Fiskifréttir - 20.12.1996, Blaðsíða 10

10
FISKIFRÉTTIR föstudagur 20. desember 1996
Athafnamenn
— I>að voru mjög mikil við-
brigði. Ég hafði ekkert annað gert,
svo til frá því að ég man eftir mér,
en að vera á sjó. Ég var fimm ára
gamall þegar ég fór fyrst í túr með
pabba á togara og ég sá aldrei neitt
annað. Ég var í sjómennskunni af
lífi og sál og auðvitað fórnaði ég
ýmsu sem jafnöldrum mínum stóð
til boða. Fyrst eftir að ég kom í
land var ég eins og í lausu lofti. Sú
spurning var óneitanlega áleitin
hvort ég væri að gera einhverja
bölvaða vitleysu. Á hitt ber að líta
að stundum dauðkveið ég fyrir því
að fara á sjóinn. Petta var hins veg-
ar alfarið mín ákvörðun. Það var
engin pressa frá fjölskyldunni að
koma í land. Ég tilkynnti henni
þessa ákvörðun. Konan segir við
mig núna að hún vilji ekki að ég
fari á sjóinn aftur þótt vinnudagur-
inn í landi sé langur. En þetta er
öðru vísi. Ég er við hendina ef eitt-
hvað kemur upp á, segir Þorsteinn
en þess má geta að hann og eigin-
Starfsfólk Marel hf.
sendir sjómönnum
og fiskvinnslufólki
hugheilar jólakveðjur
með ósk um
farsælt komandi ár.
*r--------------m
Höfðabakka 9 112 Reykjavík
Sími: 563 8000 Fax: 563 8001
4QÖ Netfang: info@marel.is ►
Esther í höfn á Akureyri. Samherji hf. hefur að undanförnu reynt að selja skipið
kona hans, Þóra Hildur Jónsdótt-
ir, eiga sex börn. Þau elstu eru
reyndar flogin úr hreiðrinu, í bili
a.m.k., en þrjú eru ennþá heima.
Yngsta barn Þorsteins og Þóru er
Stefán, sem nú er hálfs annars árs,
og Þorsteinn segir í gamni að það
sé eina barnið hans sem hann eigi
kost á að ala upp frá grunni.
— Hefur það hvarflað að ykkur
frændunum að setjast hreinlega í
helgan stein eftir að búið verður að
breyta Samherja hf. í almennings-
hlutafélag?
— Það hafa margir spurt okkur
þessarar spurningar. En það er
ekki á dagsrká. Það væri ekkert
gaman. En auðvitað verðum við
að hugsa um framtíðina eins og
aðrir. Ein af ástæðum þess að við
veljum þessa leið er sú að með
þessu móti teljum við að við tryggj-
um hagsmuni fjölskyldna okkar
best. Slagur um peninga og yfirráð
í fyrirtækjum hefur sundrað mörg-
um fjölskyldum. Ég á sex börn,
Kristján fimm og Þorsteinn Már á
tvö börn. Ekki getum við ráðið öll
börnin okkar í vinnu hjá Samherja
hf. Hvað með barnabörnin þegar
fram líða stundir? Ég gæti átt 20-30
barnabörn eftir 10-20 ár, segir Þor-
steinn og hlær dátt um leið og við
slítum spjallinu. Það er komið há-
degi og konan og tvö barnanna eru
komin til þess að ná í hann í mat.
Um leið og Þorsteinn röltir inn á
skrifstofu sína til þess að ná í eitt-
hvað, sem hann hefur gleymt,
kemur í ljós að það er sitthvað til í
því að hann hafi tekið uppeldi Stef-
áns sonar síns föstum tökum.
Þegar sá stutti kjagar á eftir pabba
sínum kemst maður a.m.k. hjá því
að veita því athygli að göngulag
þeirra feðga er óneitanlega mjög
svipað.
Fréttir
Bliki og G. Ben sameinast:
Rækjufrystitogarí
keypiurfrá Græntandi
— er systurskip Júlíusar Havsteen ÞH
Nýtt útgerðarfyrirtæki, BGB hf., sem myndað var
með sameiningu Blika hf. á Dalvík og G.Ben á Ar-
skógsströnd fyrir skemmstu, hefur keypt græn-
lenska rækjufrystitogarann Natarnak og verður
hann afhentur um miðjan næsta mánuð. Seljandi er
Royal Greenland. Togarinn var smíðaður í Dan-
mörku árið 1987 og er systurskip Júlíusar Havsteen
ÞH frá Húsavík sem keyptur var til landsins fyrir
ári. Skipið er 42 metra langt og 10,4 metra breitt og
mælist 423 brúttórúmlestir eða 716 brúttótonn.
Grænlenskí togarinn Natarnak, sem kemur í stað Blika EA.
Skipið kemur í stað Blika EA og
er stærðarmunurinn umtalsverð-
ur, því Bliki er 34 m langur, 8,75 m
breiður og mælist 216 brl. eða 436
brúttótonn. Bliki hefur nú þegar
verið seldur til Bátsfjord í Noregi.
Kaupverð grænlenska skipsins og
söluverð Blika hefur ekki verið
gefið upp.
Ottó Jakobsson útgerðarmaður
tjáði Fiskifréttum, að ástæðan fyrir
kaupunum á grænlenska togaran-
um væri fyrst og fremst sú, að Bliki
væri of lítið skip til þess að sækja á
fjarlæg mið eins og Smuguna og
Flæmingjagrunn, þótt leitast hefði
verið við að senda hann út fyrir
lögsöguna á undanförnum árum.
Bæði væri burðargetan of lítil og
aðstaða fyrir mannskapinn ekki
nógu góð. „Við áttum þess vegna
um það að velja að lengja Blika
eða kaupa stærra skip álíka
gamalt. í báðum tilfellum hefði
þurft að kaupa rándýra úreldingu
og að vel aðhuguðu máli var síðari
kosturinn ódýrari fyrir okkur, ekki
síst vegna fáránlegra úreldingar-
reglna,“ sagði Ottó í samtali við
Fiskifréttir. Trausti ÁR var keypt-
ur sem viðbótarúrelding vegna
skipakaupanna, en með honum
fékkst 315 tonna kvóti í þorskígild-
um.
Skrifstofur nýja útvegsfyrirtæk-
isins BGB hf. verða á Árskógs-
strönd en fiskvinnsla verður rekin
á báðum stöðum. Þannig fer frum-
vinnsla saltfisksins fram á Ár-
skógsströnd en þurrkun og pökk-
un á Dalvík, auk þess sem skreið-
arverkun og hausaþurrkun verður
þar áfram. BGB hf. mun gera út
þrjá báta auk togarans. Þeir eru
Arnþór, Borgþór og Sæþór. Fram-
kvæmdastjóri fyrirtækisins er Þórir
Matthíasson.