Múlaþing: byggðasögurit Austurlands - 01.01.2006, Qupperneq 7

Sveitir og sameining
Miklar breytingar hafa orðið á skipan sveitarfélaga á Austurlandi síðustu árin.
Sveitarfélög hafa sameinast og þannig hafa orðið til stærri og fjölmennari
sveitarfélög. Ekki sér fyrir endann á þessari þróun og örugglega á eftir að
sameina sveitarfélög ennfrekar á næstu árum.
Það þarf að vera forsenda sameiningar að hún komi öllum íbúum sveitar-
félaganna til góða með bættri þjónustu á allan hátt. Lykillinn að því að
sameining sveitarfélaganna nýtist íbúunum sem best eru bættar samgöngur og
þess vegna þurfa þær að fylgja í kjölfarið.
Þegar talað er um samgöngubætur er hér ekki eingöngu átt við jarðgangagerð
sem vissulega er oft eini raunhæfí kosturinn til bættra samgangna milli
byggðarlaga hér á Austurlandi. Einnig þarf að huga að uppbyggingu vega og
lagningu bundins slitlags á þá vegi sem eftir hafa setið.
Sveitirnar á Austurlandi mega ekki við því að grisjast frekar en þegar er
orðið. Til þess að ungt fólk haldi áfram að búa í dreifbýlinu þarf það að búa við
sömu þjónustu og íbúar þéttbýlisins.
Ellúa verður að þeirri þjónustu sem vera þarf til staðar í dreifbýlinu og
tryggja þannig búsetu í sveitunum sem frekast er unnt. Er í þessu sambandi hollt
að hafa í huga að ekki er alltaf eingöngu hægt að horfa á krónutölur í
rekstrarreikningum sveitarfélaga.
Þó hefðbundinn landbúnaður hafí dregist mikið saman á síðustu tveimur
áratugum virðist hafa hægt á þeim samdrætti, um það bera myndarleg bú vitni
víða um fjórðunginn. Algengt er að önnur atvinna sé stunduð með búskapnum
þar sem atvinnutækifærum hefur ijölgað og samgöngur batnað. Einnig er
nokkuð um að fólk kjósi að búa áfram í sveitunum þó búskapur hafí lagst af. Ný
atvinnutækifæri tengd ferðaþjónustu og skógrækt hafa skapast og aðdáunarvert
er að sjá stórhug margra á þeim sviðum.
Við Austfírðingar værum vissulega fátækari ef sveitirnar væru ekki til staðar
og mannlífíð yrði einsleitara ef íbúum þar fækkaði og margir bæir legðust í
eyði.
Það er nóg til í þjóðfélaginu af ijársterkum aðilum semeru tilbúnir að kaupa
þær jaðir sem boðnar eru til sölu. Eðlilegt er að þeir sem komnir eru á efri ár
grípi tækifærið og selji eignir sínar þegar gott verð fæst fyrir þær og ekki
megum við áfellast fólk fyrir það.
Við skulum vona að flestir þeir sem kaupa jarðir í sveitunum hér á
Austurlandi sjái sér hag í að setjast þar að og stuðla þannig að öflugri byggð í
dreifbýlinu, hvað sem þeir taka sér fyrir hendur.
JGG
5