirnir gefa þannig
til kynna hversu mikil mengun er á
svæðinu. Með því að smella á
nánari upplýsingar á linknum er
hægt að fá upplýsingar um hvað
litirnir þýða.
Svifryk (PM10) hefur farið fimm sinnum
yfir heilsuverndarmörkin það sem af er
þessu ári. Í ár má fara 12 sinnum yfir
sólarhrings heilsuverndarmörkin sem eru
50 mikrogrömm á rúmmetra. Meðan úr-
koma er til staðar þá er lítil mengun. Á
heimasíðu Umhverfis- og samgöngu-
sviðs er meðal annars hægt að nálgast
ársskýrslu fyrir loftgæði undir link sem
heitir útgáfa.
Á heimasíðu http://esv.blog.is/blog/esv/
fjallar Einar Sveinbjörnsson um mjög
fróðlega niðurstöðu þýskrar rannsóknar í
fjórum borgum. Athyglisvert er að það
eru ekki nagladekkin sem eru völd að
smágerðum ögnum í andrúmslofti,
heldur mestmegnis sót frá bílvélum og
síðan alls kyns agnir frá iðnaði og annarri
mannlegri starfssemi af öllu mögulegu
tagi. Í 2. árg. 1.tbl. 2008 af blaði Astma-
og ofnæmisfélagsins eru einnig frábærar
greinar um svifryk sem vert er að kynna
sér.
Hins vegar reynist vel að loka öllum
gluggum þegar er frost, sólskin og logn
og opna ekki fyrr en sólin er sest. Einnig
borgar sig að halda sig innan dyra nema
brýna nauðsyn beri til þegar þessi veður-
skilyrði eru.
Það er ósk okkar að þið hafið orðið
einhvers vísari um svifryksmengun með
þessum skrifum því að þessi tegund
mengunar er okkur lungnasjúklingum
mjög erfið. Við hvetjum ykkur jafnframt
til að kynna ykkur þann fróðleik sem
ofangreindar heimasíður hafa að geyma
Jóhanna Pálsdóttir.
Svifryk