Múlaþing: byggðasögurit Austurlands - 01.01.2004, Side 158

Múlaþing
var haldið við fram til 1945 en ekki mun
vatni hafa verið veitt inn í Teig eftir 1935.
Um þetta má lesa í 16. bindi Múlaþings, bls.
31-37.
Af persónum, sem voru í Refsmýri á
búskapartíma Guðbjargar og Eiríks má
nefna: Vilborg systir hans og Guðmundur
Kjerúlf voru þar 1889-1890 og fóru þaðan
til búskapar á Ormarsstöðum. Guðbjörg
Árnadóttir var þar 1904-1905 með Sigurð
son sinn kornungan. Hún var síðar hús-
móðir í Heiðarseli í Tungu en Sigurður bjó
þar 1932-1947 er hann fluttist til Hvera-
gerðis. Guttormur Einarsson og Oddbjörg
Sigfúsdóttir voru þar 1901-1902 og Einar
elsta barn þeirra. Hann var síðar læknir í
Vestmannaeyjum. Guðlaug Árnadóttir hét
vinnukona þar 1905-1906 með Albert
Hallgrímsson son sinn. Hann er sagður
fæddur á Atlantshafi í aðalmanntölum. Eitt
ár voru þar Þorsteinn Vigfússon og Guðrún
Erlendsdóttir með tvö börn sín, Erlend og
Björgu. Þau voru síðar á Egilsstöðum. Guð-
rún Sigurðardóttir og sonur hennar Sigurður
Jóhannsson voru eitt ár. Hann bjó síðar tvö
ár í Refsmýri en lengst á Miðhúsaseli. Guð-
rún var hálfsystir Guðnýjar móður Guð-
bjargar. Rakið áður í þessum þáttum. Fleira
fólk mætti nefna en hér verður staðar
numið.
Óskylt fólk hóf búskap í Refsmýri eftir
brottflutning Guðbjargar og Eiríks. Yfirleitt
var færra fólk þá í heimili. Er það tímanna
tákn og ekki frekar þar en annars staðar.
Fólki fækkaði til sveita vegna flutninga að
sjávarsíðunni og til Ameríku.
Helgi Hallgrímsson og Agnes
Pálsdóttir
Helgi (1241) og Agnes (13836) hófu
búskap í Refsmýri vorið 1907. Helgi var frá
Birnufelli, hálfbróðir Ólafs Bessasonar
bónda þar. Alsystkini Helga voru: Guðrún
sem bjó norður í Húnavatnssýslu, Björn
sem dó ungur og Helga sem giftist Sölva
Jónssyni í Meðalnesi. Agnes var frá Fossi á
Síðu, systir Páls á Krossi og Dagnýjar hús-
freyju í Skógargerði. Þessi systkini voru
átta, sem upp komust. Móðir þeirra var
Margrét Ólafsdóttir frá Syðristeinsmýri í
Meðallandi. Sólrún Eiríksdóttir á Krossi
skrifaði ágæta ritgerð um Margréti í 6. bindi
Múlaþings.
Helgi var mjög áhugasamur bóndi en
varð skammlífur, lést úr berklum 1912.
Agnes bjó áfram til 1923 og hafði ráðsmenn.
Lengst var Einar Hallsson frá Krossbæ í
Nesjum 8 ár. Hann var áður og lengi síðar á
Skeggjastöðum, hæglátur og hljóður en
búþarfur í besta lagi.
Börn Agnesar og Helga voru tvö:
Margrét sem dó úr tæringu 1925 og
Hallgrímur, sem byggði nýbýlið Drop-
laugarstaði í Fljótsdal. Kona hans var
Laufey Ólafsdóttir frá Holti. Agnes lét af
búskap í Refsmýri 1923, fluttist að Ási,
giftist Brynjólfi Bergssyni bónda þar og var
þriðja kona hans. Eignuðust dótturina Lauf-
eyju sem dó hálfs árs gömul 1924. Agnes
lést árið 1970 og var síðustu áratugina hjá
Hallgrími syni sínum á Droplaugarstöðum.
íveruhús fólksins í Refsmýri brann á
laugardagsnótt í miðgóu 1921. Kviknaði í
út frá röri, sem lá upp í gegnum torfþekju.
Ekki brunnu önnur hús í gamla bænum.
Hallgrímur Helgason skrifaði þátt um
bæjarbrunann í Fellamannabók, bls. 305-
308. Oddur Sölvason var ráðsmaður þá hjá
Agnesi. Álykta má eftir grein Hallgríms að
handafumi og æðigangi Odds hafi verið um
að kenna að baðstofan skyldi brenna.
Portbyggt hús var byggt sumarið eftir og
var í því búið til 1955. Það var í raun og
veru timburhús með þykkum torfveggjum á
þrjá vegu og tjörupappavarið timburþil fram
á hlað. Þetta hús var merkilega hlýtt.
156