Heilsuvernd - 01.08.1948, Page 28

Björn L, Jónsson:
B/rjum á byrjuninni
1 síðasta hefti var sagt frá ræktunartilraunum, er enskur
vísindamaður, Sir Albert Howard*) gerði austur í Indlandi
á 3. tug þessarar aldar. Komst hann að þeirri óvæntu og
stórmerkilegu niðurstöðu, að með réttum ræktunaraðferð-
um er hægt að gera jurtir ónæmar fyrir hverskonar jurta-
sjúkdómum og um leið heilnæmari og ljúffengari til fóðurs
eða matar.
Hinar mikilsverðu uppgötvanir sínar hefir Sir Albert
orðað á þessa leið:
1. Skordýr og sveppir eru ekki hin raunverulega orsök
jurtasjúkdóma. Þessi smádýr ráðast eingöngu á þau af-
brigði eða þær jurtir, sem eru veikbyggðar og hafa ekki
nægilegt mótstöðuafl. Þau velja úr einmitt þær jurtir, sem
eru orðnar veiklaðar af óheppilegri næringu og rangri með-
ferð.
Rétt nærðar og heilbrigðar frurnur hljóta að launum
náttúrlegt ónæmi gegn hverskonar sýkingaröflum.
Fyrsta skilyrðið fyrir þessu er það, að jarðveginum sé
haldið heilbrigðum og lifandi með nægilegum aðdrætti af
hentugum, lífrænum áburði.
2. Hinar venjulegu aðferðir til sóttvarna og lækninga að
dreifa á jurtirnar eitruðum vökvum, dufti o. s. frv., eru
algerlega óvísindalegar og beinlínis skaðlegar.
Og jafnvel þegar þessar aðgerðir bera árangur, þá er
hann varla ómaksins verður, því að hinar sýktu eða við-
kvæmu jurtir eru naumast þess virði, að þeim sé forðað
frá tortímingu.
*) Ranglega nefndur Alfred í síðasta hefti.